6. nóvember - 13. nóvember - Tbl 45
Líkamleg, andleg og félagsleg heilsa eldra fólks
Hulda Elma Eysteinsdóttir.
Hulda Elma Eysteinsdóttir skrifar
Í framhaldi af síðustu skrifum mínum þá langar mig að deila vangaveltum mínum varðandi félagsleg tengsl og hreyfingu eldra fólks. Ég hef séð um leikfimi fyrir 60 ára og eldri á Bjargi síðustu fjögur árin en hóparnir mínir eru þrír og samanstanda af einstaklingum á bilinu 60-83 ára. Það leynir sér ekki hversu mikið það gefur fólki á þessum aldri að mæta á staðinn og vera hluti af hópi á sama tíma og þau rækta líkama og sál. Margir eða flestir mæta til að hreyfa sig til bættrar heilsu en hluti af hópnum mætir aðallega út af félagsskapnum sem þau fá fyrir tímann, í tímanum og eftir hann, þegar þau taka kaffisopann sinn já eða í pottinum eftir tímann.
Ég hef heyrt setningar eins og “guð hvað er gott að tala aftur, ég hef ekki rætt við neinn í þrjá daga”. Svona setningar hlýja verulega en á sama tíma verð ég sorgmædd. Hraðinn er orðinn svo mikill í nútímasamfélagi að eldra fólkið einangrast sífellt meira. Þetta er fólkið sem hefur þjónað okkur og nú er komið að okkur að standa vaktina fyrir þau. Ég hef alltaf sagt að það séu forréttindi að fá að þjálfa fólk á þessum aldri. Það er svo gefandi að sjá bætta líðan hjá einstaklingum sem búast yfirleitt ekki við að finna framfarir á þessum aldri.
Framboð af félagsstarfi og hreyfingu
Árið 2005 voru íbúar á Akureyri 60 ára og eldri 2.669 eða um 16,1% bæjarbúa. Þann 1. janúar 2021 taldi þessi hópur 4.172 einstakling eða 21,7% bæjarbúa. Samkvæmt mannfjöldaspám stækkar þessi hópur hlutfallslega mjög mikið á næstu árum.
En er nægilegt framboð af félagsstarfi og hreyfingu fyrir allt þetta fólk og finna allir eitthvað við sitt hæfi? Að mínu mati ætti Akureyrarbær að setja kraft í að koma af stað meira framboði af hreyfingu fyrir þennan hóp.
Það er ekki allra að mæta á líkamsræktarstöð þar sem námskeiðin fara fram og því er það afar mikilvægt að koma af stað fjölbreyttara úrvali af hreyfingu fyrir 60 ára og eldri. Það má til dæmis hugsa sér óformlegri hópa sem myndu hittast utandyra. Ég veit að það hafa verið vangaveltur um að stóru íþróttafélögin setji af stað prógram fyrir 60 ára og eldri og vona ég að sú vinna haldi áfram.
Sund og sundleikfimi er hreyfing sem hentar afar vel og veit ég að það eru einhverjir hópar starfandi í bænum en það er sennilega pláss fyrir fleiri. Við hjá L-listanum viljum huga vel að eldra fólkinu okkar og skapa því betri heilsu og meiri gleði eftir starfslok.
Höfundur skipar 2. Sæti á framboðslista L-listans á Akureyri
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
