Nýr þriggja deilda leikskóli í burðarliðnum
„Það hefur verið tekin ákvörðun um að reisa þriggja deilda leikskóla og þar verður pláss fyrir 48 börn, 16 á hverri deild,“ segir Heimir Örn Árnason formaður fræðslu- og lýðheilsuráðs á Akureyri. Útlit er fyrir að vanti um 40 leikskólapláss í bænum næsta haust.
Heimir segir að enn sé verið að vinna að þessari hugmynd, ákvörðun hafi verið tekin um að koma þessum þremur nýju deildum í gagnið en enn eigi eftir að fastsetja hvar leikskólinn verði staðsettur í bænum. „Við erum að fara yfir þetta og ákvörðun um staðsetningu liggur fyrir fljótlega sem og hvernig hús verður reist, við sjáum fram á að allt liggi fyrir í lok þessa mánaðar,“ segir hann
Þá er einnig verið að skoða fyrir hvaða aldur leikskólinn verði, þ.e. hvort tekin verði inn börn frá 12 mánaða eða eldri.
Heimgreiðslur til að brúa bil
Bæjarstjórn Akureyrar hefur samþykkt reglur um heimgreiðslur fyrir foreldra sem ætlað er að brúa bilið frá fæðingarorlofi og þar til barn er innritað hjá dagforeldri eða býðst leikskólapláss. Það er gert til að koma til móts við þá foreldra/forráðamenn eldri barna sem bíða eftir leikskólaplássi.
Heimir segir að um sé að ræða tilraunaverkefni og fyrsta sinn sem slíka greiðslur séu í boði á Akureyri, en þær hafi tíðkast hjá nokkrum sveitarfélögum. Verkefni hefst 1. september næstkomandi og því lýkur í lok júlí á næsta ári. Upphæð heimgreiðslunnar er 105 þúsund krónur
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
