Rekstur upplýsingamiðstöðvar í Hofi næstu þrjú árin
Í gær var staðfest samkomulag Akureyrarbæjar, Hafnarsamlags Norðurlands, Menningarfélagsins Akureyrar og verslunarinnar Kistu um rekstur upplýsingamiðstöðvar ferðamanna í Hofi næstu þrjú árin.
Tilgangur samningsins er að bjóða ferðamönnum á Akureyri upp á upplýsingaþjónustu í Menningarhúsinu Hofi á tímabilinu 1. apríl – 30. september á gildistíma samningsins.
Sérstakt markmið Hafnarsamlagsins er að farþegar skemmtiferðaskipa sem það kjósa eigi kost á upplýsingagjöf, sem veitt er augliti til auglitis, um Akureyri og nágrenni eftir að í land er komið.
Árlegt framlag Hafnarsamlagsins verður um 6 m.kr. en Akureyrarbæjar um 4 m.kr. og auk þess vinna við að útvega upplýsingar og hafa hönd í bagga með faglegum hluta starfseminnar og þjálfunar starfsfólks. Menningarfélagið annast starfsmannamál og daglegan rekstur og samstarf er við Kistu um afleysingar í afgreiðslu.
Upplýsingamiðstöðin hefur þegar hafið starfsemi sína og verður opin alla daga sem hér segir:
1. apríl - 31. maí: 09.00 - 14.00
1. júní - 31. ágúst: 08.00 - 16.00
1. september - 15. október: 09.00 - 14.00
akureyri.is sagði frá
Nýjast
-
Tölum saman
Það getur verið erfitt að átta sig á því hvernig fólkinu í kringum okkur líður og því er mikilvægt að hafa augun opin fyrir ákveðnum merkjum. Er viðkomandi hættur að hafa samband eða svara símtölum og skilaboðum? Hefur viðkomandi breytt venjum sínum eins og hætt að koma í sund, mæta á fundi eða sinna félagsstörfum? -
Sólarhringssund! Hvað er nú það?
Því get ég svarað. Sólarhringssund Óðins er elsta virka fjáröflun sundfélagsins. Það er þríþætt ef svo má segja. -
Sauðfjárræktarverðlaun BSE fyrir árið 2024 afhent á aðalfundi 2025
Sauðfjárverðlaun Búnaðarsambands Eyjafjarðar voru afhent á dögunum á aðalfundi sambandsins. Eyjafjörðru sátar af afar mörgun góðum búum svo sem kunngut er en að lokum stóð eitt uppi sem dómnefnd þótti best. Náttúruöflin eru nú ekki alltaf þau auðveldustu að eiga við og þekkjum við það vel sem hér á þessu blessaða skeri búum. Síðasta ár fór ómjúkum höndum um okkur. -
Listasafnið á Akureyri: Opið alla páskahátíðina
Listasafnið á Akureyri verður að venju opið alla páskahátíðina á hefðbundnum opnunartíma kl. 12-17, en nú standa yfir átta sýningar í tólf sölum safnsins. -
Svikahrappar eru óvenju iðnir þegar fólk fer í frí
Páskarnir eru dottnir inn og hugurinn hjá mörgum er kominn í ró, stilltur á andvaraleysi. En tíminn í kringum árstíðarbundin frí eins og páska, sumarleyfi eða jól- og áramót er einmitt sá tími sem við þurfum að vera sérstaklega vel á varðbergi gagnvart mögulegum svikum. -
Margítrekuð tilmæli um tiltekt á lóðum hundsuð
Slæm umgengni á lóðum við Hamragerði á Akureyri, Setbergi á Svalbarðsströnd og nú síðast við Krossanes sem og númerslausir og afskráðir bílar innanbæjar á Akureyri, „eru allt saman kaflar í sömu sorgarsögunni sem fyrir löngu er orðin alltof löng,“ segir Leifur Þorkelsson framkvæmdastjóri Heilbrigðiseftirlits Norðurlands eystra. -
Vor í Norðurþingi
Í sveitarfélaginu Norðurþingi hefur árið farið vel af stað. Það hefur verið mikið að gera á framkvæmdasviðinu en stærsta framkvæmdaverkefni ársins verður bygging Frístundar og félagsmiðstöðvar. -
Yngsta kynslóðin sýndi listir sínar í PCC Reiðhöllinni
Knaparnir ungu sýndu allar sýnar bestu hliðar á hestbaki í dag og í gær -
Tækifæri til að skrá sig á spjöld sögunnar
Í afmælisveislu Völsungs sl. sunnudag notaði sögunefnd Völsungs tækifærið og birti annan áfanga í sögu félagsins. Sagan er á rafrænu formi og því aðgengileg öllum að kostnaðarlausu
