Mömmur og möffins aldrei gengið betur
Gríðarlega góð sala var hjá snillingunum sem standa að átakinu Mömmur og möffins s.l laugardag. Svo góð að sölumet var sett en eins og kunnugt er rennur fjárhæðin sem inn kemur óskipt til Fæðingardeildar SAk.
Allir sem að þessu framtaki standa gera það sem sjálfboðaliðar.
,,Við hjá mömmur og möffins höfum nú tekið saman það sem safnaðist síðast liðinn laugardag við sölu á bollakökum, söfum og kaffi. Með ótrúlegu stolti og auðmýkt getum við gefið upp að fjárhæðin sem safnaðist er 1.569.861 kr. og hefði ekki verið mögulegt nema fyrir aðstoð svo margra fyrirtækja, sjálfboðaliða, auðvitað þeirra sem aðstoða við að vekja athygli á viðburðinum og móttökur bæjarbúa og annara sem komu og versluðu af okkur.
Það sem safnaðist núverandi verlunarmannahelgi er það mesta sem safnast hefur hjá Mömmur og möffins á einum degi og erum við virkilega stoltar.
Fimmtudaginn 8 ágúst kl16 munum við fara á fæðingardeildina ásamt vonandi fleiri sjálfboðaliðum, hitta á Indu og afhenda skjal með fjárhæðinni.”
Þetta segir í tilkynningu frá hópnum sem barst til fjölmiðla nú eftir hádegið.
Nýjast
-
Brostnir draumar og óbilandi von - Með kveðjum frá Gaza
Í kjölfar viðtals sem Vikublaðið tók við Kristínu S. Bjarnadóttur og birt var í blaðinu og á vef á dögunum hefur hefur nokkuð verið um það að okkur hafi borist skilaboð gegnum Facbook frá fólki í neyð á Gaza. Lýsingarnar eru sláandi og gefa mynd af stöðu sem mjög erfitt er fyrir okkur sem höfum áhyggjur af snjókomu í september að ímynda okkur hvernig sé. Ein af þeim sem hefur sent okkur skilaboð er May Ashqar gift kona og móðir. May Ashqar kýs að skrifa okkur að mestu í þriðju persónu og er það gott og vel. -
Samhljómur um mikilvægi beins millilandaflugs
Mikill samhljómur er um mikilvægi þess að halda áfram að byggja upp beint millilandaflug um Akureyrarflugvöll auk þess að tryggja áframhaldandi vöxt þess sem komið er. -
,,Fylgist vel með veðurspám og takið mark á þeim“
Fyrst gul en svo appelsínugul viðvörun, ófærð á fjallvegum, slydda jafnvel snjókoma í byggð er það sem veðurspár boða. Það verður kalt og risjótt veður út vikuna. -
Nýr Hleðslugarður ON á Glerártorgi
Orka náttúrunnar hefur opnað Hleðslugarð á Glerártorgi. Þar geta viðskiptavinir hlaðið á 12 nýjum tengjum með afkastagetu allt að 480 kW á hverju tengi.Á stöðvunum er góður upplýsingaskjár og hægt er að velja leiðbeiningar á íslensku sem og öðrum tungumálum. Í Hleðslugarðinum var aðgengi fyrir öll haft í algeru fyrirrúmi segir í frétt ON. -
Skítaveður framundan
Það er óhætt að segja að eftir ágætisveður s.l. daga snúist heldur betur til hins verra og er útlit fyrir kulda, ringingu eða slyddu, og snjókomu til fjalla út komandi viku! -
Nýtt byggingasvæði við Lónsá í Hörgársveit Lóðir fyrir tæplega 40 íbúðir verða í boði
Góður gangur er í byggingu íbúða í Lónsbakkahverfinu í Hörgársveit en þar hefur fjöldi íbúða verið reistur undanfarin ár. Íbúar í hverfinu eru um 340 talsins um þessar mundir. Unnið er að því að skipulegga ný svæði til að unnt verði að bæta við lóðum undir nýjar íbúðir. Eins hefur áhugi fyrir að byggja á Hjalteyri aukist og lóðum þar verið úthlutað. -
Vinna við Leirustíg gengur vel
„Verkið gengur vel, það hefur verið mikill kraftur hjá verktakanum síðstliðinn mánuð og þetta skotgengur,” segir Jónas Valdimarsson verkefnastjóri hönnunar hjá Umhverfis- og mannvirkjaráði Akureyrarbæjar um nýjan göngu- og hjólastíg sem unnið er að við Leiruveginn. -
Árangur Völsungs gæti kallað á uppbyggingu
Karla og kvennalið Völsungs í fótbolta hefur verið að gera afar góða hluti í 2. deild í sumar og eru í bullandi baráttu um að vinna sér sæti í 1. deild að ári -
Tungumálakennsla er sértæk kennsla
Margir faglegir leiðtogar skóla líta ekki á tungumálanám sem sértækt nám. Þeir búa ekki vel að tungumálakennslu í þeim skólum sem þeir fara fyrir. Samt skipta tungumál miklu máli á komandi árum fyrir nemendur.
Athugasemdir