Markmiðið að selja þúsund bleikar slaufur
„Markmiðið er bleikur fjörður,“ segir Vilborg Jóhannsdóttir kaupmaður í Centró og forsvarsmaður Dekurdaga á Akureyri. Sala á bleiku slaufunni stendur sem hæst um þessar mundir og gengur vel. Allur ágóði af sölunni rennur að vanda til Krabbameinsfélags Akureyrar og nágrennis.
Vilborg segir að 1000 slaufur séu til sölu og þegar búið að selja um 600. „Það gengur vel að selja, margir kaupa á hverju ári og þykir ómissandi hefð að skreyta við fyrirtæki sín eða heimili, lífga aðeins upp á tilveruna þegar skammdegið gengur í garð,“ segir Vilborg. „Bleiki liturinn fer svo vel með haustlitunum. Og gerir svo mikið fyrir okkur í myrkrinu.“
Nágrannabæir taka vel við sér
Miðbær Akureyrar er að verða ansi bleikur og fallegur, búið að hengja upp fjölmargar slaufur á tré og staura. „Nágrannar okkar hafa líka tekið vel við sér, þannig er mikið búið að skreyta í Ólafsfirði og á Dalvík líka og þegar eru einar 60 slaufur komnar upp í Hrafnagilshverfi í Eyjafjarðarsveit. Það að virkilega gaman að sjá hvað fólk í nágrannasveitarfélögum tekur þetta framtaki vel,“ segir Vilborg og hefur gaman af því fólki hleypur kapp í kinn og vill sína götu bleika.
Undanfarin ár hefur öll innkoma af sölu bleiku slaufunnar runnið til Krabbameinsfélags Akureyrar og nágrennis og svo verður einnig í ár. „Það er margir sem vilja fyrir alla muni styrkja það félag og vilja því allt hið besta,“ segir Vilborg og bætir við að hægt sé að panta slaufu á vef KAON, en einnig er velkomið að koma við í verslun hennar Centró í Hafnarstræti eða hafa samband við kvennaklúbb Lionshreyfingarinnar.
Dekurdagar á Akureyri standa yfir fram á sunnudag og er fjöldi viðburða á dagskrá, fyrirtæki og verslanir bjóða upp á afslætti og uppákomur. Kvöldopnun verður á Glerártorgi á morgun, fimmtudag og í miðbænum á föstudagskvöld.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
