Sækjum við að settu marki
mth@vikubladid.is
Konur voru óhræddar að bjóða fram starfskrafta sína og urðu þannig fyrirmyndir komandi kynslóða
Félag verslunar- og skrifstofufólks Akureyri og nágrenni (FVSA) gaf nýverið út bók um sögu félagsins, frá stofnun þess árið 1930 til ársins 2020. Nafn bókarinnar, Sækjum við að settu marki, er lína úr ljóði eftir Heiðrek Guðmundsson frá Sandi en hann var félagsmaður FVSA og formaður á árunum 1946 til 1947. Útgáfu bókarinnar var fagnað í tengslum við aðalfund félagsins þar sem hún var kynnt.
„Þetta er merk saga, það hefur verið fróðlegt að fylgjast með vinnslu bókarinnar og í raun ótrúlegt hve framsýnir stofnendur félagsins voru á sínum tíma. Það vakti líka áhuga minn hve óhræddar konur innan félagsins voru að bjóða fram starfskrafta sína, en þær urðu þar af leiðandi fyrirmyndir komandi kynslóða. Bókin varpar ljósi á það mikla starf sem unnið er í félaginu okkar og þann árangur sem náðst hefur á 90 árum og óska ég félagsmönnum til hamingju með útgáfuna,“ segir Eiður Stefánsson formaður FVSA.
Aðdragandann að ritun bókarinnar má rekja til haustsins 2016 þegar stjórn félagsins samþykkti að skipa ritnefnd með það að markmiði að varðveita og rita sögu félagsins. Kristín Þorgilsdóttir, skrifstofustjóri FVSA, sat í ritnefndinni og kynnti bókina á aðalfundinum og hafði þar á orði: „Við áttuðum okkur kannski ekki alveg í upphafi á umfangi þessa verks, en hér er bókin komin. Ég vona að við getum öll haft gagn og gaman af lestri hennar“.
Með Kristínu í nefndinni voru þau Erla Halls, Úlfhildur Rögnvaldsdóttir og Páll H. Jónsson. Jón Þ. Þór skrifaði bókina og Bragi V. Bergmann ritaði viðauka og sá um ritstjórn. Guðjón Heimir Sigurðsson sá um umbrot og myndvinnslu.
Órjúfandi samtakamáttur
Í bókinni er saga félagsins rakin allt frá stofnárinu 1930 til dagsins í dag. Sögð er saga stórfelldra þjóðfélagsbreytinga og lífskjarabyltingar. „Með órjúfandi samtakamætti náðu félagsmenn smám saman að tryggja sér öll þau réttindi sem okkur þykja svo sjálfsögð í dag,“ segir um bókina. Í henni er einnig lýst þeim gríðarlegu áhrifum sem tækniþróun hefur haft á störf verslunar- og skrifstofufólks og þeim miklu breytingum sem orðið hafa í verslun og viðskiptum á svæðinu.
Yfir 500 myndir
Bókin er ríkulega myndskreytt, yfir 500 myndir er þar að finna, m.a. myndir af öllum formönnum og stjórnum félagsins frá upphafi. Þar eru einnig myndir úr félagsstarfinu og þróun samfélagsins í þau 90 ár sem félagið hefur starfað. Bókin er öllum aðgengileg rafrænt og sem hljóðbók inni á vef félagsins. Áskrifendur á Storytel geta einnig hlustað á bókina en Guðni Kolbeinsson les og fór hljóðupptaka fram í Stúdíó Harmi.
/MÞÞ
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
