27. nóvember - 4. desember - Tbl 48
Rannsóknadeild SAk hlaut hvatningarverðlaunin
Hluti af starfsfólki Rannsóknadeildar Sjúkrahússins á Akureyri 2022. Efsta röð f.v.: Jóna Dögg, Katja, Steina Jóna og Hjördís. Þriðja röð f.v.: Agnes, Unnur, Guðrún og Bjarney. Önnur röð f.v.: Björg, Heiðdís, Ólavía og Eygló. Fremsta röð f.v.: Snezena, Anna María, Inga Stella og Guðný. Á myndina vantar 11 starfsmenn, þær Önnu Sigríði, Heiðu, Ingibjörgu, Jóhönnu, Ólöfu, Sigríði, Sigurlaugu, Snæfríði, Sóldísi, Unu og Völu. Myndir: Bragi V. Bergmann
Hvatningarverðlaun Sjúkrahússins á Akureyri (SAk) eru veitt árlega þeirri starfseiningu eða hópi starfsmanna sem hafa á einhvern hátt haft þau áhrif á starfsemi sjúkrahússins að það gefi tilefni til jákvæðrar endurgjafar og eftirbreytni. Í þetta sinn hlutu allir starfsmenn sem starfa á rannsóknadeild sjúkrahússins hvatningarverðlaunin.
Fjölþætt starfsemi
Rannsóknadeild SAk er ein af stoðþjónustudeildum sjúkrahússins. Þar starfar samheldinn hópur starfsmanna sem sinnir afar fjölbreyttum verkefnum af miklum krafti og metnaði. Deildin þjónustar Sjúkrahúsið á Akureyri ásamt nærliggjandi svæði.
Á deildinni er klínísk lífefnafræðideild, sýkladeild og blóðmeinafræðideild og Blóðbankinn er líka með starfsstöð á deildinni. Nýjasta viðbótin er veirudeild sem sannaði notagildi sitt í fyrra en þar lögðust starfsmenn á eitt við að innleiða ný tæki og verklag til þess að hægt væri að framkvæma PCR-greiningar í leit að kórónuveirunni alræmdu.
Vel að verðlaununum komnir
„Starfsmenn rannsóknardeildar eru vel að þessum verðlaunum komnir og eru okkur öllum hvatning til góðra verka,“ sagði Ragnheiður Halldórsdóttir, framkvæmdastjóri lyflækningasviðs, þegar hún tilkynnti hverjir hlytu hvatningarverðlaunin fyrir árið 2021 en það gerði hún á ársfundi SAk þann 25. maí sl. Hún sagði við það tækifæri að framkvæmdastjórn SAk vildi með þessum verðlaunum hvetja starfsfólk deildarinnar til að halda ótrautt áfram á þeirri vegferð sem gefist hefði svo vel undanfarin misseri.
Willum Þór Þórsson heilbrigðisráðherra afhenti Hvatningarverðlaun SAk á ársfundi sjúkrahússins. Talið frá vinstri: Inga Stella Pétursdóttir, forstöðulífeindafræðingur, Steina Jóna Hermannsdóttir, aðstoðar forstöðulífeindafræðingur og Willum Þór.
Nýjast
-
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur.
