Opið hús í tilefni af 40 ára afmæli VMA
Um þessar mundir fagnar Verkmenntaskólinn á Akureyri 40 ára afmæli sínu og af því tilefni verður í dag, fimmtudaginn 29. ágúst, efnt til opins húss og afmælishófs í skólanum þar sem öllum er boðið að koma og njóta þess sem verður boðið upp á og um leið að kynna sér starfsemi skólans.
Verkmenntaskólinn varð til við samruna þriggja skóla, þ.e. framhaldsdeilda Gagnfræðaskólans á Akureyri, Iðnskólans á Akureyri og Hússtjórnarskólans á Akureyri. Fyrsta skóflustunga að fyrsta skólahúsinu á Eyrarlandsholti var tekin fyrir nákvæmlega 43 árum, 29. ágúst 1981. Húsið var síðan vígt 21. janúar 1983 og í því var kennd málmsmíði í hálft annað skólaár, undir formerkjum Iðnskólans á Akureyri. Formlegur stofndagur VMA var 1. júní 1984 en fyrsta skólasetningin var þremur mánuðum síðar, 1. september 1984.
Nemendafjöldi VMA var strax á fyrstu starfsárunum langt umfram allar áætlanir og jafnan hafa nemendur í dagskóla verið um og yfir eitt þúsund. Nú stunda um eitt þúsund nemendur nám í dagskóla, auk fjarnáms og kvöld- og helgarnámskeiða. Námsframboð hefur aldrei verið jafn mikið í fjörutíu ára sögu skólans og einmitt núna á haustönn 2024.
Á fjörutíu árum hafa þrír verið skipaðir skólameistarar við VMA, Bernharð Haraldsson, Hjalti Jón Sveinsson og núverandi skólameistari Sigríður Huld Jónsdóttir. Aðrir þrír hafa gegnt stöðu skólameistara tímabundið í náms- og veikindaleyfum, Baldvin Bjarnason, Haukur Jónsson og Benedikt Barðason.
Afmælishóf
Opna húsið og afmælishófið verður í Gryfjunni í VMA í dag kl. 15-17. Ávörp flytja Ásthildur Sturludóttir bæjarstjóri á Akureyri, Ragnhildur Bolladóttir teymisstjóri í mennta- og barnamálaráðuneytinu, Guðjón Hreinn Hauksson formaður Félags framhaldsskólakennara og stúdent frá VMA 1991, Jasmín Arnarsdóttir nemandi og kynningarstjóri í stjórn Þórdunu nemendafélags VMA og Hálfdán Örnólfsson kennari til fjörutíu ára og fyrrum aðstoðarskólameistari.
Tónlistarflutningur verður í höndum Hafdísar Ingu Kristjánsdóttur sem
útskrifaðist frá VMA í maí 2023 og var fulltrúi VMA í Söngkeppni framhaldsskólanna árið 2021. Að lokinni formlegri dagskrá verður gestum boðið upp á afmælisköku í tilefni dagsins.
Nýjast
-
Hver er Akureyri framtíðar?
Akureyri er blómlegur bær, með öll lífsins gæði; er mikilvæg miðstöð þjónustu og skýr valkostur fyrir þau okkar sem vilja búa í þægilegu borgarumhverfi á þessu landshorni frekar en öðru. Þannig viljum við örugglega öll hafa það og á þeim forsendum viljum við, held ég flest, að bærinn haldi áfram að vaxa og dafna. En hvað þarf til, og hvað getur komið í veg fyrir að bærinn sé og verði besta útgáfan af sjálfum sér? -
Ný heimasíða Bjarmahlíðar þolendamiðstöðvar fyrir þolendur ofbeldis er orðin að veruleika.
Síðan er styrktarverkefni nokkurra aðila og þar ber fyrst að nefna FKA félag kvenna í atvinnulífinu en fyrir tilstilli þessa félags sem Kristín Snorradóttir teymisstjóri Bjarmalíðar er aðili að fór boltinn að rúlla. Kristín lét það berast innan félagsins að hún sem teymisstjóri Bjarmahlíðar óskaði eftir styrkjum til þess að fara í að gera nýja heimasíðu. Viðbrögðin létu ekki standa á sér og Harpa Magnúsdóttir eigandi Hoobla bauðst til þess að auglýsa eftir aðilum sem væru tilbúnir til að vera með styrktarverkefni í heimasíðugerð í von um að fá einstaklega gott verð. Hoobla styrkti Bjarmahlíð með þessu og sá styrkur átti sannarlega eftir að margfaldast, mörg góð boð komu í verkið en fyrir valinu varð Vigdís Guðmundsdóttir vefhönnuður og Markaðssérfræðingur með meiru https://www.linkedin.com/in/vigdisgudmunds/ -
Akureyri - Leikskóli fyrir 160 börn verður byggður við Naustagötu í Hagahverfi
Í gær var undirritaður samningur Akureyrarbæjar og Húsheildar ehf. um hönnun og byggingu leikskóla við Naustagötu í Hagahverfi ásamt frágangi á leiksvæði, leiktækjum, bílastæði og öðru á lóð. -
Aðalsteinn Árni hættir sem stjórnarformaður Þekkingarnets Þingeyinga
Á aðalfundi Þekkingarnets Þingeyinga urðu þau tíðindi að Aðalsteinn Árni Baldursson steig úr stóli formanns stjórnar Þekkingarnetsins. Aðalsteinn, eða Kúti okkar, hefur leitt stjórn stofnunarinnar frá stofnun eða í ríflega 20 ár. Þar á undan átti hann meira að segja einnig sæti í stjórn Fræðslumiðstöðvar Þingeyinga, sem steig fyrstu skref í fullorðinsfræðsluþjónustu í héraðinu, áður en Þekkingarnetið tók þá starfsemi yfir. Aðalsteinn Árni óskaði ekki eftir áframhaldandi kjöri í stjórn á aðalfundi og lagði til að aðrir tækju við sínu hlutverki, þ.m.t. samstarfsfólk úr ranni aðila atvinnulífsins. -
Heilbrigðisstofnun Norðurlands rekin með 36 milljón króna afgangi á liðnu ári
„Þrátt fyrir að HSN glími við áskoranir í mönnun, eins og aðrar heilbrigðisstofnanir, þá er stofnunin afar heppin með starfsfólk sem er almennt mjög helgað og veitir fyrirtaks þjónustu. Á hverjum degi má sjá fjölbreyttan hóp starfsfólks lyfta grettistaki í margvíslegum störfum sínum,“ segir í skýrslu framkvæmdastjórnar Heilbrigðisstofnunar Norðurlands, HSN en ársfundur stofnunarinnar var haldin nýverið. -
Færri gistinætur í júní og ágúst en júlí var góður
„Í heildina hefur þetta ár komið ágætlega úr það sem af er,“ segir Ásgeir Hreiðarsson framkvæmdastjóri Hamra, útilífsmiðstöðvar skáta Akureyri. Fyrstu þrjá mánuði ársins var um 100% aukningu á milli ára að ræða og í aprílmánuði var fjöldi þeirra sem gisti á Hömrum svipaður og var árið á undan, „en það var í raun trúlega að mestu fyrir það að það snjóaði hraustlega í byrjun apríl og sá mánuður varð okkur þyngstur í snjómokstri,“ segir hann. -
Fréttatilkynning – Sniðgangan 14. september 2024
Sniðgangan 2024 verður gengin á höfuðborgarsvæðinu og Akureyri laugardaginn 14. september kl. 14:00. Sniðgangan 2024 verður farin til að vekja athygli á sniðgöngu fyrir Palestínu og mikilvægi þess að sniðganga Ísrael og ísraelskar vörur þar til stjórnvöld í Ísrael lúta alþjóðalögum og virða frelsi og réttindi Palestínumanna. Sniðganga er áhrifamikil og friðsamleg leið til að sýna palestínsku þjóðinni samstöðu og taka afstöðu gagnvart þeim sem hagnast á landráni, hernámi og stríðsglæpum ísraelskra stjórnvalda. -
Akureyrarvöllur - Vinna skal samkeppnislýsingu
Framtíðarnýting svæðisins sem í daglegu tali er nefnt Akureyrarvöllur var til umræðu á fundi skipulagsráðs í vikunni. -
Ævintýragarðurinn lokar eftir gott sumar
Ævintýragarðurinn við Oddeyrargötu 17 sem hefur verið opinn í allt sumar mun loka frá og með mánudeginum 16. september.
Athugasemdir