Mér er drull
Ég var ekki lengi að segja já þegar ég var beðin að skrifa þennan pistil í Vikublaðið. Nú skyldi ég nú fá að leggja orð í belg og bæjarbúar fá að heyra hvað mér virkilega finnst um hitt og þetta. Eru ekki örugglega allir spenntir að vita hvað mér finnst um litakóðunarkerfi og skyldudvöl á sóttvarnarhóteli? Sænsku leiðina í uppstillingu jafnaðarmanna? Gjaldtöku á bílastæðum við eldgosið? Viðtal Opruh Winfrey við Harry prins? Samsæriskenningar tengdum Covid?
Líklega ekki. Við höfum öll okkar skoðanir á litlum sem stórum málum og í jafn fámennu samfélagi og Íslandi fáum við gjarnan öll sömu hlutina á heilann í nokkra daga. Svo tekur næsta mál við og svo það næsta. Þessar skoðanir eru gjarnan viðraðar bæði í raunheimum og á netinu. Á innsoginu. Í CAPSLOCK. Svo enginn komist hjá því að sjá/heyra það sem MÉR finnst.
Eftir að hafa starfað um árabil á fjölmiðlum ætla ég að njóta þess að þurfa ekki að koma mér inn í mál sem eru efst á baugi hverju sinni. Það er eitthvað svo frelsandi að geta bara ypt öxlum. Það þarf ekki að þýða að ég hafi ekki skoðun á málunum en í stóra samhenginu skiptir engu máli hvað mér finnst um deilur ASÍ og Play, Samherjamálið eða eitthvað annað sem við höfum rifist um síðustu misseri. Og því enginn þörf fyrir að skrifa hverja færsluna á fætur annarri á Facebook um málefnið. Lífið hefur upp á svo miklu meira að bjóða en rifrildi yfir hlutum sem við höfum takmörkuð áhrif á og hvað þá vit á.
Sumarið er handan við hornið með útilegum og kærkomnu grímuleysi. Ég ætla að reyna að njóta þess án þess að vera ýta minni óumbeðnu skoðunum á alla í kringum mig. Það er öllum nákvæmlega sama. Heimurinn er fullur af skoðunum sem enginn bað um. Framboð svo miklu meira en eftirspurn. Til að vitna í lagið sem situr í efsta sæti á vinsældarlista Rásar 2; Mér er drull. Svo hér hafiði það; skoðanalaus pistill um nákvæmlega ekki neitt.
Ég skora á Mörtu Nordal leikhússtjóra Leikfélags Akureyrar í að skrifa næsta pistil.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
