27. nóvember - 4. desember - Tbl 48
Mývetningur afhendir börnum í leik- og grunnskóla skíði til afnota
Mývetningur afhendir skólabörnum gönguskíði til afnota. Mynd/Þingeyjarsveit.
Á þorrablóti í Reykjahlíðarskóla, fimmtudaginn 2. febrúar s.l. afhenti Íþrótta- og ungmennafélagið Mývetningur, Reykjahlíðarskóla og leikskólanum Yl 20 pör af gönguskíðum, skóm og göngustöfum af gerðinni Madshus frá GG Sport. Jarðböðin veittu styrk til kaupa á skíðunum sem verða börnunum til afnota á skólatíma. Greint er frá þessu á vef Þingeyjarsveitar.
Þó að Mývetningar hafi ekki farið mikinn á gönguskíðum allra síðustu ár má þó nefna skíðagöngugarpinn Þórodd Þóroddson, kenndan við Grænavatn, sem er einn a stofnendum skíðagöngufélagsins Ullar og hefur keppt víða bæði heima og erlendis.
Ekki er komist hjá því að nefna Mývetningana þrjá sem kepptu á Vetrarólympíuleikunum í Noregi 1952, þeir Ívar Stefánsson frá Haganesi, Jón Kristjánsson frá Arnarvatni og Matthías Kristjánsson frá Litlu-Strönd. Ívar náði 29. sæti sem er besti árangur sem Íslendingur hefur náð á Vetrarólympuleikum. Hér má lesa um ferð íslendinganna í Lesbók Morgunblaðsins frá 1952.
Fyrir áhugasama þá hefur Hallgrímur Leifsson birt upplýsingar um gönguskíðaspor í Vogahrauni og Yngvi Ragnar upplýsingar um gönguskíðaspor frá Skútustöðum á facebook síðunni Mývatnssveitin. Sighvatur birtir svo upplýsingar um gönguskíðaspor á Laugum á facebook síðunni Spori Spaðason og Ungmennafélagið Bjarmi í samstarfi við Skógræktina auglýsir svo gönguskíðaspor í Vaglaskógi á facebook síðunni Skíðagöngubrautir í Vaglaskógi.
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
