Málefni Iðnaðarsafnsins á Akureyri -Þetta lið grenjaði hér fyrir kosningar segir safnstjórinn
Málefni Iðnaðarsafnsins á Akureyri voru til umræðu í bæjarráði Akureyrar i morgun og eftir þá umræðu og samþykkt ráðsins má búast við breytingum á rekstri safnsins
Í fundargerð bæjarráðs má lesa.
,,Um langt skeið hefur verið ljóst að núverandi rekstrarform Iðnaðarsafnsins gengur ekki upp og að óbreyttu stefnir í að safnið loki þann 1. mars nk. Akureyrarbær sem einn af stofnaðilum safnsins hefur áhuga á því að vernda einstaka iðnaðar- og atvinnusögu Akureyrar sem Iðnaðarsafnið hefur hingað til haldið utan um og miðlað.
Í því skyni að styðja við varðveislu og sýnileika þessarar sögu til framtíðar felur Akureyrarbær forstöðumanni atvinnu- og menningarmála að vinna, í samvinnu við stjórn Minjasafnsins og stjórn Iðnaðarsafnsins, greiningu á þeim kosti að Iðnaðarsafnið sameinist Minjasafninu á Akureyri og leggja í því skyni fyrir bæjarráð ólíkar sviðsmyndir og kostnað við þær.“
Óhætt er að segja að Sigfúsi Ólafi Helgasyni safnstjóra sé ekki skemmt.
,, Nú er það endanlega ljóst að safnið lokar 1 mars. Bæjarráð fjallaði í morgun um safnið og það verða samkvæmt bókun sem gerð var engir peningar lagðir í safnið en hafin vinna við greiningu um fýsileika sameiningar Minjasafnsins og Iðnaðarsafnsins. Við göngum út 1 mars og munum ekki koma nálægt neinni vinnu eftir það.“
Sigfús bætti við ,,þetta er magnað í ljósi þess að allt þetta lið grenjaði hér í heimsóknum fyrir kosningar að nú þyrfti að skjóta styrkum stöðum undir reksturinn í eitt skipti fyrir öll. Það verður ekki gert með sameiningu við Minjasafnið sem sjálft berst í bökkum að halda sér á floti. Tveir veikir einstaklingar lagðir saman verða ekki einn frískur."
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
