27. nóvember - 4. desember - Tbl 48
Nettó hefur opnað 2000 fermetra verslun á nýjum stað á Glerártorgi
Nettó hefur komið sér fyrir á nýjum stað á Glerártorgi, er á um 2000 fermeta plássi þar sem Rúmfatalagerinn var áður. Verslun er sú fimmta í röð grænna verslana Samkaup og mikil áhersla lögð á ferskvöru. Mynd MÞÞ
Nettó opnaði í dag nýja og endurbætta verslun á nýjum stað á Glerártorgi, í plássi sem Rúmfatalagerinn var í áður. Verslunin er á 2000 fermetra svæði. „Ég hugsa að við förum að kalla hana drottningu matvöruverslana á Norðurlandi.“ Sagði Gunnur Líf Gunnarsdóttir mannauðs- og samskiptastjóri Samkaupa við opnun verslunarinnar.
Nettó á Akureyri frá 1989
Nettó á sér langan sögu á Akureyri. Fyrsta verslunin var opnuð við Höfðahlíð 1 árið 1989, þaðan var verslunin flutt að Óseyri árið 1992. Í nóvember árið 2000 flutti starfsemin á Glerártorg en verslunarsmiðstöðin opnaði það ár. „Þetta eru þá orðin tæp 22 ár og nú erum við að fara í gegnum fjórðu breytinguna okkar hér á torginu,“ sagði Gunnur Líf. „Við þessar breytingar erum við að stórbæta aðgengi fyrir viðskiptavina okkar.“
Afgreiðslutími lengist frá því sem var, verslunin verður opin frá 9 til 20 alla daga. Verslunin er sú fimmta í röð grænna verslana Nettó, en það þýðir að öll tæki eru keyrð á koltvíoxíð, kælar eru lokaðir sem gerir að verkum að matvæli geymast betur, „og í raun eru allar ákvarðanir teknar með græn skref í huga,“ segir Gunnur Líf.
Rík áhersla á ferskvöru
Verslunin er rúmgóð og rík áhersla lögð á ferskvöru með glæsilegu ávaxta- og grænmetistorgi. „Nettó hefur um árabil verið leiðandi í heilsusamlegum - og lífrænum vörum og sjást áherslurnar skýrt í þessari nýjustu verslun fyrirtækisins. Mikill metnaður hefur verið lagður í heilsudeildina á Glerártorgi, og verður vöruúrval framúrskarandi,“ segir Heiðar Róbert Birnuson rekstrarstjóri í Nettó.
Hún sagði að Nettó væri að takast á við aukna samkeppni á svæðinu, „en við fögnum allri samkeppni og vitum að við þurfum að vera áfram í fararbroddi og trúum því að það gerum við einmitt með verslun okkar á Glerártorgi. Við höldum áfram á þeirri vegferð sem við höfum verið á, með ofurtilboðum í Samkaupaappinu, góð tilboð fyrir KEA korthafa, framúrskarandi netverslun og persónulega þjónustu.“
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
