Sjö byggingar, ólíkar að stærð og formi mynda nýja húsaröð
mth@vikubladid.is
Fjölbreytt útirými sem mótuð eru með sjö byggingum, ólíkum að stærð og formi eru meginatriði í þeirri tillögu sem vann til verðlauna í hugmyndasamkeppni um skipulag á Torfunefni á Akureyri. Tillagan er frá Arkþingi en alls bárust sjö tillögur í samkeppnina. Í öðru sæti var tillage frá sænskri arkitektastofu, Mandaworks og tillaga frá Arkidea Arkitektum varð í þriðja sæti.
Byggingarnar sjö mynda húsaröð og aðdraganada að Menningarhúsinu hofi, en samkvæmt tillögunni er gönguleiðin endurbætt á áhugaverðan hátt.Þessi nýja byggð myndar fjölbreytta bæjarmynd séð frá Pollinum auk þess sem götumynd Glerárgötu er mótuð m.a. með útrýmum mót vestri. Þjónustuhúsi hafnarinnar er komið fyrir undir settröppum sem snúa að vel mótuðu viðburðatorgi og er gert ráð fyrir tengingu við innirými syðstu hosanna.
Vel skipulögð hafnarhverfi hafa mikið aðdráttarafl
Ásthildur Sverrisdóttir bæjarstjóri á Akureyri var formaður dómnefndar og tilkynnti um úrslit í samkeppninni við athöfn í húsakynnum Hafnasamlags Norðurlands. Í inngangi að dómnefndaráliti segir Ásthildur skipulagsyfirvöld bæja og borga um allan heim sífellt gera sér betur grein fyrir því gríðarlega aðdráttarafli sem vel skipulögð hafnarsvæði með blandaðri starfsemi hafi fyrir íbúa og ferðafólk. Því hafi mikil áhersla verið lögð á faglega uppbyggingu á þessum verðmætu svæðum sem liggja að hafi, sjó eða stærri fljótum. Svæðið í kringum hina gömlu Torfunefsbryggju á Akureyri hafi alla burði til að verða blómleg miðstöð mannlífs með beina tengingu við miðbæinn og Menningarhúsið Hof.
Í tillögunni er sérstaklega unnið með tengsl við miðbæinn, annars vegar með porti við gatnamót Kaupvangsstrætis sem leggur áherslu á leiðina niður að bryggju og hins vegar með ákveðinni rýmismyndun og áfangastað við nyrði tenginguna í framhaldi af nýju göturými vestan Glerárgötu.
Stálþil rekið niður næsta haust
Sigríður María Róbertsdóttir markaðsstjóri hjá Hafnasamlagi Norðurlands segir að stefnt sé að því að fara yfir tillöguna með Arkþingi á næstu vikum og setja upp skýrari línur sem síðan verður unnið út frá.
Fyrirhugað er að reisa stálþilsbryggju töluvert utar en núverandi þil er og stækka uppland bryggjunnar. Svæðið er austan Glerárgötu og er alls um 0,9 hektarar að stærð.
Uppfylling við höfnina er þegar hafin, en stefnt er að því að reka nýtt þil niður við Torfunefsbryggju næsta haust. Vorið 2023 er svo ráðgert að steypa kantinn og að því loknu verður þekjan gerð klár. Gert er ráð fyrir að í lok þess árs eða byrjun þess næsta verði komið að því að hefja framkvæmdir við uppbygginu á nýja hafnarhverfinu.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
