Atvinnulíf og uppbygging í Norðurþingi
Það eru spennandi tímar í atvinnulífinu í Norðurþingi en sveitarstjórn hefur unnið ötullega í þessum málaflokki á kjörtímabilinu, m.a. með áherslu á Grænan iðngarð á Bakka.
E-valor hefur fengið úthlutað lóð að Dvergabakka 5 á Bakka. Um er að ræða græna nýsköpun, þróun afurðavinnslu sem nýtir raforku, varma og ferskvatn til framleiðslu á vistvænu og hreinu vetni sem nýtt verður fyrir kolefnisfrí orkuskipti í samgöngum á sjó og landi. Sveitarstjórn úthlutaði lóðinni með skilyrðum um að byggingaráform liggi fyrir innan eins árs frá úthlutun lóðar og að framkvæmdir á lóðinni hefjist innan tveggja ára frá úthlutun lóðar.
Mikil uppbygging er í fiskeldi í Öxarfjarðarhéraði. Sveitarfélagið vinnur að breytingu á aðalskipulagi vegna iðnaðarsvæðis í landi Akursels sem veitir heimild til 3.000 tonna framleiðslumagns. Þá er verið að breyta aðkomu að fiskeldi sem er í stækkunarfasa á Röndinni á Kópaskeri.
Íslandsþari hefur sótt um lóð að Búðarfjöru 1 á Húsavík. Um er að ræða nýsköpunartækifæri í þurrkun á stórþara en búið er að snúa til baka frá fyrri hugmyndum um vacum þurrkun og efnavinnslu. Starfsemin gerir ráð fyrir tæplega 15 starfsgildum í byrjun sem munu aukast í samræmi við heimildir til söfnunar á stórþara. Þarna eru mikil tækifæri til frekari þróunar og fullvinnslu í framtíðinni.
Frá Húsavik
Nýtt deiliskipulag við Norðausturveg sunnan Þorvaldsstaðaár er í vinnslu. Þar áforma Samkaup og KS eignir að byggja upp verslunarkjarna og óskuðu eftir lóð á því svæði þó skoðaðir hafi verið aðrir möguleikar jafnframt. Það verður mikil lyftistöng að fá nýja og stærri matvöruverslun á Húsavík.
Húsavíkurflug er vonandi að nást fyrir vind en það hefur verið eitt af þrýstimálum sveitarstjórnar og Framsýnar í marga mánuði, á fundum og í símtölum við þingmenn og ráðherra, við ráðuneyti, Vegagerð og Isavia. Áhersla var lögð á að ná að lágmarki 6 mánuðum í ríkisstyrkt flug en eins og staðan er núna er líklegt að þriggja mánaða ríkisstyrkur fáist í gegnum fjárauka. Þetta skiptir miklu máli fyrir atvinnulíf og íbúa staðarins, ekki síst með sjúkraflug og öryggismál í huga.
Eftir að tilkynnt var um kaup KS á hlut í Kjarnafæði Norðlenska átti byggðarráð fund með framkvæmdastjóra KN. Einnig var KS sótt heim, báðir fundirnir voru mjög góðir og gott að heyra í forsvarsmönnum fyrirtækjanna um framtíðaráform.
Allt kjörtímabilið hafa verið tíðir fundir með ráðuneytum og FSRE vegna uppbyggingar hjúkrunarheimilis á Húsavík. Nú er unnið að því að fara leiguleið en breyting á reglugerð vegna þess hefur ekki fengið afgreiðslu á Alþingi. Því seinkar vegna stjórnarslita og kosninga en við þrýstum áfram á útboð sem stefnt var að kringum næstu áramót.
Kópasker Mynd Visit North Iceland
Ein af forsendum uppbyggingar í sveitarfélaginu er nægt framboð íbúðalóða og að fjölbreyttar lóðir séu ávallt í boði. Nýtt deiliskipulag á Kópaskeri var samþykkt fyrr á árinu og nægt framboð fjölbýlislóða er í Reitnum á Húsavík, Í5. Þá er unnið að breytingu á deiliskipulagi Stórhóls-Hjarðarholts á Húsavík með það að markmiði að nýta betur innviði á þegar byggðum svæðum. Skipulagsbreytingin miðar að því að byggja megi allt að 65 nýjar íbúðir innan svæðisins í fjölbýlishúsum, raðhúsum, parhúsum og einbýlishúsum. Enn fremur er horft til þess að heimila allt að 10 nýjar íbúðir í þegar byggðum einbýlishúsum innan skipulagssvæðisins.
Frá Raufarhöfn Mynd Visit North Iceland
Sveitarfélagið lagði Bjargi íbúðafélagi til stofnframlag til byggingar sex raðhúsaíbúða sem eru í smíðum og koma á lóðina Lyngholt 42-52 á Húsavík á næstu vikum. Þetta eru almennar íbúðir sem koma til úthlutunar 15. nóvember en stefnt er á að íbúðirnar verði tilbúnar til útleigu í apríl. Það verður fróðlegt að sjá fjölda umsókna til að meta eftirspurnina eftir þessum búsetukosti.
Vinnslutillaga að endurskoðuðu aðalskipulagi Norðurþings 2025-2045 hefur verið til umfjöllunar hjá skipulags- og framkvæmdaráði. Ráðið hefur falið skipulagsfulltrúa að hefja kynningu skipulagstillögunnar á vinnslustigi. Framlögð gögn með kynningunni eru greinargerð aðalskipulags, umhverfismatsskýrsla og aðalskipulagsuppdrættir. Íbúar eru hvattir til að taka fullan þátt í samráði um vinnslutillöguna á næstu vikum.
Katrín Sigurjónsdóttir, sveitarstjóri.
Nýjast
-
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina. -
Jaðarsvöllur 18 holur opnar í dag!
Við hjá GA erum gríðarlega ánægð að geta boðið okkar fólki upp á 18 holur af golfi á Jaðarsvelli frá og með deginum í dag! -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar. -
Erill vegna veðurs í nótt sem leið
,,Allt er á tjá og tundri“ söng Sálin hans Jóns míns fyrst undir lok níunda áratug s.l. aldar og lýsti raunum karls sem lenti hressilega í ofjarli sínum. Það má kannski heimfæra hendinguna út textanum góða við stöðuna á Akureyri í morgun eftir rok næturinnar. Tré brotnuðu, þil í görðum gáfu sig og nýju ruslaföturnar voru víða, já, á tjá og tundri. -
Alvöru byggðarstefnu takk!
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess. -
Fjölmenni í samstöðugöngu kennara
Félagsfólk í Kennarasambandi Íslands á Akureyri og nágrenni efndu í gær til samstöðugöngu í tilefni kjaradeilu sambandsins við Samband íslenskra sveitarfélaga. -
Flug til framtíðar
Fyrsta flug easyJet frá Manchester lenti á Akureyrarflugvelli í gær en flogið verður á þriðjudögum og laugardögum frá nóvember út mars. Samtals verða þetta því 40 flug í vetur með 186 sætum hvert og því má búast við 6-7 þúsund farþegum í þessu flugi. Flug frá London Gatwick hófst í síðustu viku og stendur það fram á vor með sömu tíðni og fjölda sæta. Ætla má að flug á þessa áfangastaði geti skilað um 40 þúsund gistinóttum á landinu og aukningu landframleiðslu um 700 milljónir króna. Flugið frá London Gatwick til Akureyrar síðastliðinn vetur gekk framar vonum. Nýting var góð, stöðugur vöxtur í komum erlendra ferðamanna og heimamenn nýttu flugið mjög vel í helgarferðir eða tengingar lengra út í heim. Aðstæður á flugvellinum voru erfiðar vegna þrengsla en starfsfólkið þar á hrós skilið fyrir að veita frábæra þjónustu. Lendingar gengu vel á Akureyrarflugvelli og þurfti easyJet aldrei að nota varaflugvellina. Það sýndi sig að í slæmu veðri þar sem innanlandsflug lá niðri var þrátt fyrir það hægt að fljúga út í heim án vandkvæða. Þannig gat ferðaþjónustan tekið á móti ferðafólki og sýnt Norðurland í fallegum vetrarbúningi.
