6. nóvember - 13. nóvember - Tbl 45
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum Mynd HMS
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu.
Róbert Smári Gunnarsson og Jón Örn Gunnarsson eru sérfræðingar á húsnæðissviði Húsnæðis- og mannvirkjastofnunar og hafa tekið saman tölur um stöðu íbúðabyggingar í fjórðungnu, og framtíðarhorfur.
Róbert segir að öll sveitarfélög á Norðurlandi eystra hafi endurskoðað og samþykkt húsnæðisáætlun fyrir árið 2024. Samkvæmt miðspá sveitarfélaganna spá þau að íbúum á svæðinu muni fjölga um 2.126 manns á næstu fimm árum og 4.137 á næstu tíu árum.
Þörf fyrir nærri 280 íbúðir á ári
„Áætluð íbúðaþörf í landshlutanum eru 1.398 íbúðir á næstu fimm árum og 2.688 íbúðir næstu tíu ár, en íbúðaþörf tekur mið af forsendum um mannfjölgun og fjölskyldusamsetningu sem sveitarfélögin setja fram. Áætluð íbúðaþörf á ári er því að meðaltali um 280 íbúðir,“ segir Jón Örn.
Samkvæmt síðustu septembertalningu HMS á íbúðum í byggingu voru 407 íbúðir í byggingu á Norðurlandi eystra að sögn Jóns. Fjöldi íbúða í byggingu er svipaður og hann var fyrir ári síðan þ.e. 413 íbúðir en um 8% færri en fyrir tveimur árum, þegar 442 íbúðir voru í byggingu.
Róbert nefnir að í fyrra þá hafi 126 íbúðir komið fullbúnar inn á markað í landshlutanum og að þær séu nú orðnar 178 í ár. Þá sé ekki útlit fyrir að það náist að klára nægilega margar íbúðir í ár til þess að uppfylla áætlaða þörf fyrir nýjar íbúðir. Íbúum hafi fjölgað um 437 manns fram til þessa sem er nokkuð í takt við spár sveitarfélaganna samkvæmt húsnæðisáætlunum þeirra.
Nýjast
-
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin.
