Skipulagsmál í Cornwall
Okkur hjónakornunum er farið eins og sjálfsagt mörgum öðrum um þessar mundir, hugarferðalögin eru farin að sækja í sig veðrið og við grípum okkur æ oftar í spjalli um gengin spor og farin ferðalög. Við erum ákaflega elsk að heimilinu okkar, en tíminn sem veiran skæða hefur sett ferðalögum skorður er jú orðinn full langur. Eitt af okkar allra bestu ferðalögum var farið sem oftar, á meðan afkomendur okkar bjuggu í Bretaveldi og við gátum sameinað að hitta þau í London og keyra svo um grænar breskar sveitir.
Bærinn Polperro á Cornwall skaganum er í uppáhaldi. Pínulítið sjávarpláss með hvítkölkuðum, skrýtnum og töfrandi húsum. Svo sem ekkert mikið að gerast, litlar verslanir og kaffihús þar sem hægt er að fá skonsur með sultu og te, eitt safn um sögu staðarins og nokkur gallerí. Þó lifa líklega allir íbúarnir á ferðamönnum í stað veiða áður fyrr og allir þessir ferðamenn sækja í það að ráfa um þröngar göturnar, hlusta á máfana garga, setjast við höfnina og njóta andrúmsloftsins í litla bænum. Þar má ekki keyra, í staðinn eru ferðamennirnir keyrðir á vögnum með trébekkjum frá bílastæði í útjaðri bæjarins.
Engum dettur í hug að spilla útliti og andblæ þessa litla bæjar með háhýsum og engum dettur í hug að hann eigi að hafa á sér borgarbrag. Vissulega eru nýrri hús byggð upp með hlíðunum ofar í bænum en þess er vandlega gætt að þau séu í samræmi við þau sem fyrir eru og að fortíðinni sé sýnd virðing. Bretar eru enda snillingar í því að varðveita og nýta gamla muni og skilja þýðingu þeirra.
Enginn getur þó sakað þá um að hafa ekki skilning á uppbyggingu og þýðingu nútíma arkitektúrs og háhýsa en þeir virðast skilja betur en margur hvar slíkur stíll hæfir og hvar ekki. Það er fátt framsæknara en skynsamleg íhaldsemi, það sannar túrisminn í Polperro.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
