Dagskráin 22 janúar - 29 janúar Tbl 3
Rauði krossinn á Akureyri í 100 ár
Frá vinstri: Róbert Theódórsson verkefnastjóri, Noelia Zapata verkefnafulltrúi í málefnum flóttafólks, Karen Malmquist sjálfboðaliði í fata- og neyðarvarnaverkefnum og Jóhann Hjaltadal Þorsteinsson sjálfboðaliði í neyðarvarnaverkefnum.
Miðvikudaginn 29. janúar 2025 eru 100 ár liðin frá stofnfundi Akureyrardeildar Rauða krossins á Íslandi. Deildin var fyrsta Rauða kross deildin sem stofnuð var á landinu og hefur frá upphafi verið ein sú öflugasta. Til marks um það höfðu 75 manns skráð sig í deildina áður en stofnfundurinn fór fram en yfir 100 manns gengu í hana á stofndeginum. Þetta kemur fram í tilkynningu Akureyrardeildar Rauða krossins.
Þess má geta að Akureyringarnir Steingrímur Matthíasson héraðslæknir á Akureyri og Þorbjörg Ásmundsdóttir yfirhjúkrunarfræðingur áttu, ásamt Sveini Björnssyni, síðar forseta, frumkvæði að stofnun Rauða krossins á Íslandi. En þau Steingrímur og Þorbjörg höfðu hugsjón fyrir að efla hjúkrun og styðja við heilbrigðiskerfið í landinu. Að málaleitan Steingríms kom Frantz Svendsen, þáverandi formaður Rauða kross Danmerkur, til Íslands og kynnti starfsemi Rauða krossins bæði í Reykjavík og á Akureyri. Rauði kross Íslands var svo stofnaður í Reykjavík 10. desember 1924 og var fyrsti formaður félagsins Sveinn Björnsson.
Árið 2013 sameinuðust Akureyrar-, Dalvíkur, Ólafsfjarðar- og Siglufjarðardeildir og hlaut sameinuð deild heitið Eyjafjarðardeild.
Í dag starfa yfir 300 sjálfboðaliðar í 16 fjölbreyttum verkefnum deildarinnar og alltaf bætist í hópinn svo það er ljóst að í samfélaginu er mikill áhugi fyrir að láta gott af sér leiða. Vegna þess að deildin er svo fjölmenn er hægt að halda úti virku starfi í öllum þeim sjálfboðaliðaverkefnum sem Rauði krossinn býður upp á á landsvísu og því auðvelt fyrir hvern og einn að finna verkefni eftir áhuga og getu. "Það eru sjálfboðaliðarnir sem halda starfinu úti, enda er sjálfboðin þjónusta eitt af grunngildum okkar og það er sá mannauður sem gerir okkur kleift að halda úti svona öflugu starfi hér á svæðinu," segir Ingibjörg Halldórsdóttir deildarstjóri Eyjafjarðareildarinnar.
Á afmælisdaginn verða veisluhöld milli klukkan 15-18 í húsnæði Rauða krossins við Viðjulund 2 á Akureyri. „Húsið verður opið og öll eru velkomin að koma, samfagna og snæða afmælistertu með okkur en einnig verða tækifæri til að kynnast starfseminni okkar,“ segir Ingibjörg.
Sjálfboðaliðar og starfsfólk deildarinnar verða á Glerártorgi föstudag og laugardag til að bjóða fólki í afmælisveisluna ásamt því að kynna starfsemi og fjölbreytt verkefni deildarinnar.
Nýjast
-
Rauði krossinn á Akureyri í 100 ár
Árið 2013 sameinuðust Akureyrar-, Dalvíkur, Ólafsfjarðar- og Siglufjarðardeildir og hlaut sameinuð deild heitið Eyjafjarðardeild -
Fjögur hlutu heiðursviðurkenningu Fræðslu- og lýðheilsuráðs Akureyrarbæjar
Á íþróttahátíðinni sem Akureyrarbær og ÍBA stóðu fyrir í Hofi í gær voru fjórir einstaklingar heiðraðir af Fræðslu-og lýðheilsuráði bæjarins fyrir ómetanleg störf í þágu íþrótta í bænum. -
Femínísk fræðikona og fjallageit
„Búmerang frá Akureyri gæti verið yfirskrift æviminninga minna,“ segir Bergljót og útskýrir betur: „Ég fæðist á Akureyri, en fjölskyldan býr síðan á Ísafirði fyrstu æviárin mín. Þá flytja þau aftur til Akureyrar þar sem ég bý til 14 ára aldurs, þegar foreldrar mínir flytja til Boulder í Colorado sem var afar dýrmæt reynsla sem gaf mér tækifæri til að víkka sjóndeildarhringinn.“ Bergljót flutti svo aftur til Akureyrar með fjölskyldunni og kláraði stúdentspróf við Menntaskólann á Akureyri. -
Listasafnið á Akureyri: Þrjár sýningar opnaðar á laugardaginn kl. 15
Laugardaginn 25. janúar kl. 15 verða þrjár sýningar opnaðar í Listasafninu á Akureyri: Hulda Vilhjálmsdóttir – Huldukona, Kristján Guðmundsson – Átta ætingar og Þórður Hans Baldursson / Þórunn Elísabet Sveinsdóttir – Dömur mínar og herrar. Boðið verður upp á listamannaspjall með Huldu, Þórði og Þórunni kl. 15.45. -
Eining-Iðja Nýr samningur við Heilsuvernd samþykktur
Nýlega var skrifað undir nýjan heildstæðan kjarasamning til fjögurra ára við Heilsuverndar Hjúkrunarheimili á Akureyri. -
Súlur Vertical Skíðagangan fer fram um helgina – tilvalin fyrir alla skíðagöngu unnendur!
Súlur Vertical Skíðagangan, sem áður var þekkt sem Hermannsgangan, fer fram laugardaginn 25. janúar og er einstakt tækifæri fyrir áhugafólk á öllum aldri og getustigum til að taka þátt í skíðagöngukeppni. Hvort sem þú ert byrjandi eða lengra kominn, hraður eða hægur, ungur eða aldinn, þá er þessi keppni vettvangur fyrir þig! -
Sandra María Jessen og Alex Cambray Orrason íþróttafólk Akureyrar 2024
Þau Sandra María Jessen knattspyrnukona í Þór/KA og Alex Cambray Orrason kraftlyftingamaður í KA voru nú síðdegis útnefnd sem íþróttakona og íþróttakarl Akureyrar fyrir nýliðið ár í hófi sem fram fór í Hofi. -
Ágúst með nýtt myndband - Eins og þú
Ágúst Þór Brynjarsson er einn af þátttakendum í Söngvakeppni Sjónvarpsins en þar mun hann flytja lagið Eins og þú (e. Like You). Í dag kom út nýtt myndband við lagið sem hægt er að hlýða á neðst í fréttinni. -
Rúm 90% bæjarbúa ánægð með að búa á Akureyri
Ánægja með þjónustu Akureyrarbæjar eykst á milli ára samkvæmt niðurstöðum nýrrar þjónustukönnunar sem Gallup gerði og kynnt hefur verið fyrir fulltrúum sveitarfélagsins.
