Njáll Trausti Friðbertsson ræðukóngur í Norðausturkjördæmi á nýliðnu þingi
Njáll Trausti talaði lengst þingmanna Norðaustukjördæmis á nýliðnu þingi en fundum þess var slitið s.l laugadagkvöld. Þingmaðurinn var með orðið í samtals 11 klst., 13 mín., 45 sek.í 168 ræðum. Þessi árangur skilar honum þó einungis í 11 sæti yfir þá þá þingmenn sem lengst töluðu á nýliðnu.
Sá þingmaður kjördæmisins sem næst Njáli komst í afköstum í hinu háa púlti Alþingis var Bjarkey Olsen Gunnarsdóttir VG en hún talaði í 9 klst., 22 min., og 54 sek. Þetta gerði matvælaráðherra vor í 162 ræðum. Bjarkey er í 16 sæti yfir þá þingmenn sem oftast kvöddu sér hljóðs á landsvísu
Athygli vekur að sá þingmaður í okkar kjördæmi sem situr í þriðja sætinu tók þó oftar til máls en Njáll og það er Líneik Anna Sævarsdóttir.
Hún steig 169 sinnum í púlt en talaði einungis í 9 klst., 14.,12 sek. í þessum ferðum sínum. Skilar henni í þriðja sæti í þessu kjördæmi en 19 sæti á landsvísu.
Sá þingmaður kjördæmisins sem sjaldnast beitti opnunarorðunum frú/herra forseti er svo Berglind Ósk Guðmundsdóttir en hún talaði í 2 klst., 11 mín., og 50 sek.
Rétt er að hafa í huga að vefurinn er ekki með þessu að halda þvi fram að meira sé betra en minna í þessu samhengi nú eða öfugt, frá þessu, bara alls ekki, frá þessu er hér sagt til gamans.
Hér má lesa aðra tölfræði frá nýliðnu löggjafaþingi okkar þvi 154 í röðinni.
Þingfundir voru samtals 131 og stóðu í rúmar 649 klst. Meðallengd þingfunda var 4 klst. og 55 mín. Lengsti þingfundur stóð í 15 klst. og 43 mín.
Þingfundadagar voru alls 109.
Lengsta umræða var um fjárlög fyrir árið 2024 og stóð hún samtals í tæpar 36 klst.
Af 267 frumvörpum urðu 112 að lögum en 155 voru óútrædd.
Af 178 tillögum urðu 22 að ályktunum og 156 voru óútræddar. 5 voru kallaðar aftur.
Að endingu kemur hér listi yfir ræðutima þingmanna í kjördæminu.
Þingmaður | Þingflokkur | Heildarræðutími | Heildarfjöldi ræða |
Njáll Trausti Friðbertsson | Sjálfstæðisflokkur | 11 klst., 13 mín., 45 sek. | 168 |
Bjarkey Olsen Gunnarsdóttir | VG | 9 klst., 22 mín., 54 sek. | 162 |
Líneik Anna Sævarsdóttir | Framsóknarflokkur | 9 klst., 14 mín., 12 sek. | 169 |
Logi Einarsson | Samfylkingin | 7 klst., 37 mín., 1 sek. | 150 |
Þórarinn Ingi Pétursson | Framsóknarflokkur | 7 klst., 17 mín., 47 sek. | 87 |
Sigmundur Davíð Gunnlaugsson | Miðflokkurinn | 6 klst., 58 mín., 9 sek. | 119 |
Jakob Frímann Magnússon | Flokkur fólksins | 4 klst., 54 mín., 47 sek. | 108 |
Jódís Skúladóttir | VG | 4 klst., 36 mín., 48 sek. | 115 |
Ingibjörg Isaksen | Framsóknarflokkur | 2 klst., 49 mín., 58 sek. | 56 |
Berglind Ósk Guðmundsdóttir | Sjálfstæðisflokkur | 2 klst., 11 mín., 50 sek. | 36 * Í fæðingarorlofi frá jan 24 |
Heimildir vefur Alþingis og www.kjarrval.is
Athugasemdir