27. nóvember - 4. desember - Tbl 48
Stefnir í litaðar viðvaranir i veðrinu
Óli Þór Árnason veðurfræðingur Myndir Skjáskot/og af síðu Veðurstofu Íslands
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti.
Vefurinn heyrði í Óla Þór Árnasyni veðurfræðingi á Veðurstofu Íslands, og bað hann um að segja lesendum við hverju væri að búast í þessum efnum,
,, Morgundagurinn heilsar okkur bjartur og kaldur, hitatölur jafnvel niður fyrir 20 stiga frost þar sem kaldast verður, en í kringum Mývatn, Bárðardal og Aðaldal eru svæði þar sem kuldapollar setjast og þar mælist oft köldustu dagarnir á NA-verðu landinu“ sagði Óli og bætti við,
,,Þegar líður á morgundaginn, bætir í vind og dregur þá úr frosti. Úrkomubakkinn kemur inná Suðausturland seinnipartinn og færist svo til norðurs um kvöldið og aðfararnótt laugardags. Í þéttbýli ætti þetta ekki að hafa mikil áhrif á kjördagdag en færð á fáfarnari vegum gæti orðið talsvert þyngri.
Þessu fylgir skafrenningur og snjókoma, mesta úrkoman verður líklega austast á landinu en Norðurland mun líka fá sinn skerf. Minni líkur eru á að þetta valdi umferðartruflunum á Tröllaskaga.“
Einhver ráð til fólks?
,,Það væri þá helst að fólk ætti að reikna sér ríflegan tíma til að koma sér til og frá kjörstað. Á laugardagskvöld dregur svo bæði úr ofankomu og vindi og þá minnkar skafrenningurinn að auki, samfara því að frost herðir aftur.
Á sunnudag, fullveldisdaginn verður norðan kaldi með éljum sem aftur dregur enn meir úr þegar líður á daginn og ætti því víðast hvar að vera ágæt ferð.
Ágætt er að hafa í huga að vegagerðin er ekki með fulla þjónustu um helgar á fáfarnari vegum og því uppfærast ekki fréttir af færð eins hratt og á vegum með fulla þjónustu.
Myndi telja líklegt að hluti Norðausturkjördæmis fái á sig gular viðvaranir áður en þessi dagur er úti“ sagði Óli Þór að endingu.
Úrkomuspá kl 15 n.k. laugardag.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
