Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum.
Félag íslenskra Heilsunuddara (FÍHN ) er stærsta fagfélag menntaðra nuddara á landinu. Við höfum undanfarinn ár lagt áherslu á okkar helsta baráttumál sem er að menntun okkar sé tekin alvarlega og metin að verðleikum með öryggi heilsunuddara og ekki síður nuddþega að leiðarljósi.
Núverandi löggjöf um nudd er ónýt!
Skýrasta dæmið er einfaldlega sú staðreynd að hver sem er má og getur starfað sem nuddari á landinu! Algjörlega óháð því hvort viðkomandi hafa nokkra menntun sem nuddari.
Hér á þessu landi eru viðurkenndar námsbrautir á framhaldsskólastigi til að læra heilsunudd og í lok útskriftar færðu leyfi til að kalla þig heilsunuddara. Það nám leiðir hvorki af sér lögverndað starfsheiti né löggildingu. Það þýðir að hver sem er getur kallað sig heilsunuddara án þess að hafa lokið því námi.
Til þess að fá leyfi til þess að opna og reka nuddstofu er ekki gerð krafa um að viðkomandi hafi menntun sem nuddari eða ráði menntaða nuddara til starfa.
Þær kröfur sem gerðar eru um starfsleyfi fyrir nuddstofur eða skráningarskylda starfsemi eru almenn ákvæði um húsnæði, sóttvarnir, hreinlæti og þrif. Þó aðallega um að hafa þrifalegt, passa að nuddþegar hafi aðgengi að sér snyrtingu, það sé sér þvottavél og að nuddari hafi aðgengi að handlaug inni í hverju nuddrými eða nálægt hverju nuddrými. Ekki er þar að finna eitt orð um menntunarkröfur vegna starfseminnar!
Við hjá FÍHN höfum á síðustu árum hitt og átt samræður við starfsmenn tveggja ráðuneyta, ráðuneytisstjóra, lögfræðinga á vegum ríkisins, þingmenn, aðstoðarmenn ráðherra, frambjóðendur og heilbrigðisráðherra og allstaðar fáum við sama svar; að núverandi ríkistjórn mun ekki gera neitt sem skerðir atvinnufrelsi Íslendinga og ef við setjum menntunarkröfur á starfsemi nuddara þá sé það skerðing á atvinnufrelsi.
Það er undarlegt að ekki sé gerð krafa um að eingöngu fagmenntaðir megi og geti opnað nuddstofu. Heldur sé áherslan á það að séu ákveðnir margir vaskar á staðnum og farið sé eftir lögum um tóbaksvarnir.
Fyrir hönd FÍHN þá óska ég eftir framboði/framboðum sem vill leggja áherslu á öryggi nuddara og nuddþega þessa lands fram yfir atvinnufrelsi fólks.
Reginn Unason formaður Félags íslenskra heilsunuddara.
Nýjast
-
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar.
