Óvenju margir nýnemar í VMA
Kennsla hefst í dag samkvæmt stundaskrá í Verkmenntaskólanum á Akureyri. Sem næst 1000 nemendur hefja nám við skólann á haustönn og hefur þeim fjölgað töluvert frá fyrra ári. Nýnemar í skólanum (f. 2008) eru á milli 250 og 260 og hafa ekki verið fleiri til fjölda ára. Til samanburðar hófu 215 nýnemar nám við VMA haustið 2023. Sigurður Hlynur Sigurðsson áfangastjóri segir að aldrei í 40 ára sögu skólans hafi verið jafn fjölbreytt námsframboð í skólanum og núna á haustönn.
Sigríður Huld Jónsdóttir skólameistari segir að árgangur nýnema (f. 2008) á þessu hausti, sem lauk 10. bekk grunnskóla sl. vor, sé í stærra lagi og það skýri að hluta mikinn fjölda nýnema í skólanum. En ekki síður endurspegli þessi fjöldi nýnema aukinn áhuga nemenda á verk- og starfsnámi.
Auk venjubundins náms í dagskóla á verknáms- og bóknámsbrautum halda áfram námshópar í pípulögnum (brautskráning í desember 2024), múrsmíði (brautskráning í maí 2025) og heilsunuddi (brautskráning vorið 2025) og þá mun áfram verða kennt í kvöldskóla í bæði húsasmíði (brautskráning vorið 2025) og rafvirkjun (brautskráning í desember 2024). Einnig heldur áfram í vetur nám matartækna, sem er blanda fjar- og helgarlotunáms (þriggja anna nám sem lýkur með brautskráningu vorið 2025). Núna á haustönn verður í fyrsta skipti boðið upp á kvöldskóla í listnámi, um er að ræða tveggja anna nám sem lýkur næsta vor. Tólf nemendur eru skráðir til náms og er unnt að bæta við nemendum.
Heimavist MA og VMA er fullbókuð í vetur. Í upphafi skólaárs verða þar 175 nemendur VMA og 145 nemendur MA.
40 ára afmæli VMA fagnað
Árið 2024 er afmælisár í VMA, á þessu ári eru 40 ár liðin frá því að skólinn hóf starfsemi. Þess verður minnst núna við upphafi skólaársins. Fimmtudaginn 29. ágúst nk. kl. 15-17 verður efnt til afmælishófs í Gryfjunni í VMA þar sem öllum sem áhuga hafa er boðið að koma í skólann og njóta þess sem verður boðið upp á – og um leið að kynna sér starfsemi skólans. Fyrrverandi nemendur og starfsmenn eru sérstaklega hvattir til þess að heimsækja skólann af þessu tilefni til þess að njóta samveru og rifja upp liðna tíð.
Síðdegis föstudaginn 30. ágúst kl. 16 ætla núverandi og fyrrverandi starfsmenn síðan að hittast og gera sér glaðan dag saman. Fyrrum starfsmönnum skólans er sérstaklega boðið til þessarar samveru.
Ingvar Gíslason, þáverandi menntamálaráðherra, tók fyrstu skóflustunguna að fyrsta skólahúsi VMA þann 29. ágúst 1981. Í þessu húsi hefur starfsemi málmiðnaðarbrautar skólans verið alla tíð. Eftir að húsið var tilbúið til notkunar hófst þar kennsla málmiðngreina og var hún til að byrja með undir hatti Iðnskólans á Akureyri. Samningur um VMA var gerður af menntamálráðuneytinu og Akureyrarbæ 19. ágúst 1981 en reglugerð um skólann, undirrituð af þáverandi menntamálaráðherra, Ragnhildi Helgadóttur, öðlaðist gildi 1. júní 1984. Það er því hinn formlegi stofndagur skólans. Haustið 1984 hófst síðan kennsla í VMA – fyrir réttum fjörutíu árum – og er tímamótanna minnst, sem fyrr segir, núna við upphaf skólaársins.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
