Skíðar og skokkar samhliða lagagreiningunni
Hrannar Már Hafberg er vísindamaður mánaðarins
Hrannar Már Hafberg er lektor við Lagadeild Háskólans á Akureyri. Rannsóknir hans snúa einkum að sönnunarfærslu fyrir dómi og rökstuðningi lögfræðilega úrlausna en hann hefur stundað nám á þeim sviðum bæði á Ítalíu og Spáni.
Hrannar hefur kynnt nokkur greiningarmódel í kennslu og leggur stund á vinnu við að koma þeim í form svo kynna megi aðferðirnar fyrir íslenskum laganemum og lögfræðingum. Þar byggir hann að nokkru leyti á vinnu Genúa-skólans í lögskýringum þar sem hann hefur verið við nám. Þá er Hrannar einn fárra sem leggja stund á réttarsiðfræði sem lítið hefur farið fyrir í umfjöllun íslenskra fræðimanna.
Vinnur að verkefnum á sviði réttarsiðfræðinnar
„Þessa dagana snýst allt um að ljúka kennslu og undirbúa prófatíðina. Þetta hefur verið annasamur vetur bæði hjá nemendum og okkur kennurunum en bráðum förum við að binda endahnútinn og uppskera eftir erfiði vetrarins. Þá bíður okkar nokkur vinna í innra starfi innan Lagadeildarinnar en þar erum við stöðugt að endurskoða námið og kennsluna, finna hvar við getum bætt okkur og gert enn betur en áður. Það er auðvitað eilífðarverkefni en við reynum að taka nokkur skref í rétta átt sem til þarf hverju sinni. Svo tekur auðvitað við tímabil rannsókna og undirbúnings næsta skólaárs. Ég hef verið með nokkur verkefni í undirbúningi, meðal annars sem snúa að almennum refsirétti og svo um sakamálaréttarfar, en á döfinni eru einnig verkefni á sviði réttarsiðfræðinnar og svo gerð kennsluefnis um vinnubrögð í laganámi sem er hugsað sem leiðarvísir fyrir laganema,“ segir Hrannar.
Hver er Hrannar?
Hrannar er fæddur og uppalinn í Reykjavík og lærði bæði heimspeki og lögfræði við Háskóla Íslands. Hann hefur stundað nám í Svíþjóð, Írlandi, Frakklandi, Spáni og Ítalíu, þar sem hjartað hans slær að nokkru leyti að eigin sögn í takt við ölduganginn við fjöruborð Miðjarðarhafsins. Hann hefur starfað bæði hjá ákæruvaldinu, dómstólum og sem lögmaður en sinnir nú aðallega störfum við Lagadeild háskólans. Hann á rík tengsl við Akureyri en þar hefur hann starfað að verulegu leyti sl. 14 ár, bæði hjá dómstólum, opinberum stofnunum og háskólanum, þar sem hann hefur komið að kennslu frá 2008. Fyrir rúmum tveimur árum var hann ráðinn í fullt starf og sinnir að mestu kennslu og rannsóknum í sakamálaréttarfari og refsirétti. Í frítíma sínum kýs Hrannar helst að renna sér á skíðum eða fara á gönguskíði en þegar snjóa leysir þá reynir hann að skokka. Hann á nokkur maraþon undir beltinu og ótalin hálfmaraþon þótt sl. tvö ár hafi reynst honum þungbær vegna þrálátra meiðsla. Það stendur þó allt til bóta heldur hann og lætur sig hlakka til hlaupasumarsins 2022.
Nýjast
-
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru.
