11.desember - 18.desember - Tbl 50
Mikill snjómokstur kallar á aukið fé
Hann er ekki gefins þessi snjór þegar hann fellur á allt og alla.
Umhverfis- og mannvirkjaráð Akureyrarbæjar hefur samþykkt að óska eftir viðauka við fjárhagsáætlun 2024 við liðinn snjómokstur og hálkuvarnir upp á 60 milljónir króna.
Gert var ráð fyrir rúmum 159 milljónum króna í þennan lið í fjárhagsáætlun en síðasta dag nóvember mánaðar var búið að verkja ríflega 187 milljónum króna í snjómokstur og hálkuvarnir á Akureyri. Og ekki er búið að greiða reikninga fyrir vinnu í nóvember. Eftir breytingu verður áætlun ársins 2024 rúmlega 219 milljónir króna.
Fjórar milljónir á dag
Kostnaður við snjómokstur á dag þegar um það bil 30 tæki eru að störfum er um 4 milljónir króna. Aukinn kostnaður varð um áramót 2019 til 2020 við moksturinn vegna skilavega Vegagerðarinnar, en í allt eru þær götur sem Vegagerð sá áður um en Akureyrarbæ nú tæplega 3 kílómetrar að lengd.
Hagahverfi kom inn í fulla snjómoksturþjónustu á liðnu ári og nú í ár hefur hluti af nýju Holtahvefi bæst við. Fleiri götur og nýir stígar verða til þess að kostnaður eykst mokstur og hálkuvarnir. Í Hagahverfi er öllum snjó blásið upp á bíla og honum ekið í burt. Það tekur um þrjár klukkustundir að hreinsa allt hverfið og getur kostnaður numið um einni milljón króna hvert skipti.
Þá er í minnisblaðinu einnig tekið fram að allir taxtar hækkað um 6% á milli ára sem líka verður til þess að kostnaðurinn eykst.
Nýjast
-
Mikill snjómokstur kallar á aukið fé
Umhverfis- og mannvirkjaráð Akureyrarbæjar hefur samþykkt að óska eftir viðauka við fjárhagsáætlun 2024 við liðinn snjómokstur og hálkuvarnir upp á 60 milljónir króna. -
Blanda af fjölbýlishúsum og sérbýlishúsum í Móahverfi
Akureyrarbær hefur samþykkt að auglýsa eftir kauptilboði í 25 einbýlis- og þrjár raðhúsalóðir í Móahverfi. -
Jólin upp í kok!
Kona á rúmlega miðjum aldri heyrði um daginn lag Baggalúts um konu sem helst vill tékka sig inn á hótel á aðfangadag. Aldrei áður hafði ég lagt mig fram um að hlusta á textann sem talaði beint til mín fyrir um tuttugu árum. Ef ég hefði heyrt hann þá er ekki ólíklegt að ég hefði pantað mér hótelherbergi um jólin. -
KEA kaupir eignasafn Íveru á Akureyri
Ívera íbúðafélag, áður Heimstaden, hefur gengið frá samningum við dótturfélag KEA um kaup hins síðarnefnda á um 120 íbúðum Íveru á Akureyri. Kaupverð eignanna er rúmir 5 milljarðar króna. Ívera hefur nýverið gefið út áform um tvöföldun á eignasafni sínu sem er í dag um 1.600 íbúðir. Sala eignanna á Akureyri er liður í endurskipulagningu eignasafnsins og styrkir undirstöður félagsins fyrir frekari vöxt. Í viðræðunum lögðu Ívera og KEA áherslu á áframhaldandi húsnæðisöryggi fyrir leigutaka íbúðanna en stefna KEA er að reka íbúðasafnið til langs tíma og stefnir félagið á frekari vöxt á þessu sviði. Því munu viðskiptin ekki að hafa neikvæð áhrif á núverandi leigutaka. Viðskiptin marka brotthvarf Íveru af íbúðamarkaði á Akureyri og félagið stefnir ekki á frekari umsvif þar í náinni framtíð. Stefnt er að afhendingu eignanna fyrir jól. --- -
Góð reynsla af símafríi
Góð reynsla hefur verið af símafríi í grunnskólum Akureyrarbæjar síðan símasáttmáli var innleiddur í upphafi skólaársins. Reglurnar kveða á um að símar eru ekki leyfðir á skólatíma, hvorki í skólanum né á skólalóðinni, en unglingastigið fær að nota síma í frímínútum á föstudögum. -
3,5 milljarða styrkur til að tryggja vatnsgæði á Íslandi
Umhverfisstofnun, ásamt 22 samstarfsaðilum, hefur hlotið um 3,5 milljarða króna styrk frá Evrópusambandinu til að vinna að fjölbreyttum verkefnum til að flýta fyrir og bæta innleiðingu vatnaáætlunar á Íslandi.Verkefnið ber yfirskriftina LIFE ICEWATER og er ætlað að: -
Slæm loftgæði í dag – unnið er að rykbindingu
Loftgæði á Akureyri eru slæm í dag vegna mikils svifryks, sem stafar af hægum vindi, stilltu veðri og mengun. Þau sem eru viðkvæm fyrir, svo sem aldrað fólk, börn og einstaklingar með viðkvæm öndunarfæri, eru hvött til að takmarka útivist og áreynslu, sérstaklega nálægt fjölförnum umferðargötum. -
Holllvinir SAk enn á ferð - Nýr hitakassi á barnadeild
Barnadeild Sjúkrahússins á Akureyri (SAk) hefur fengið nýjan og fullkominn hitakassa af gerðinni Babyleo frá Dräger. Kassinn leysir af hólmi eldri gerð sem komin var til ára sinna og ekki lengur hægt að fá varahluti í. Nýi hitakassinn er bæði notendavænn og auðveldur í umgengni og mun nýtast afar vel á hágæslu nýbura á barnadeildinni. Á deildina leggjast inn veikir nýburar og fyrirburar sem fæddir eru eftir 34 vikna meðgöngu og eru hitakassar lykilbúnaður í meðferð þeirra. -
Fyrstu önn Leiklistaskóla Draumaleikhúsins lokið
Fyrstu önn Leiklistarskóla Draumaleikhússins lauk um helgina með nemendasýningu í Deiglunni. Sýningin; Elísabet Scrooge - Alein á jólum var sýnd og var hún lokapunktur af 12 vikna námskeiði á 1.stigi.
