13.nóvember - 20.nóvember - Tbl 46
Alvöru byggðarstefnu takk!
Logi Einarsson, þingflokksformaður Samfylkingarinnar og
oddviti listans í Norðausturkjördæmi.
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess.
Ef ekki verður spornað við þessari þróun með kröftugri byggðastefnu mun höfuðborgarsvæðið halda áfram að soga til sín sífellt hærra hlutfall íbúanna. Krafan um að allt skuli staðsett í Reykjavík, því þar sé fólkið, mun bara ágerast og ójafnvægið verður að endingu svo mikið að ekkert verður við ráðið.
Vissulega njóta landsbyggðirnar þess að eiga höfuðborg sem er samkeppnishæf við borgir nágrannalandanna, en höfuðborgin og Ísland allt, þarf líka á sterkum landsbyggðum að halda. Ef eingöngu er horft á Norðausturkjördæmi, sem telur rúma 11% íbúa landsins, sést vel að hlutfall framleiðslu og útflutningstekna Íslands, sem á rætur að rekja til Norðausturkjördæmis, er langt, langt, umfram það hlutfall. Þó sýna tölur að aðeins brot af þeirri upphæð, sem rennur í sameiginlega sjóði landsmanna, úr kjördæminu, er varið í innviði og þjónustu svæðisins.
Lykill að áframhaldandi og vaxandi velsæld Íslands er kraftmikil verðmætasköpun og kjördæmið er sannarlega í færum til að leggja sitt af mörkum til hennar, og vel það, en til þess þarf að ráðast í viðamikla innviðauppbyggingu. Það er bæði réttlátt og efnahagslega skynsamlegt. Nærtækast er að styrkja þjónustu í heimabyggð.
Í fyrsta lagi þarf að styrkja heilbrigðisþjónustu í öllu kjördæminu, ekki síst heilsugæslurnar sem reknar eru af HSN og HSA. Rannsóknir sýna að innlagnir á sjúkrahús eru 30% algengari hjá þeim sem hafa ekki fastan heimilislækni. Að auki hefur fólk með heimilislækni bæði lægri dánartíðni og meiri lífsgæði. Nú eru aðeins um 50% Íslendinga með fastan heimilislækni. Því hefur Samfylkingin sett 10 ára markmið um að allir Íslendingar fái heimilislækni og heimilisteymi.
Í öðru lagi þarf að standa vörð um vöxt framhaldsskóla kjördæmisins auk þess sem hlúa þarf að Háskólanum á Akureyri. Um leið verður að greiða fyrir uppbyggingu Háskólaseturs Austurlands. Þetta er sjálfsagt lífsgæðamál, eykur jöfnuð og styrkir atvinnulífið.
Í þriðja lagi bitnar óburðugt flutningskerfi harðast á landsbyggðunum. Þetta á ekki síst við um mikilvæg fyrirtæki sem þurfa að knýja starfsemi sína til lengri og skemmri tíma á jarðefnaeldsneyti. Þetta vinnur gegn loftlagsmarkmiðum Íslands auk þess að skerða samkeppnisstöðu fyrirtækjanna. Samfylkingin telur því nauðsynlegt að afla meiri orku, ráðstafa henni skynsamlega og ráðast í stórátak til að efla flutningskerfið.
Í fjórða lagi þarf byggðastefnan að verða miklu markvissari. Styrkja þarf tengsl byggðakjarnanna á Austurlandi annars vegar en Norðurlandi hins vegar. Þetta verður ekki gert öðruvísi en með grettistaki í samgöngum milli byggðakjarna. Það mun bæta þjónustu, glæða menningu og íþróttastarf en er einnig forsenda öryggis og öflugs atvinnulífs. Í dag eru fjárfestingar í samgöngum á Íslandi aðeins 0,5% af vergri landsframleiðslu. Í öðrum ríkjum OECD er meðaltalið um 1%. Samfylkingin vill að fjárfestingar í samgöngum fari aftur upp í meðaltal OECD-ríkja fyrir árið 2030.
Í litlu en risastóru landi með svo óhagstæðri íbúadreifingu er óhjákvæmilegt að íbúar muni áfram þurfa að sækja umtalsvert til höfuðborgarinnar. Því þarf að bæta þjóðvegakerfið heilmikið. Þá er það ófrávíkjanleg krafa af hálfu Samfylkingarinnar að flugvöllurinn verði áfram í Reykjavík, a.m.k. þangað til annar jafngóður eða betri kostur er tilbúinn til notkunar: Kostur sem allir landsmenn eru sáttir við. Hann er hins vegar ekki í sjónmáli.
Samfylkingin hefur lagt fram plan um aðgerðir til að mæta þessu og ýmsu fleiru og hægt er að lesa ýtarlegar á eftirfarandi slóð: https://xs.is/vid-erum-med-plan
Það er mikilvægt að stjórnvöld komandi ára hafi kjark til þess að setja fram trúverðuga byggðastefnu og þor til þess að fylgja henni eftir. Samfylkingin bíður uppá skýran valkost um breytingar í kosningunum til Alþingis, þann 30. nóvember, og verðum tilbúin til verka frá fyrsta degi í nýrri ríkisstjórn fáum við til þess traust í kosningunum.
Logi Einarsson,
þingflokksformaður Samfylkingarinnar og
oddviti listans í Norðausturkjördæmi.
Nýjast
-
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina. -
Jaðarsvöllur 18 holur opnar í dag!
Við hjá GA erum gríðarlega ánægð að geta boðið okkar fólki upp á 18 holur af golfi á Jaðarsvelli frá og með deginum í dag! -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar. -
Erill vegna veðurs í nótt sem leið
,,Allt er á tjá og tundri“ söng Sálin hans Jóns míns fyrst undir lok níunda áratug s.l. aldar og lýsti raunum karls sem lenti hressilega í ofjarli sínum. Það má kannski heimfæra hendinguna út textanum góða við stöðuna á Akureyri í morgun eftir rok næturinnar. Tré brotnuðu, þil í görðum gáfu sig og nýju ruslaföturnar voru víða, já, á tjá og tundri. -
Alvöru byggðarstefnu takk!
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess. -
Fjölmenni í samstöðugöngu kennara
Félagsfólk í Kennarasambandi Íslands á Akureyri og nágrenni efndu í gær til samstöðugöngu í tilefni kjaradeilu sambandsins við Samband íslenskra sveitarfélaga. -
Flug til framtíðar
Fyrsta flug easyJet frá Manchester lenti á Akureyrarflugvelli í gær en flogið verður á þriðjudögum og laugardögum frá nóvember út mars. Samtals verða þetta því 40 flug í vetur með 186 sætum hvert og því má búast við 6-7 þúsund farþegum í þessu flugi. Flug frá London Gatwick hófst í síðustu viku og stendur það fram á vor með sömu tíðni og fjölda sæta. Ætla má að flug á þessa áfangastaði geti skilað um 40 þúsund gistinóttum á landinu og aukningu landframleiðslu um 700 milljónir króna. Flugið frá London Gatwick til Akureyrar síðastliðinn vetur gekk framar vonum. Nýting var góð, stöðugur vöxtur í komum erlendra ferðamanna og heimamenn nýttu flugið mjög vel í helgarferðir eða tengingar lengra út í heim. Aðstæður á flugvellinum voru erfiðar vegna þrengsla en starfsfólkið þar á hrós skilið fyrir að veita frábæra þjónustu. Lendingar gengu vel á Akureyrarflugvelli og þurfti easyJet aldrei að nota varaflugvellina. Það sýndi sig að í slæmu veðri þar sem innanlandsflug lá niðri var þrátt fyrir það hægt að fljúga út í heim án vandkvæða. Þannig gat ferðaþjónustan tekið á móti ferðafólki og sýnt Norðurland í fallegum vetrarbúningi.
