Nýtt húsnæði auðveldar aðgengið
mth@vikubladid.is
Efling sjúkraþjálfun hefur keypt um 300 fermetra húsnæði í Kaupangi við Mýrarveg á Akureyri. Húsnæðið er á annarri hæð og var áður í eigu Sjálfstæðisfélaganna á Akureyri. Þar verður komið upp góðri aðstöðu til sjúkraþjálfunar, fram undan eru breytingar og stefnt að því að opna í nýja húsnæðinu á komandi hausti.
Ásta Þorsteinsdóttir framkvæmdastjóri Eflingar sjúkraþjálfunar segir að húsnæðið hafi nýlega verið afhent og hafist verði handa við breytingar eftir páskana. Meðal annars þarf að setja upp lyftu til að auðvelda aðgengi. „Við verðum áfram í Krónunni í miðbænum, þar sem við höfum verið um árabil, en húsnæðið í Kaupangi kemur til viðbótar þannig að við erum að auka við okkar starfsemi,“ segir hún og er gert ráð fyrir að fleira starfsfólk verið ráðið til félagsins. Þar starfa nú 17 sjúkraþjálfarar í 15 stöðugildum.
Fyrir eldra fólk og þá sem erfitt eiga með gang
Ásta segir að ákveðið hafi verið að kaupa þetta húsnæði m.a. til að auðvelda aðgang eldra fólks og þeirra sem ekki eigi auðvelt með gang af ýmsum ástæðum, að sækja þjónustu Eflingar. Hugmyndin er að koma upp góðri aðstöðu fyrir eldra fólk þar sem áhersla verður lögð á styrktar-, þol- og jafnvægisþjálfun ásamt liðleikaþjálfun en í hóp sjúkraþjálfara Eflingar er fólk sem hefur mikla reynslu af þjálfun aldraðra. Stefnt er að því að bjóða upp á meiri fjölbreytni í hópþjálfun bæði fyrir eldra fólk og aðra. „Margir sem til okkar leita í sjúkraþjálfun eru ekki góðir til gangs og því færum við starfsemina að hluta til á annan stað þar sem bílastæðamálin eiga ekki að vera til vandræða.“ segir hún. „Við munum beina þeim hópum sem þurfa gott aðgengi og bílstæði í námunda við sjúkraþjálfunina í Kaupang, en taka yngra fólk og íþróttafólk á starfstöðina í Krónunni en að sjálfsögðu hefur fólk líka val. Með þessu fyrirkomulagi náum við að þjónusta meiri breidd og bæta okkar þjónustu.“
Alltaf biðlisti
Ásta segir að ævinlega sé biðlisti eftir því að komast í sjúkraþjálfun og greinilegt að stór hópur fólks þurfi á þessari þjónustu að halda. Hjá Eflingu er boðið upp á alla almenna sjúkraþjálfun, auk þess sem margir þjálfarar hafi sérhæft sig enn meira, t.d. í íþróttasjúkraþjálfun, meðhöndlun á grindarbotni, í þjálfun fólks með slitgigt, við háls og axlarvandamálum sem dæmi. Mjög algengt er að fólk með ýmis stoðkerfisvandamál leiti sér hjálpar. Einstaklingar sem eru að ná sér eftir beinbrot, liðskiptaaðgerðir eða aðrar aðgerðir eru stór hópur viðskiptavina Eflingar.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
