Ólöf Rut hefur náð 100 ferða markinu Frábært að hafa náð markmiði sínu
„Þetta hefur verið virkilega gaman og gefandi. Ég hef kynnst fullt af fólki í þessum ferðum og það er bara skemmtilegt,“ segir Ólöf Rut Ómarsdóttir sem náði þeim áfanga um liðna helgi að fara ferð númer 100 á Fálkafell. „Ég er mjög ánægð með að hafa náð markmiði mínu, það er talsvert langt síðan ég hef sett mér markmið af þessu tagi og náð því þannig að þetta er mikil hamingja.“
Ólöf Rut fór sína fyrstu Fálkafellsferð í átakinu 21. maí í vor og hefur því náð 100 ferðum á tæpum fjórum mánuðum. „Ég var á næturvakt í vinnunni og var að vafra um þegar ég rakst á umfjöllun um þessar ferðir á Fálkafell og fannst þetta áhugavert,“ segir hún og hófst fljótlega handa við Fálkafellsgöngur sem hljómuðu vel við áform hennar um að stunda útihreyfingu.
„Ég hugsa að ég hætti ekki, þetta er svo gaman,“ bætir hún við og nefnir að einstaka dag hafi hún farið tvær ferðir.
Ólöf Rut hefur hreppt margs konar veður á ferðum sínum, snjókomu i byrjun júní, úrhellisrigningu, hávaðarok og glampandi sól og blíðu. „Veðrið var mjög fjölbreytt og bara skemmtilegt að hafa það þannig,“ segir hún.
Með spilastokkinn við höndina
Fyrstu ferðina fór hún með vinkonu sem varð fyrir því að meiðast á ökkla og komst því ekki með, örfáar ferðir hafa ættingjar verið með í för en oftast oftast er Ólöf Rut ein á ferð. Hún tekur alltaf mynd af sér með skálann í baksýn í hverri ferð og fyrstu tíu ferðirnar sýndi hún með því að rétta upp fingur. Í elleftu ferðinni tók hún með sér gosa úr spilastokk og hefur haldið sig við spilin síðan. „Ég sleppi aldrei mynd og vona að þessar myndir hafi ekki farið í taugarnar á fólki. Það var mikilvægt fyrir mig til að ná markmiðinu að gera eitthvað í þessa veru til að hvetja sjálfa mig áfram. Það hvatti mig áfram að sýna myndirnar og að ég væri ekki af baki dottinn.“
Keppti við sjálfa sig
„Þolið hefur líka aukist til muna, fyrst fór ég hægt yfir og tók jafnvel smá hvíld inn á milli en nú fer ég vandræðalaust upp og geng rösklega. Ég var farin að keppa við sjálf mig, setti klukkuna í gang fyrir ferð og sá að ég náði að bæta tímann þegar á leið.“
Nú er Ólöf Rut farin að horfa til fjalla í nágrenni bæjarins, Súlur sem dæmi og eins langar hana að ganga að Skólavörðu. „Ég vona að ég láti verða af því einn daginn,“ segir hún og kveðst örugglega munu bæta við fleiri ferðum á Fálkafell líka þó markmiðinu sé náð.
Pabbi Ólafar, Ómar Ólafsson fór með í ferð númer 100.
Nýjast
-
Strákarnir héldu draumi mínum lifandi
Völsungur spilar í Lengjudeildinni næsta sumar -
Ólöf Rut hefur náð 100 ferða markinu Frábært að hafa náð markmiði sínu
„Þetta hefur verið virkilega gaman og gefandi. Ég hef kynnst fullt af fólki í þessum ferðum og það er bara skemmtilegt,“ segir Ólöf Rut Ómarsdóttir sem náði þeim áfanga um liðna helgi að fara ferð númer 100 á Fálkafell. „Ég er mjög ánægð með að hafa náð markmiði mínu, það er talsvert langt síðan ég hef sett mér markmið af þessu tagi og náð því þannig að þetta er mikil hamingja.“ -
100 ferðir á Fálkafell Magnað að sjá hversu vel fólk hefur tekið í þetta
„Það er magnað að sjá hversu vel fólk hefur tekið í þetta. Við erum hæstánægðar,“ segir Heiðrún Jóhannsdóttir sem ásamt Halldóru Magnúsdóttur stendur fyrir skemmtilegu hvatningarátaki; 100 ferðir á Fálkafell. Sjálf hefur hún farið tæplega 80 ferðir á árinu, en nokkrir hafa náð því að fara 100 ferðir eða fleiri. -
Ferðamönnum fjölgar milli ára í Grímsey
„Ég er sátt við sumarið, ferðafólki hefur fjölgað jafnt og þétt hin síðari ár. Ég hef á tilfinningunni að það hafi verið aukning á milli ára þó tölur liggi ekki fyrir,” segir Halla Ingólfsdóttir eigandi ferðaþjónustufyrirtækisins Arctic Trip í Grímsey. Veður hafi þó ekki endilega alltaf sýnt sínar bestu hliðar en það sama megi segja um aðrar staði á landinu. -
„Ég kann afskaplega vel við sjómannslífið“ - Uppskrift að dýrindis lúðurétti
Þórhildur Þórhallsdóttir sem búsett er á Akureyri hefur verið kokkur á skipum Samherja í nærri þrjú ár, síðustu tvö árin á Kaldbak EA 1. Þórhildur hafði ásamt tveimur konum rekið veitingahúsið Kaffi Ilm á Akureyri í tíu ár. Þær ákváðu að selja þetta vinsæla veitingahús og þar með stóð Þórhildur á krossgötum varðandi atvinnu. -
SFF - Samtök fyrirtækja í fjármálaþjónustu NÝ TEGUND SVIKA
Það virðist gilda það sama um varnaðarorð og góða vísu. Verður aldrei of oft kveðin. Glæpahringir sem herja á fólk til að komast inn í heimabanka verða sífellt tæknilegri og aðferðir þeirra trúverðuglegri. Borið hefur á að svikarar hringi í fólk og hafi af þeim fé með ýmiss konar blekkingum. Það nýjasta er að hringt er úr, að því virðist, íslenskum númerum en svikararnir eru þó enskumælandi. Tilboð þeirra eru oft of góð til að vera sönn, og þá er það oft málið, þetta eru svik. -
Fagnaðarefni að þekkingarstofnanir festi rætur á landsbyggðinni
Ákvörðun Guðlaugs Þórs Þórðarsonar, umhverfis-, orku- og loftslagsráðherra um að höfuðstöðvar nýrrar umhverfis- og orkustofnunar verði staðsettar á Akureyri felur í sér mikil tækifæri ekki aðeins fyrir okkur íbúa Norðurlands heldur einnig fyrir landsbyggðina alla og íslenskt samfélag. -
Svalbarðsstrandarhreppur Loka almenningsbókasafni
Sveitarstjórn Svalbarðsstrandarhrepps hefur tekið þá ákvörðun að loka almenningsbókasafni en jafnframt að efla skólabókasafnið í sveitarfélaginu. -
Skógræktarfélag Eyfirðinga stendur í umfangsmikilli grisjun
„Þetta er verkefni sem verður að vinna og við erum afskaplega ánægð með að fá þessa vönduðu fagmenn til verksins,“ segir Ingólfur Jóhannsson framkvæmdastjóri Skógræktarfélags Eyfirðinga. Menn frá Lettlandi með skógarhöggsvélar sérhannaðar til grisjunar hafa verið að störfum í reitum félagsins undanfarið. Þeir verða um það bil einn mánuð við störf nú í haust og vonast eftir að þeir taki upp þráðinn á næsta ári enda ærið verkefni fyrirliggjandi.
