20. nóvember - 27. nóvember - Tbl 47
Ofnbakaður Camembert og kjúklingaréttur
„Það er mikil áskorun að vera matgæðingur vikunnar en félagi minn hann Ágúst Jensson valdi að ég tel kolrangann mann til þess að deila uppskriftum,“ segir Sigurður Skúli Eyjólfsson starfsmaður hjá Höldi. „Ég hef aldrei verið frægur í eldhúsinu en ætla þó að reyna mitt besta með nokkuð auðveldann þrírétta matseðil en allir þeir sem eru á mínu „leveli“ í eldhúsinu ættu að geta eldað án þess að fá mikinn hausverk yfir.“
Í forrétt valdi ég ofnbakaðan Camembert
Hráefni:
1 Camembert,
1 msk. smjör
2 tsk. fíkjusulta
heslihnetur (handfylli)
bláber
jarðarber
brauð
Penslið ostinn með bræddu smjöri, steikið heslihneturnar upp úr smjöri,setjið því næst 1-2 matskeiðar af sultunni yfir ostinn. Setjið í ofn í ca. 10 mínútur við 180 gráður. Skerið því næst jarðarberin í helminga og raðið ásamt bláberjunum í kringum ostinn. Berið fram með ristuðu brauði.
Í aðalrétt: Kjúklingur með beikoni og sveppum (fyrir þrjá - fjóra)
Þennan rétt eldaði ég einhvern tíma alveg óvart en ég tók það sem til var í ísskápnum og setti saman, eftir það gjörsamlega suðar frúin í mér að elda.
Hráefni:
Fjórar kjúklingabringur
beikon (stór pakki)
niðurskornir sveppir (eitt box)
beikonsmurostur og rjómi
sætar kartöflur
olía
smjör
salt
Skerið kjúklingabringurnar niður í tvennt hverja bringu og setjið í eldfast mót. Skerið beikonið í bita og setjið í pott ásamt sveppunum, smurostinum og dass af rjóma. Steikið beikonið og sveppina örlítið og hrærið svo allt saman. Hellið svo úr pottinum yfir kjúklinginn og skellið í ofn í 40 mínútur við 180 gráður. Niðurskornar sætar kartöflur í eldföstu móti. Olíu og smjöri helt yfir ásamt salti. Sett í ofn í 40 mínútur við 180 gráður.
Meðlæti: Steikt grænmeti, salat með vínberjum og hrísgrjón
Eftirréttur:
Ís með Marssósu
Í eftirrétt finnst mér ís með Marssósu einfalt og gott, það þarf stundum ekki að flækja hlutina til þess að þeir virki. Þarna þarf að bræða Mars í potti með rjóma og hella yfir ísinn. Gott er að skera jarðarber niður og setja út á ísinn, ekki skemmir að hafa þeyttan rjóma með.
Nýjast
-
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
