„Ánægjulegt að hafa fleira fólk á eynni"
Óvenju mannmargt hefur verið í Grímsey í haust en nokkuð margir Grímseyingar sem alla jafna dvelja í landi á veturna hafa nú verið í eynni, þar með talið töluvert af börnum og unglingum sem hafa verið í fjar- og heimakennslu eins og víða annars staðar. Greint var frá þessu á vef Akureyrarbæjar.
Á sumrin dvelja yfirleitt upp undir 100 manns í Grímsey en fækkar verulega yfir vetrartímann þegar þar dvelja oftast á bilinu 15-20 manns. Núna í nóvember brá hins vegar svo við að það voru 35-40 í eyjunni. Þar af voru 6-8 börn á leik- og grunnskólaaldri og 2-3 framhaldsskólanemar.
„Þetta má að stórum hluta rekja til kórónuveirufaraldursins,“ segir Karen Nótt Halldórsdóttir, íbúi í Grímsey og verkefnastjóri Glæðum Grímsey, í samtali við Vikublaðið. „Fólk sem er almenn í landi á veturnar hefur verið að dvelja hér í lengri tíma,“ segir Karen. Þá hefur bátafloti Grímseyjar stækkað töluvert í ár, en auk þeirra þriggja báta sem hafa bæst við hingað til, komu feðgarnir Magnús Bjarnason og Bjarni Reykjalín nýverið til hafnar með Skel 26 sem mun fá nafnið Sæfinnur EA 58. „Það er vissulega ánægjulegt að hafa fleira fólk á eynni á þessu svartasta skammdegi,“ segir Karen.
Faraldurinn haft lítil áhrif á samfélagið
Hún segir jafnramt að heimsfaraldurinn hafi haft lítil áhrif samfélagið í Grímsey. „Við finnum alveg fyrir því að það hefur verið notalegt að vera hér á eyjunni í þessum heimsfaraldri. Það hefur ekkert smit komið upp hér. Í fyrstu bylgjunni hafði maður áhyggjur af túrismanum hingað en núna í þriðju bylgjunni hefur ekkert slíkt verið í gangi og lítið flakk á fólki. Þannig að þetta hefur verið býsna þægilegt. Hér er fólk í sinni búbblu og lífið hefur almennt gengið sinn vanagang þar sem veiran hefur lítið haft áhrif á störf á eynni,“ segir Karen.
Líkamsræktarstöð og grillhýsi
Auk fleira fólks á eynni hafa nokkrar framkvæmdir verið í gangi. Í sumar var hafist handa við að koma upp líkamsræktaraðstöðu í félagsheimilinu í Grímsey og fyrir skemmstu var lokið við að setja upp grillhýsi við tjaldssvæðið sem eflaust mun nýta heimamönnum sem og ferðamönnum næsta sumar. „Það er ýmislegt jákvætt í gangi og við erum bara nokkuð brött hérna og bíðum eftir að geta tekið fagnandi á móti nýju ári,“ segir Karen Nótt.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
