20. nóvember - 27. nóvember - Tbl 47
Opið bréf til skipulagsráðs, bæjarstjórnar og bæjarbúa
Líkan af fyrirhugðum byggingum við Tónatröð.
Við undirrituð, eigendur húsa við Spítalaveg og Tónatröð á Akureyri, mótmælum harðlega framkominni tillögu SS-Byggis að nýbyggingum ofan Tónatraðar. Það á jafnt við um byggingaráformin sjálf og það hvernig þau eru fram komin.
Tillaga þessi kastar út um gluggann gildandi deiliskipulagi (frá 2009). Það skipulag felur í sér uppbyggingu á svæðinu, uppbyggingu sem skal þó sveigja sig að því byggðamunstri sem fyrir er – sem tillagan nýja gerir ekki á nokkurn hátt.
Um er að ræða viðkvæmt og sögulega mikilvægt svæði í elsta hluta bæjarins, byggðamynd sem hefur haldið sínum megindráttum í yfir 100 ár – en myndi gjörbyltast ef tillagan yrði að veruleika.
Við undirbúning gildandi deiliskipulags var gerð ítarleg byggða- og húsakönnun á svæðinu, og í henni má lesa: „Við skipulagningu framtíðarbyggðar er mikilvægt að leita leiða til að móta byggðina í heild með tilliti til svipmóts gömlu húsanna og með virðingu fyrir heildaryfirbragði landslagsins. Mótun nýrrar byggðar á þessu svæði þarf að taka mið af stærð gömlu húsanna, lögun þeirra, byggingarefni og legu í landslaginu.“
Mótmæli íbúanna gegn framkomnum byggingartillögum fela ekki í sér andstöðu við þéttingu byggðar á svæðinu. En nýja tillagan – um fimm 6-8 hæða blokkir – fer u.þ.b. eins fjarri ofannefndum viðmiðum og hægt er að komast.
Verktakinn á bak við nýju tillöguna segir í viðtali við Vikublaðið 11. mars: „Skipulagsyfirvöld bentu SS-Byggi á að sækja um lóðirnar við Tónatröð undir fjölbýlishús...“ Ef þetta er rétt hafa skipulagsyfirvöld beinlínis beðið verktakann um að hundsa og kollvarpa gildandi deiliskipulagi.
Ef skipulagsyfirvöld vilja breyta deiliskipulaginu ber þeim að setja nýtt skipulag í ferli fyrst og ekki bjóða svæðið út til byggingar fyrr en nýtt deiliskipulag liggur fyrir, en hér er fylgt öfugri röð.
Auk þess að ganga þvert gegn áðurnefndu meginatriði að virða það byggðamunstur sem fyrir er gerir tillagan ráð fyrir að fjarlægð séu þarna tvö hús með merka sögu. Annað þeirra er aldursfriðað hús skv. lögum nr. 80/2012.
Það blasir við að núverandi umferðarmannvirki og innviðir á svæðinu eru mjög illa í stakk búin til að mæta því sem svo gríðarlegu byggingarmagni tilheyrir.
Það á ekki að þurfa að taka það fram að áður en Skipulagsráð Akureyrarkaupstaðar eða bæjarstjórn tekur afstöðu til svo róttækrar breytingar á skipulagi og ásýnd þessa elsta hluta bæjarins sem byggingartillagan felur í sér verði hún fyrst að setja hana í grenndarkynningu og leita álits hjá Minjastofnun Íslands.
Stefán Gunnar Stefánsson Spítalavegi 1
Sindri Páll Stefánsson Spítalavegi 1
Guðmundur Benediktsson Spítalavegi 8
Lína Guðlaug Atladóttir Spítalavegi 8
Ólafur Tr Kjartansson Spítalavegi 9
Þorbjörg Ingvadóttir Spítalavegi 9
Snorri Björnsson Spítalavegi 13
Hildur Friðriksdóttir Spítalavegi 13
Þórdís Katla Einarsdóttir Spítalavegi 15
Þórarinn Hjartarson Spítalavegi 17
Margrét Guðmundsdóttir Spítalavegi 17
Helgi Friðjónsson Spítalavegi 19
Hrafnhildur Gunnarsdóttir Spítalavegi 19
Jóhanna Steinmarsdóttir Spítalavegi 21
Jón Georg Aðalsteinsson Spítalavegi 21
Hilma Sveinsdóttir Spítalavegi 21
Ómar Þórisson Tónatröð 1
Kolbrún Sigurgeirsdóttir Tónatröð 1
Sigurður Sveinn Ingólfsson Tónatröð 5
Kristbjörg Ingólfsdóttir Tónatröð 5
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
