Orka og auðlindir í Norðurþingi
Eiður Pétursson skrifar
Nýliðinn vetur olli ákveðnum straumhvörfum í umræðunni um orkumál á Íslandi, vatnsstaða í lónum var lág og þurfti að skerða afhendingu á orku til fiskimjölsverksmiðja og stóriðju víða um land. Á sama tíma eru hafin orkuskipti í samgöngum og því ljóst að okkur er vandi á höndum, meiri orka er nauðsynleg og ekkert svigrúm er til skerðinga.
Á þeim tíma í vetur sem vatn skorti í lónin gegndu jarðvarmavirkjanir í Þingeyjarsýslu mikilvægu hlutverki í raforkukerfi landsins og keyrðu þær á fullum afköstum og sköffuðu landsmönnum birtu og yl. Því hefur umræða um aukna virkjun á jarðvarma í Þingeyjarsýslu farið á flug upp á síðkastið og er gríðarlega mikilvægt upp á áframhaldandi þróun þessara virkjanakosta, að sveitarfélögin hér á svæðinu standi saman og hjálpi til við að greiða götu þessara verkefna svo af þeim megi verða, samfélaginu öllu til hagsbóta.
Nýtum orkuna í héraði
Eftir mikla og glæsilega uppbyggingu á Bakka sem nú er farin að ganga vel og skila miklum tekjum inn í samfélagið er mikilvægt að Norðurþing stígi myndarlega inn á sviðið og vinni að því að fá raunhæf verkefni inn á Bakka því þar eru innviðir klárir með sterkum rafmagnstengingum frá Þeistareykjum. Einnig er mikilvægt að Norðurþing hafi frumkvæði að því að klára samtalið við Landsnet um endurbyggingu á bæði Húsavíkur- og Kópaskerslínum sem eru orðnar áratuga gamlar og þarfnast endurnýjunar. Slæmt rekstraröryggi Kópaskerslínu í vondum veðrum er alvarlegur hlutur því öruggur rekstur hennar er grundvallar forsenda þess að sú glæsilega atvinnuuppbygging sem nú er í gangi í Kelduhverfi og Öxarfirði varðandi fiskeldi geti haldið áfram að blómstra.
Af vindorku
Talsverð umræða hefur skapast um nýtingu vindorku um allt land og víða hafa fyrirtæki sótt um að fá leyfi til rannsókna og hugsanlegs reksturs vindorkugarða. Mikilvægt er að Norðurþing skapi sér stefnu í þessum málum og sveitarfélagið sé sjálft við stjórnvölinn þegar kemur að skipulagningu landsvæða fyrir vindorkugarða því að mörgu er að hyggja í þeim málum, hefur m.a. komið til tals að skipuleggja landsvæði í eigu Norðurþings norðan og austan Húsavíkurfjalls undir slíkan vindorkugarð. Bent hefur verið á að þarna sé stutt í sterkar rafmagnstengingar, vindasamt, gróður sé rýr og fuglalíf fábrotið.
Sókn í Norðurþingi á næstu árum.
Mikilvægt er að á næstu misserum skipi Norðurþing sér í fremstu röð varðandi sveitarfélög sem bjóða fram aðstöðu fyrir atvinnuuppbyggingu, hér höfum við trausta innviði, sterkar rafmagnstengingar á Bakka. Á Húsavík höfum við öfluga hitaveitu með möguleika á að afhenda allt að 120°C heitt vatn til iðnaðarnota. Svæðið býr einnig yfir vannýttum jarðhitasvæðum og varla þarf að nefna mikla þekkingu á svæðinu og mannauð sem býr í okkar fólki. Framtíðin er björt í Norðurþingi með Framsókn í forystusætinu.
Undirritaður skipar 3. sæti á B lista framsóknar og félagshyggju í Norðurþingi.
Eiður Pétursson
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
