20. nóvember - 27. nóvember - Tbl 47
Forseti sveitarstjórnar vill hætta viðskiptum við Rapyd
Hjálmar Bogi Hafliðason
Á fundi Sveitarstjórnar Norðurþings í síðustu viku voru lagðar fram til kynningar fundargerðir byggðarráðs, þar var meðal annars mál sem fjallað var umí Vfikublaðinu fyrir nokkru þar sem Aldey Unnar Traustadóttir, fulltrúi V-lista lagði til að sveitarfélagið hætti viðskiptum við ísraelska fyrirtækið Rapyd og nýr færsluhirðir fundinn.
Forseti sveitarstjórnar, Hjálmar Bogi Hafliðason tók undir það og sagði m.a. annars að efnahagsleg sniðganga væri vopn sem við Íslendingar gætum beitt til að ná fram friðsælli lausn á átökunum fyrir botni Miðjaraðarhafs.
Rakti sögu stríðsátaka í A-Kongó
„Það eru víða átök í heiminum, þau standa yfir mislangt og sumum þeirra höfum við einfaldlega vanist og önnur eru okkur sem daglegar fréttir. Í A-Kongó þar sem er að finna mesta magn af demöntum í Afríku, þar er sömuleiðis að finna kóbalt, gull og kopar og ýmsa eðalsteina og steinefni sem eru unnin ólöglega í skjóli átaka stríðs og hörmunga. Í meira en hundrað ár hafa verið átök á þessu svæði sem við erum einfaldlega orðin vön. Það eru átök sem eru skilgreind sem einhverjar alvarlegustu hörmungar nú á dögum þetta svæði,“ sagði Hjálmar áður en hann beindi sjónum sínum að deilum Ísrael og Palestínu.
Blóðugar deilur frá miðri síðustu öld
„Árið 1948 var Ísraelsríki stofnað á palestínsku landi. Þrátt fyrir mótmæli og vonir um eigið land tókst það ekki hjá palestínsku þjóðinni. Á milli Ísrael og Palestínu hafa geysað mörg átök á löngum tíma, blóðugar deilur sem bitna á saklausu fólki. Það er langt í land greinilega að friðsamleg og varanleg lausn finnist því miður,“ sagði Hjálmar og mælti með bók eftir Hjálmtý Heiðdal þar sem leiðir til friðar eru reifaðar og knýja á um lýðræðisleg réttindi palestínsku þjóðarinnar.
Leggur til að viðskiptum við Rapyd verði hætt
„Að því sögðu vil ég þakka fyrir þessa áskorun. Eitt vopn almennings er efnahagssniðganga. Það gerðu Íslendingar t.d. gagnvart Rússum á sínum tíma. Áskoruninn sem hér er til umræðu felst í því að sniðganga ísraelska fyrirtækið Rapyd sem við eigum í viðskiptum við og ég tel að við eigum einfaldlega að skipta um færsluhirði í þessu sambandi. Við getum haft áhrif, já við getum það. Ég vil taka undir niðurlag bókunar Aldeyar á byggðarráðsfundi þar sem rætt er um að viðskiptum um færsluhirðinn Rapyd verði hætt og nýr færsluhirðir fundinn, sem er ekki flókið mál,“ sagði Hjálmar og taldi því næst upp ísraelskar vörur sem við Íslendingar kaupum daglega.
Getum gripið til efnahagslegra aðgerða
„Sniðganga er nefnilega friðsamleg aðferð, en að því sögðu þá kaupum við örugglega mangó frá Ísrael, við kaupum húð og ilmvörur frá Moroccan oil sem er ísraelskt fyrirtæki, við kaupum föt og skó sem eru framleidd í Ísrael. Við kaupum tölvubúnað og upplýsingatæknibúnað sem er að miklu leiti framleiddur og hannaður í Ísrael, við kaupum drykki frá Ísrael, sodastream og við kaupum lyf frá teva sem eru frá Ísrael . Við getum með góðu móti sniðgengið allar þessar vörur, það eru þessar efnahagslegu aðgerðir sem við getum gert,“ sagði Hjálmar að lokum áður en hann lagði til að viðskiptum við Rapyd yrði hætt hjá Norðurþingi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
