30. október - 6. nóember - Tbl 44
Samskipti eru kjarni góðs vinnustaðar
Inga Hildur Jóhannsdóttir, ritari hjá Heilsu- og sálfræðiþjónustunni.
Undirrituð starfar sem ritari Heilsu- og sálfræðiþjónustunnar og hefur gegnt því hlutverki í um það bil eitt og hálft ár. Margir hafa reynslu af riturum í stöðum eins og skólaritara. Þá hugsar maður um einstakling sem veit einhvern veginn hvar allir húsinu eru staddir, heldur utan um fjarvistir nemenda og getur alltaf reddaöllu sem mann skortir. Þetta er allavega það sem kom í huga mér þegar ég sótti um starfið. Þessi lýsing hefur reynst að mestu leyti rétt og hef ég komist að því að starf ritara er sennilega með því fjölbreyttasta sem maður getur unnið í skrifstofuvinnu. Samskipti við viðskiptavini og fagaðila eru mikil í mínu starfi og er það kostur fyrir manneskju eins og mig sem finnst einstaklega gaman að spjalla.
Við höfum sennilega öll upplifað á lífsleiðinni að hafa unnið starf sem okkur þótti ekkert sérlega heillandi og ekki verið tengt okkar menntun eða áhugasviði. Stundum hefur það kannski ekki skipt miklu máli og mann jafnvel hlakkað til að mæta í vinnuna vegna þess að samstarfsfólkið var svo skemmtilegt eða yfirmenn sanngjarnir og góðir í að halda utan um starfsfólkið. Nú tala ég af reynslu þar sem ég hef prófað alla flóruna af störfum og get með sanni sagt að þar sem gaman er hjá starfshópnum þar er eftirsótt að vinna. Því miður eiga vinnuveitendur það til að gleyma eða hundsa þá staðreynd að ef andi hópsins er ekki góður, samskipti og persónuleg tengsl milli starfsfólksins lítil þá getur það yfirfærst yfir á afrakstur hópsins.
Ég áttaði mig fljótt á þessu eftir að ég byrjaði að vinna sem unglingur, það skipti engu máli við hvað ég var að vinna, ef ég átti í góðum tengslum við að minnsta kosti eina manneskju á vinnustaðnum þá var hvatinn til að mæta í vinnuna meiri. Yfirmaður hópsins er að sjálfsögðu lykil manneskjan í þessu samhengi og þarf hann að setja fordæmi fyrir hópinn. En hvernig setur yfirmaður fordæmi í þessu máli hugsa sjálfsagt sumir og þarf það ekki að vera flókið: til að hvetja hópinn til tengsla þarf yfirmaður eða stjórnendur að leggja áherslu á hópefli í vinnu og utan
Þegar þessi pistill er skrifaður situr undirrituð inn á skrifstofu Heilsu- og sál. Mánudagsandinn liggur yfir og allir fagaðilarnir á stofunni eru að setja sig í gírinn fyrir viðtöl vikunnar. Eftir augnablik næ ég mér í hádegismat og sest niður með samstarfsfólki mínu á hádegisfundi sem eru haldnir alla mánudaga. Þetta er ekki hefðbundinn fundur vegna þess að tilgangur fundarins er að setjast niður saman og spjalla og stundum göngum við hringinn og deilum líðan okkar hverju sinni. Mörgum kann að finnast þetta óþægilegt og erum við jú öll mis hrifin af því að deila tilfinningum okkar eða aðstæðum með öðrum. En þetta gerir það að verkum að við erum meðvituð um stöðu samstarfsfólks okkar, getum unnið betur saman í kjölfarið og það myndast tengsl. Með tengslum kemur samkennd og vinátta sem getur skipt sköpum fyrir líðan hvers og eins í vinnunni.
Með þessum pistli vil ég hvetja alla vinnuveitendur til að huga að starfsfólkinu sínu og leggja grunn að uppbyggilegum samskiptum innan hópsins. Þar liggur nefnilega lykillinn að góðum vinnustað.
Höfundur er Inga Hildur Jóhannsdóttir, ritari hjá Heilsu- og sálfræðiþjónustunni.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
