Dagskráin 12. febrúar - 19. febrúar Tbl 6
Skálabrún og Húsheild/Hyrna kaupa Viðjulund 1
Halldór Jóhannsson stjórnarformaður Skálabrúnar og Guðlaugur Arnarsson framkvæmdastjóri Húsheild/Hyrnu við undirritun samnings
Skálabrún (100% dótturfélag KEA) og Húsheild Hyrna hafa keypt fasteignir og lóð við Viðjulund 1 á Akureyri. Á þeirri lóð hefur verið samþykkt nýtt deiliskipulag þar sem gert er ráð fyrir rúmlega 6.000 fm byggingarmagni og stefnt er að því að þar verði 40-50 íbúðir í tveimur fjölbýlishúsum sem verða 5 og 6 hæða.
Skálabrún og Húsheild-Hyrna eru í þessu verkefni að spreyta sig á nýrri umgjörð verkefnis á þessu sviði. Farið verður yfir hönnunarforsendur á næstu vikum og sú hönnun sem þegar hefur farið fram verður endurmetin en vonast er til að það verði hægt að hefja framkvæmdir á lóðinni strax í sumar ef öll undirbúningsvinna og hönnun gengur að óskum. Reiknað er með töluverðum áhuga á nýjum íbúðum í þessu hverfi en engin ný fjölbýlishús hafa risið þar í nokkuð langan tíma. Það er stutt í skóla, íþróttasvæði og verslanir en það er markmið eigenda verkefnisins að vera með blöndu af ólíkum tegundum fjölbýlisíbúða þannig að þarna finni allir kaupendahópar eitthvað við sitt hæfi.
Halldór Jóhannsson, stjórnarformaður Skálabrúnar
KEA hefur tekið stefnumarkandi ákvörðun um að ráðstafa umtalsverðum hluta af efnahagsreikningi sínum í fasteignatengd verkefni, bæði á sviði fasteignaþróunar, útleigu atvinnuhúsnæðis sem og útleigu íbúðarhúsnæðis til almennings. Það gerum við í gegnum dótturfélagið Skálabrún sem nýverið keypti 120 íbúðir af Íveru til útleigu á almennum markaði. Þetta er fyrsta fasteignaþróunarverkefnið sem Skálabrún ræðst í og það er gert í samstarfi við Húsheild Hyrnu í þetta skiptið og erum við full tilhlökkunar þar sem við erum að fikra okkur áfram inn í nýja umgjörð í fasteignaþróun þar sem fjárfestir og byggingaverktaki leggja saman krafta sína.
Guðlaugur Arnarsson, framkvæmdarstjóri Húsheild/Hyrnu
Við hjá Húsheild/Hyrnu erum spenntir fyrir þessu verkefni með Skálabrún. Hluti af stefnumótun fyrirtækisins er fjölga verkefnum sem eru unnin á hverjum tíma, ásamt því að koma að fjölbreytttum verkefnum sem snúa að fasteignaþróun hérna á Akureyri.
Viðjulundar verkefnið fellur vel að þeirri stefnu þar sem hugmyndin er að byggja fjölbreyttar íbúðir fyrir breiðan markhóp.
Nýjast
-
Norlandair heldur ekki áfram áætlunarflugi til Húsavíkur
Norlandair hyggst ekki halda áfram áætlunarflugi til Húsavíkur eftir að samningstíma milli félagsins og ríkisins um flug til Húsavíkur lýkur þann 15. mars næstkomandi. -
Skoða biðsvæði fyrir leigubíla í miðbæ Akureyrar
„Við höfum fengið fyrirspurnir um bílastæði fyrir leigubíla í bænum,“ segir Pétur Ingi Haraldsson skipulagsfulltrúi á Akureyri -
Byggðaráð Norðurþings samþykkir bókun um stöðu sjúkraflugs vegna lokana á flugbrautum á Reykjavíkurflugvelli
Byggðarráð Norðurþings samþykkti á fundi sínum í dag eftirfarandi bókun í ljósi stöðu þeirrar. sem uppi er vegna lokana á flugbrautum á Reykjavikurflugvelli. -
Fæðuöryggi – Er það eitthvað mál?
Hvað er fæðuöryggi (Food security)? Stutta skilgreiningin er ,,Aðgengi að fæðu og framboð af heilnæmum og öruggum matvælum." Sú skilgreining sem mest er notuð í dag og samþykkt árið 1996 á leiðtogafundi um fæðuöryggi í heiminum segir: ,,Fæðuöryggi er til staðar þegar allt fólk hefur ávallt raunverulegan og efnahagslegan aðgang að nægum, öruggum og næringaríkum matvælum til að uppfylla næringarþarfir sínar með frjálsu fæðuvali, til að geta lifað virku og heilsusamlegu lífi.” -
Arctic Therapeutics fær 4 milljarða fjármögnun
Frá stofnun hefur íslenska erfða- og líftæknifyrirtækið Arctic Therapeutics verið í góðu samstarfi við Háskólann á Akureyri (HA) og er starfseining fyrirtækisins á Akureyri staðsett á háskólasvæðinu. Samstarfið felst meðal annars í því að ATx hefur aðgang að rannsóknaraðstöðu skólans og sú nálægð hefur leitt til fjölmargra rannsókna og verkefna. Stúdentar HA hafa átt þess kost að vinna með ATx í rannsóknarverkefnum og í kjölfarið fengið störf hjá fyrirtækinu. Þá hafa HA og ATx einnig sameinast um að kynna rannsóknir sínar á Vísindavöku, sem hefur gengið gríðarlega vel. Samstarfsyfirlýsing liggur fyrir milli HA og ATx til ársins 2026, sem undirstrikar mikilvægi samstarfsins og framtíðaráforma fyrirtækisins á Akureyri. -
Skálabrún og Húsheild/Hyrna kaupa Viðjulund 1
Skálabrún (100% dótturfélag KEA) og Húsheild Hyrna hafa keypt fasteignir og lóð við Viðjulund 1 á Akureyri. Á þeirri lóð hefur verið samþykkt nýtt deiliskipulag þar sem gert er ráð fyrir rúmlega 6.000 fm byggingarmagni og stefnt er að því að þar verði 40-50 íbúðir í tveimur fjölbýlishúsum sem verða 5 og 6 hæða. -
Akureyri - Heildarálagning fasteignagjalda er 6.444 milljónir króna
Heildarálagning fasteignagjalda ársins á Akureyri fyrir árið 2025 er 6.444 milljónir króna, þar af er fasteignaskattur 3.817 milljónir, lóðarleiga er 840 milljónir, vatnsgjald 479 milljónir króna, fráveitugjald 768 milljónir og sorphirðugjald 540 milljónir króna. Þetta kemur fram á vefsíðu Akureyrarbæjar. -
Akureyrarbær og Rauði krossinn - Samningur um söfnun á textíl
Skrifað hefur verið undir samning milli Akureyrarbæjar og Rauða Krossins við Eyjafjörð um söfnun textíls í bæjarlandinu. Nú er skylt lögum samkvæmt að halda úti sérstakri söfnun á textíl. -
Í bláum skugga á 112 deginum
112 dagurinn er haldinn 11 febrúar ár hvert og má segja að það hafi ekki farið framhjá bæjarbúum i gær.
