Skógræktarfélag Eyfirðinga Sjötíu ár frá því sala jólatrjáa hófst
Skógræktarfélag Eyfirðinga bauð lifandi jólatré til sölu í fyrsta sinn fyrir jólin árið 1953, þannig að félagið fagnar því nú í ár að 70 ár eru frá því byrjað var að selja fólki lifandi jólatré til að skreyta híbýli sín. Einnig voru fyrir jólin 1953 til sölu greinar af jólatrjám. Á þessum tíma hafði jólatrjáhefðin stigið sín fyrstu skref, hrífusköft voru skreytt með birki eða eini greinum, gjarnan smíðuð af hagleiksfólki og voru víða til en höfðu ekki enn skapað sér hefð í jólahaldi Íslendinga.
Ingólfur Jóhannsson framkvæmdastjóri Skógræktarfélags Eyfirðinga segir að þegar félagið bauð jólatré og greinar til sölu fyrsta ári hafi í allt verið í boði 25 sígræn tré, ýmist höggvin í heimabyggð eða útveguð af Landgræðslusjóði. Sömuleiðis hafi verið talsvert til af greinum sem klipptar voru í Vaðlareit og Grundarskógi. „Við Eyfirðingar, sem erum reyndar annálaðir fyrir skynsemi og varkárni þegar kemur að nýjum viðskiptum, létum ekki svona gylliboð glepja okkur. Skemmst er frá að segja að um helmingur jólatrjánna eignaðist nýtt heimili en greinar seldust upp og lögðu þannig grunninn að eyfirskri jólahefð,“ segir hann.
Selja 1.200 tré á heimamarkaði árlega
Nú selur Skógræktarfélagið um 1.200 íslensk jólatré á heimamarkaði og segir Ingólfur að þau sér framleidd án allra eiturefna og kolefnissporið er í lágmarki. Hann nefnir að um þessar mundir herji afar alvarlegir trjásjúkdómar á Evrópu og selur SE ekki innflutt tré, samkvæmt banni frá Mast, en einnig eigin samvisku. „Jólatrjáabændur á okkar starfssvæði eru okkur algerlega nauðsynlegir, þeir tryggja gæði framleiðslunnar og keppa við m.a. innfluttan þin frá Danmörku og gervitré sem dæmi,“ segir hann.
Kynbótastarf í trjárækt segir hann verðugt umfjöllunarefni hvort sem afurðin er timbur, yndi eða jólatré. Sauðfjárbændur byggi á hefð sem nær yfir hundruði ára þegar kemur að kynbótastarfi, en skógræktin á Íslandi einungis fáa áratugi.
Starfsmenn Skógræktarfélagsins hafa verið á ferðinni undanfarið að ná í jólatré, en um þessar mundir er sala á aðventutrjám að hefjast af fullum krafti. Ingólfur segir að þar sé um að ræða hefð sem byggst hafi upp undanfarin 10 ár og tengist fullvinnslu afurðar. „Við höggvum tré, setjum þau í fót, skreytum með ljósum, færum viðskiptavini á aðventu og sækjum þegar skammdegi lýkur. Seríur og fætur eru nýtt aftur að ári, tré kurluð og þau nýtast við stígagerð í Kjarnaskógi,“ segir hann en fyrir hvert jólatré sem fellt er plantar Skógræktarfélagið á bilinu 50 til 100 trjám.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
