Skiptar skoðanir um kaup á slökkvibifreið á 91 milljón
Byggðarráð Norðurþings fjallaði í dag um sameiginlegt útboð sveitarfélaga á vegum Ríkiskaupa vegna slökkvibifreiða. Niðurstöður útboðsins um kaup á nýrri slökkvibifreið fyrir sveitarfélagið var kynnt byggðarráði í síðustu viku. Búið var að gera ráð fyrri 75 milljóna króna fjárútlátum fyrir kaupunum en niðurstaða útboðsins er öllu hærri, eða um 91 m.kr. Byggðarráð samþykkti að taka tilboðinu.
Í dag hefur slökkvilið Norðurþings til umráða slökkvibíl sem tekinn var á leigu hjá slökkviliðinu á höfuðborgarsvæðinu í fyrravetur en að sögn Gríms Kárasonar, slökkviliðsstjóra er sá bíll kominn á tíma. „Þetta var neyðarlausn en þetta er um 30 ára gamall bíll sem er mikið bilaður,“ segir hann.
Skiptar skoðanir
Deildar meiningar voru innan ráðsins um fjárfestinguna en Aldey Unnar Traustadóttir, forseti sveitarstjórnar fyrir V-lista vill forgangsraða þessum fjármunum í annað. Hún hafði lagt fram tillögu um að draga sveitarfélagið út úr útboðinu áður en niðurstaða þess lá fyrir. „Undirrituð lýsir megnri óánægju með að meirihluti byggðaráðs ætli þrátt fyrir þetta að halda málinu til streitu og ítrekar fyrri tillögur og bókanir í þá veru að tímabært sé að sinna frekar brýnni fjárfestingu í þágu barna og fjölskyldna. Sú fjárþörf hefur safnast upp, m.a. í skólum Norðurþings, ekki síst fyrir það að 300 m.kr. slökkviliðsbygging á Húsavík á liðnum árum hefur skert takmarkaða fjárfestingargetu til annarra hluta. Meðal brýnna fjárfestinga af því tagi er endurnýjun úrelts tölvubúnaðar í stofur og bókasöfn skóla Norðurþings, hljóðkerfis í sal Borgarhólsskóla og húsgagna og aðbúnaðs fyrir kennara og starfsfólk. Þá hefur úrbótum á lóð Borgarhólsskóla ekki verið sinnt, þrátt fyrir áskoranir þar um frá nemendum Borgarhólsskóla. Undirrituð vísar því allri ábyrgð á þessari afgreiðslu og forgangsröðun frá sér,“ segir í bókun Aldeyjar frá 17. mars sl. sem hún ítrekaði á fundinum í dag.
Segir kaupin alltaf verða högg
Benóný Valur Jakobsson, varaformaður byggðarráðs lét bóka að hann hafnaði tillögu V-lista þrátt fyrir að niðurstaða útboðsins hafi verið yfir kostnaðaráætlun. Ég sé það ekki fyrir mér að hagstæðari kjör verði í boði á næstu árum,“ segir Benóný við Vikublaðið og bætti við að endurnýjun slökkvibifreiðar væri afar brýn mjög fljótlega.
Hann sagði að mögulega væri hægt að fresta kaupunum í 2-4 ár en að hann sæi ekki annað en að það yrði skammgóður vermir. „Það verður alltaf högg fyrir sveitarfélagið að kaupa þennan bíl. Ég er ekki viss um, miðað við þróun mála í heiminum í dag að bíllinn eigi eftir að verða eitthvað ódýrari þó að við bíðum. Þess vegna styð ég það að gera þetta, þó vissulega sé margt annað nauðsynlegt líka,“ útskýrir Benóný.
Langt ferli
Grímur er sammála því að glapræði sé að bíða með kaupin. „Að fjárfesta í slökkvibíl er ekki svo einfalt, hann er ekki bara keyptur úti í búð og afhentur samdægurs. Þetta er 18 mánaða ferli frá því að pöntun er lögð inn þar til bíllinn fæst afhentur,“ segir hann og bendir á að bíllin sem er til skoðunar að kaupa geti verið tilbúinn til afhendingar í nóvember 2023, þegar tilboðið er samþykkt.
„Þetta er mál sem þarf bara að klára og ég ætla að vona að pólitíkin okkar geri það eins hratt og vel og kostur er,“ segir Grímur.
Málið var eins og fyrr segir á dagskrá byggðarráðsfundar í dag þar sem tilboðið var samþykkt. Þá samþykkti ráðið viðauka á fjárhagsáætlun næstu þriggja ára vegna kaupanna og vísaði til sveitarstjórnar. Viðaukinn felur í sér hækkun á útgjöldum um 16 m.kr. á tímabilinu 2023-2024, en kostnaðaráætlun gerði ráð fyrir 75 m.kr. fyrir nýrri slökkvibifreið. Samkvæmt tilboði er heildarkaupverð slökkvibifreiðar áætlað 91 m.kr.
„Það þarf að samþykkja viðauka við þriggja ára áætlun til að þetta nái fram að ganga, þannig að sveitarstjórn mun hafa úrslitavald í þessu máli,“ sagði Benóný að lokum.
Nýjast
-
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina. -
Jaðarsvöllur 18 holur opnar í dag!
Við hjá GA erum gríðarlega ánægð að geta boðið okkar fólki upp á 18 holur af golfi á Jaðarsvelli frá og með deginum í dag! -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar.
