6. nóvember - 13. nóvember - Tbl 45
Ragnar Hólm fulltrúi Íslands á IWS vatnslitahátíðinni í Madríd
Ragnar Hólm í Madríd í dag.
Akureyringurinn Ragnar Hólm Ragnarsson hefur verið valinn til að sýna á IWS vatnslitahátíðinni í Madríd sem hefst í lok júní. Ragnar er eini Norðurlandabúinn sem tekur þátt í samsýningu á annað hundrað listamanna víðsvegar að úr heiminum.
Hver listamaður sýnir eitt verk og verður sýningin opnuð 24. júní í Casa de Cantabria í miðborg Madrídar, rétt austan við Retiro-garðinn sem margir þekkja. Verkið sem Ragnar sendi inn og hlaut náð fyrir augum dómnefndar er af Snæfellsjökli og er 56x38 sm.
Í kjölfar opnunar sýningarinnar verður haldin heljarmikil vatnslitahátíð í höfuðborg Spánar þar sem tugir listamanna koma saman til að fagna listinni, mála saman utandyra og ferðast til bæja í nágrenni Madrídar, Toledo, Segovia og Ávila, til að finna falleg mótíf.
Ragnar Hólm er í Madríd yfir páskana. Vikublaðið sendi honum línu með tölvupósti, spurði hvort þetta væri ekki töluverð upphefð, og svar barst um hæl.
„Stundum er ég skammaður fyrir að vera heldur hógvær þegar kemur að listinni, en jú, ætli þetta sé ekki alveg spurningarinnar virði? Ég hef hlerað að heilum hellingi af myndum hafi verið hafnað, þannig að mín nær líklega máli.
Ég er fyrst og fremst rosalega ánægður með að hafa verið valinn í þetta kompaní með frábærum málurum hvaðanæva úr heiminum. Það er mikill heiður. Ekki síður er ég ánægður að fá að taka þátt í þessari vatnslitahátíð í Madríd en samband mitt við borgina er dálítið sérstakt. Ef ég tryði á fyrri líf þá væri mér nær að halda að öll mín fyrri líf hafi verið akkúrat hérna.“
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
