20. nóvember - 27. nóvember - Tbl 47
SAKLEYSIÐ
Hreiðar Eiriksson átti lokaorðið s.l. fimmtudag
Öll komum við saklaus inn í þennan heim en þegar fram líða stundir gera eða segja flestir menn eitthvað það sem tvímælis orkar. Yfirsjónir tilheyra mennskunni. Því til viðbótar þessu getur hvers sem er orðið fyrir því að annar maður ásakar hann um eitthvað sem er ámælisvert eða jafnvel refsivert án þess að hann hafi unnið til þess.
Saklaus uns sekt er sönnuð
Samhliða því að menn fóru að leggja áherslur á að búa til samfélög sem hefðu einkenni lýðræðislegs fyrirkomulags og réttarríkis, voru settar reglur um almenn mannréttindi. Meðal annars urðu menn sáttir um að sérhver maður sem ásakaður er um refsiverðan verknað skuli teljast saklaus uns sekt hans er sönnuð. Reglan hefur að mínu mati grundvallarþýðingu um stöðu sérhvers einstaklings í samfélaginu og er meðal annars ætlað að tryggja að menn þurfi ekki að þola afleiðingar brota sem þeir hafa ekki framið. Hún er ekki yfirlýsing um sakleysi heldur á í henni að felast trygging fyrir því að ásakaður maður þurfi ekki að þola afleiðingar ásakana fyrr en leitt hefur verið í ljós hvort hann hefur gerst sekur um það sem honum er gefið að sök.
Sakamálarannsóknir
Sakamálarannsóknir eiga ekki að vera opinberar. Því miður er orðið alltof algengt að upplýsingar úr rannsóknargögnum sakamála berast til fjölmiðla. Slíkt er til þess fallið að raska rétti sakborninga til að teljast saklausir uns sekt er sönnuð og stundum læðast að manni hugmyndir um að leka af þessu tagi sé beinlínis ætlað að móta viðhorf almennings til að auka líkur á sakfellingu þegar sönnunarstaða er í raun veik eða vonlaus.
Öllum er þungbært að vera ásakaðir um eitthvað sem þeir hafa ekki gert. Þess vegna er brýnt að lögregla hraði sakamálarannsóknum og ljúki þeim eins fljótt og verða má. Það er ekki ásættanlegt að saklaust fólk hafi réttarstöðu sakbornings jafnvel allt að fimmtung fullorðins- og sakhæfisára sinna og þurfi að sæta því að vera heilu og hálfu áratugina með réttarstöðu sakbornings. Einhvern tíma verður málum að linna.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
