Ísland fyrir suma, en allir borga
Þorvaldur Lúðvík Sigurjónsson
Þorvaldur Lúðvík Sigurjónsson birtir á Facebook vegg hans pistil sem vakið hefur mikla athygli, vefurinn fékk góðfúslegt leyfi til þess að birta skrif hans.
Ekki er annað hægt en halda áfram að benda á áframhaldandi sporðreisingu landsins meðan ekkert breytist og dæmin verða augljósari.
Ég þekki margt fólk í núverandi ríkisstjórn. Það fólk þekki ég af góðu einu og tel að ríkisstjórnin sé að ganga að mörgu leyti ágætlega fram, enda sé ekki verið að umbylta mörgu sem áður var komið í farveg, sbr útlendingamálin, sem Guðrún Hafsteinsdóttir hafði komið í góðan farveg í setu sinni í síðustu ríkisstjórn.
Þó er ýmislegt að gerast hjá ríkisstjórninni sem ég óttaðist. Veiðigjöld, álögur á ferðaþjónustu, aukin naflamiðun á höfuðborgarsvæðið og total diss á landsbyggðina, svo ég nú bara sletti. Þetta birtist best í því að í nýrri skipan í stjórnir opinberra hlutafélaga er ekki einn einstaklingur, maður, kona eða hvár, sem kemur utan höfuðborgarsvæðisins, eins og Albertína Friðbjörg Elíasdóttir fór vel yfir nýlega í Speglinum og á eigin FB síðu.
Ég þekki einn málaflokkinn, flugmál, ágætlega, og fæ ekki séð með einfaldri leit að nokkur einasti nýskipaður stjórnarmaður Isavia hafi tæknilega eða fræðilega reynslu af málaflokkinum.
Þetta meina ég ekki sem gagnrýni á þá ágætu einstaklinga, heldur mikið frekar gagnrýni á það kerfi sem viðheldur þá kúltúr “ég á þetta og má þetta”, sem augljóslega sprettur af því að forystumenn þessara ríkisfyrirtækja hafa alið upp fávísa stjórnarmenn og segja þeim hvernig hlutirnir eigi að vera, í stað þess að ríkisstjórnin, fjármálaráðherra f.h. skattgreiðenda, setji stefnuna og segi hvert eigi að fara með starfsemina.
Er tímabært að taka almennilega til athugunar að stærri hluti skattheimtu verði eftir í heimabyggð til uppbyggingar innviða og atvinnutækifæra á heimaslóð, í stað þess að sauðsvartur almúginn og fyrirtæki úti á landi haldi áfram að borga í miðstýrða hít sem ráðstafar megni fjárins í eina miðbæjarstöppu á höfuðborgarsvæðinu?
Það getur aldrei endað öðruvísi en mjög illa.
Annars laufléttur, en held bara áfram að vera leiðinlega byggðapólitískur
Nýjast
-
Viðtalið - Sóley Björk Stefánsdóttir verkefnastjóri hjá Eyjafjarðardeild Rauða Krossins
„Við stefnum að því að fjölga sjálfboðaliðum sem starfa við Hjálparsímann 1717 hér fyrir norðan,“ segir Sóley Björk Stefánsdóttir verkefnastjóri hjá Eyjafjarðardeild Rauða Krossins á Akureyri. Alls starfa um þessar mundir 8 sjálfboðaliðar á starfsstöð Hjálparsímans á Akureyri. -
150 tonn af fatnaði send úr landi
Á árinu 2024 voru sendir úr landi frá Eyjafirði alls fjórtán 40-feta gámar, sem samsvarar 150 tonnum af fatnaði. Það sem ekki er nýtt til sölu innanlands er sent úr landi til endurvinnslu. Útflutningur var minni en á árinu 2023, sem nemur einum gámi. -
Tónleikaröðin Hvítar Súlur
Ný tónleikaröð „Hvitar Súlur“ hefur göngu sína á Pálmasunnudag í Menningarhúsinu Hofi á Akureyri. Þá stígur á stokk strengjakvartettinn Spúttnik skipaður þeim Sigríði Baldvinsdóttur, Diljá Sigursveinsdóttur, Vigdísi Másdóttur og Gretu Rún Snorradóttur. Flutt verða verk eftir Bach, Gylfa Garðarsson, Vasks að ógleymdum hinum víðfræga Keisarakvartett Haydns. -
,,Ætlum að búa til fallega samverustund"
Tónlistarhátíðin Hnoðri á Húsavík um páskahelgina -
Akureyrarbær og Minjasafnið skrifa undir nýjan samning
Í dag var undirritaður nýr þjónustusamningur Akureyrarbæjar og Minjasafnsins á Akureyri sem tryggir rekstur og þjónustu Minjasafnsins næstu þrjú árin. Starfsemi safnsins afar fjölbreytt og er meginmarkmið samningsins að hann endurspegli hlutverk þess. -
Kirkjurkórar syngja ekki bara Ave María og prjóna á milli messa
Kór Möðruvallaklausturskirkju í Hörgárdal er skipaður kraftmiklu fólki sem kallar ekki allt ömmu sína og stjórnandi þessa galvaska og síkáta hóps, Sigrún Magna Þórsteinsdóttir, vílar fátt ef nokkuð fyrir sér. Það er því oftar en ekki í þessu samstarfi að ýmsum hugmyndum er hrundið í framkvæmd. -
Kaffibrennslu Akureyrar lokað
Samkvæmt heimildum sem Vikublaðið telur áreiðanlegar, hefur ákvörðun verið tekin um að hætta rekstri Kaffibrennslunnar á Akureyri. -
Styrk stjórn gefur góðan árangur
Rekstri Akureyrarbæjar verður seint lýst með orðum Nóbelskáldsins um að allt fari þetta einhvern veginn. Ársreikningar sveitarfélagsins sýna svart á hvítu að styrk stjórn fjármála og aðhald í rekstri hafa skilað góðum árangri. -
Gefum íslensku séns. Til hamingju Norðlendingar !
Nemendur við Menntaskólann á Akureyri heimsótti Símey, símenntunarmiðstöð Eyjafjarðar í vikunni til að taka þátt í verkefninu Gefum íslensku séns, þar sem markmiðið er að æfa sig að tala íslensku sem annað mál.
