27. nóvember - 4. desember - Tbl 48
Ólíðandi viðskiptahættir sem leiða til þess að verðmæti fara í súginn
Sigurgeir Hreinsson framkvæmdastjóri Búnaðarsambands Eyjafjarðar
mth@vikubladid.is
„Það eru ólíðandi viðskiptahættir að skila vöru sem runnin er út á tíma sem í mörgum tilfellum leiðir til þess að umtalsverð verðmæti fara í súginn,“ segir í ályktun sem samþykkt var á aðalfundi Búnaðarsambands Eyjafjarðar. Hvatti fundurinn afurðarstöðvar í landbúnaði og matvöruverslanir landsins til ábyrgrar innsetningar á vörum með það að markmiði að minnka matarsóun sem leiði til betri nýtingar.
Sigurgeir Hreinsson framkvæmdastjóri Búnaðarsambands Eyjafjarðar segir að af og til berist af því fréttir að matvara lendi í ruslagámum þegar verslanir skili vöru sem komin er á síðasta söludag. Hann segir vitað að stóru verslunarkeðjurnar skili og eða hendi talsverðu magni af matvælum og segir það furðu sæta að verslunin geti sett upp ákvæði um skilarétt – þ.e. að hún geti skilað vöru sem ekki selst og er að nálgast eða kominn á síðasta söludag. Slíkt gildi ekki um vörur sem keyptar eru frá útlöndum.
Ríflega pantað inn til að sýna full kæliborð
Nefnir hann að í tilviki norðlenska matvælaframleiðendans Kjarnafæðis/Norðlenska sé vörum ekið á markað á höfuðborgarsvæðinu en verslanakeðjurnar geti svo losað sig við það sem ekki selst með því að hlaða þeim aftur á bíla og senda norður til förgunar. Þetta fyrirkomulag sé í raun galið. „Ástæða þess að verslunin skilar svo miklu magni af vöru er m.a. sú að oft og tíðum er pantað ríflega inn sem virðist hafa þann eina tilgang að geta sýnt fullar kistur og kæliborð. Við vitum af þessu til að mynda varðandi hangikjöt t.d. fyrir jólin, kæliborðin voru alltaf yfirfull, en eftir jól var rúllunum pakkað saman og þær sendar norður,“ segir Sigurgeir.
Hann bendir á að afurðastöðvar verði einnig að sjá til þess að afgreiðslumáti sé með þeim hætti að varan nýtist sem best og hvetur hann fjölmiðla til að veita fyrirtækjum aðhald í þessum efnum.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
