Dagskráin 18.desember - 8.janúar 2025
Loftið sem er fullt af keramiki
Fullbúið keramikjólatré sem margir telja vera nostalgíu
Margir hafa séð keramikjólatré, hvort sem það er hjá mömmu, ömmu eða frænku. Ekki eru allir sem vita af því að hægt sé að kaupa og mála keramik sjálfur en Monika Margrét Stefánsdóttir rekur Keramikloftið þar sem hægt er að versla slíkar vörur og föndra.
Í grunninn er keramik bara leir. Leirinn er síðan mótaður og getur verið alls konar. Leirinn er síðan brenndur við 800-1.300 gráður. Keramik er í raun bara nytjahlutur. Hann er ekki beint fjöldaframleiddur eins og margt í dag. Keramik er því í raun eitthvað sem hægt er að segja að sé einstakt.
Keramikföndur fyrir alla
Á Árskógssandi er lítið gamalt fiskvinnsluhús þar sem efri hæðin eða loftið er gjafabúð sem kölluð er Keramikloftið. Þar vinnur Monika Margrét Stefánsdóttir við það að gera hinar ýmsu keramikvörur.
Keramikloftið selur keramik á borð við styttur, veggskraut, blómapotta og vasa ásamt ýmsu öðru. Einnig eru seldir þar litir sem fólk getur verslað sér til þess að mála sjálft. Eina sem er full búið sem Keramikloftið er með inni á heimasíðunni sinni eru tvær tegundir af sígildu keramikjólatré fyrir ljós.
Jólin eru annatími
Monika segir að það sé mest að gera hjá henni fyrir jólin. Tímabilið byrjar í september þegar félagsstörfin hefjast með sín námskeið en svo í október og nóvember hefst tímabilið sem fólk fer að kaupa hjá henni eða jafnvel mála. Hún er með vinnustofur þar sem algengt er að hópar komi saman og máli. Misjafnt er hvort það séu jólavörur eða eitthvað annað en jólin eru þó alltaf vinsælli en annað.
Aukning hefur orðið hjá Moniku hvað það varðar að fólk komi að mála keramik á öðrum tímum en yfir jólahátíðina. Um páskana var í fyrsta skiptið páskaföndur sem byggt er svipað upp og fjölskylduföndrið hjá henni. Það gekk vel að hennar sögn og er stefnan að halda áfram með það.
Ljósavörur alltaf vinsælar
Mest af því sem hún selur eru jólavörur en húsin hafa verið mjög vinsæl síðastliðin tvö ár og hún segir að margir séu farnir að búa sér til jólaþorp.
Hins vegar eru jólatrén það sem selst líklega mest af; þetta sé ákveðin nostalgía fyrir fólk þar sem móðir eða amma hafi átt eins jólatré. Það er í raun allt sem getur verið með ljósi inn í.
Fólk kemur sjálfu sér mikið á óvart
Allir ættu að prófa að mála keramik því að mati Moniku felst svo mikil núvitund í því. „Heimurinn er orðinn svo hraður í dag og gott að slaka aðeins á með því að mála keramik,“ segir hún.
Það sem Moniku finnst skemmtilegast við að vinna við þetta er að fólk kemur sjálfu sér svo mikið á óvart.
Herrakvöld er stefnan
Monika hefur tekið eftir því, sérstaklega í fjölskyldujólaföndrinu, að pabbarnir hafa yfirleitt alltaf ótrúlega gaman af því að mála. Stefnan er því sett á herrakvöld á Keramikloftinu á nýju ári.
Nýjast
-
Nýársávarp 1. janúar 2025 Kartín Sigurjónsdóttir
Enn er liðinn einn dagur Og brátt annar tekur við Sitjum hér, hlið við hlið Horfum veginn fram á við Þetta er kvöld til að þakka Fyrir það sem liðið er Allt það besta í þér Sem þú gefið hefur mér Gleðilegt ár. -
Gleðilegt nýtt ár
Starfsfólk Vikublaðsins óskar lesendum blaðsins gleðilegs nýs árs með þökkum fyrir samfylgdina á liðnu árum. Gleðilegt nýtt ár ! -
Staða hitaveitunnar erfið - Neyðarstjórn virkjuð
Neyðarstjórn Norðurorku var virkjuð fyrr í dag en í viðbragðsáætlun hitaveitu kemur fram að það skuli gert þegar staðan í heitavatnstönkum nálgast öryggismörk. -
Hrefna Sætran og Ívar Örn Hansen töfra fram gómsæta rétti
„Ristað brauð… graflaxsósa… grafinn lax… NAMM ég slefa! Grafinn lax er algjört uppáhald hjá mér um jólin. Eftir því sem ég eldist finnst mér smá erfiðara að verða spennt. Kannski út af því að hlutirnir eru aðgengilegri núna en þegar maður var yngri. -
Áramótapistill framkvæmdstjóra SSNE
Það er hálf ótrúlegt að enn eitt árið sé að renna sitt skeið og viðeigandi að líta yfir farinn veg. Desembermánuður var viðburðaríkur hjá SSNE og einkenndist, eins og raunar árið allt, af Sóknaráætlun Norðurlands eystra. Við hófum mánuðinn á rafrænni úthlutunarhátíð en þar voru kynnt þau 74 verkefni sem hlutu styrk úr Uppbyggingarsjóði Sóknaráætlunar Norðurlands eystra. Það var óvenju mikil fjölbreytni í umsóknum þessa árs og ljóst að mikil gróska er á Norðurlandi eystra í öllum geirum atvinnulífs og menningar – gróska sem er að skila sér í öflugum verkefnum sem efla landshlutann okkar. -
Jólabíómyndir Hefðirnar sem gera hátíðina einstaka
Jólabíómyndir hafa alltaf verið stór hluti af því að skapa hátíðarstemningu fyrir marga, þar á meðal Tinnu Malín Sigurðardóttur. Hún hefur sterkar skoðanir á mikilvægi jólabíómynda og deildi með mér sínum hefðum og uppáhaldsmyndum, sem hún hefur horft á með fjölskyldu sinni. Í viðtalinu segir hún frá því hvernig þessar myndir hafa mótað jólahefðir hennar og hvers vegna þær skipta máli. -
Kveðja Samherja eftir samtals 119 ár
Þrír starfsmenn sem unnið hafa hjá Samherja eða tengdum félögum í samtals 119 ár láta af störfum um áramótin. -
Jólapíla -Pílukast yfir hátíðirnar
Pílukast hefur svo sannarlega orðið vinsælt á síðustu árum og er mikill uppgangur í íþróttinni hérlendis og erlendis. Hver sem er getur kastað pílu, það þarf bara að mæta og prófa og skemmta sér. -
Einu sinni var - löngu fyrir tíma Tik Tok og Tinder
Í öllu þessu daglega amstri í öldurót tímans þegar heimurinn fer stöðugt á hvolf og maður veit varla hvað snýr upp þennan daginn og niður hinn daginn er gott að ylja sér við minningar frá töluvert löngu liðinni tíð þegar hefðirnar voru í hávegum hafðar og allt þurfti að vera eins og það var árið áður. Þá voru engar tölvur sem fönguðu huga fólks, ekki snjallsímar, ekki Facebook, ekki Tik Tok, ekki Instragram og alls ekki Tinder. Og farsímarnir, fyrst þessir risastóru, komu ekki fyrr en löngu eftir að ég sleit barnsskónum.
