20. nóvember - 27. nóvember - Tbl 47
Smá hugleiðing!
Frá Grímsey
Nýverið var 585 milljónum króna úthlutað úr Matvælasjóði og er þetta þriðja úthlutun sjóðsins. Hlutverk Matvælasjóðs er að styrkja þróun og nýsköpun við framleiðslu og vinnslu matvæla og hliðarafurða úr landbúnaðar- og sjávarafurðum. Áhersla er á nýsköpun, sjálfbærni, verðmætasköpun og samkeppnishæfni íslenskrar matvæla. Sjóðnum er einnig heimilt að styðja við vöruþróun og markaðssókn á erlendum mörkuðum. Sjóðurinn fylgir eftir heimsmarkmiðum Sameinuðu þjóðanna.
Við að fullvinna vörur aukum við verðmæti þeirra, sköpum störf og sköpum vörunni sérstöðu (búum til verðmætt "brand"). Er hægt að auka verðamæti afurða sem dregin eru á land í Grímsey, fjölga þannig störfum og stuðla að samfélagsuppbyggingu? Hvað er hægt að gera með önnur verðmæti sem matarkistan Grímsey gefur af sér s.s. egg, fugla, skarfakál, fjörugróður, þara, jafnvel geitur og kindur?
Í boði eru fjölmargir sjóðir sem styðja við nýsköpun og vöruþróun. Hér eru nokkur dæmi um verkefni sem hlutu nýverið stuðning úr Matavælasjóðnum og snúa að því að auka verðmætasköpun sjávarfangs. Þau endurspegla að með skapandi hugsun og aðgerðum er hægt að búa til verðmæti, fjölga störfum og skapa sérstöðu!
1. "Þorskroð snakk"
2. "Aukin bragðgæði og áferð íslensk fisk með hægmeyrnun"
3. "Bætaefnadrykkir með íslenskum þörungum"
4. "Bragðefni unnin úr sjávarfangi"
5. "Markaðssókn Fish&Chips í Bandaríkjunum" (ég vil bara Grímseyjar Fish&Chips - langbest - væri frábært að sjá slíka vöru fullunna í Grímsey og koma henni á markað víða um heim! Hvað myndi það skapa mörg störf í Grímsey?)
6. "Markaðssetja grásleppuhrogn í Sushi"
Endilega lítið á öll hin verkefnin sem einnig hlutu stuðning. Þau kunna að gefa ykkur hugmyndir þau tækifæri sem felast í nýsköpun og vöruþróun ýmissa matvæla.
Matareyjan Grímsey hefur ótal möguleika til vöruþróunar og staðsetning eyjarinnar gefur vörunni sérstöðu og forskot á markaði. Hvaða vörur væri hægt að fullvinna í Grímsey: sauðaostar, skarfakálssnakk, bragðefnagerð úr þangi, nýting glatvarma í aguafarms (inniræktun grænmetis með aðstoð fiska), Viskiframleiðsla, grafið ærkjöt með skarfakálssalti, geitasnakk, hágæða prótein unnið úr eggjum "hamingjusamra sjávarfugla"
Ég sé ekkert nema tækifæri í þessari matarkistu norðursins - hvar er hægt að finna hreinni afurðir en í Grímsey og í sjónum í kring? Hægt er að skapa fullunnum matvælum úr Grímsey gríðarlega sérstöðu og þar með samkeppnisforskot á markaði.
Ef einhver hefur áhuga að nýsköpun og þróun matvæla í Grímsey þá er ég meira en tilbúin til að veita ráðgjöf við þróun og fjármögnun slíkra verkefna. Það þarf kjark, þor og ástríðu til að ráðast í slík verkefni. Á slíkum vegi eru margar hindranir en líka sætir sigrar.
Áfram Grímsey.
Greinin birtist á Facebook síðu byggðaþróunarverkefnisins Glæðum Grimsey og er höfundur, Arna Björg Bjarnadóttir, verkefnisstjóri samnefnds verkefnis.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
