4.desember - 11. desember - Tbl 49
Líftækninemar leita að lausnum
Frá vinstri: Sara Atladóttir, Stella Ingibjörg Sverrisdóttir, Elísa Ósk Skæringsdóttir og Bjarki Freyr Ómarsson á leið í sýnatöku í Kjarnaskógi Myndir Aðsendar
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð.
Viðfangsefni haustsins eru af ýmsum toga og í öllum tilvikum spreyta nemendur sig á lífefnaleit (e. bioprospecting). Þeir taka umhverfissýni og einangra örverur sem eru færar um ákveðin efnaskipti, til dæmis geta þær brotið niður fjölsykrur, framleitt lífplast, bundið nitur eða brotið niður prótein.
„Þetta námskeið er nokkuð krefjandi því stúdentar fá ekki fyrirfram útbúna verkseðla eins og gengur og gerist í flestum verklegum námskeiðum á 1. og 2. ári,“ segir Eva María Ingvadóttir, aðjúnkt og umsjónarkennari námskeiðsins í ár. „Það felast tækifæri í þessu „frelsi“ en líka hindranir. Stúdentar verða sjálfir að ákveða markmið, hvað skal gera og hvernig. Hafandi tekið námskeið á borð við örverufræði, lífefnafræði og erfðafræði búa þeir hins vegar yfir þekkingu sem er lykillinn að lausn verkefnisins. Það væri hægt að lýsa þessu sem verkefnastýrðu leiðsagnar- og lausnaleitarnámi,“ bætir Eva við.
Þannig þurfa stúdentar t.d. sjálfir að rýna í heimildir í leit að heppilegum skimunaraðferðum, skilgreina verkþætti og vörður og framkvæma áhættugreiningu.
„Hagnýtt verkefni er krefjandi en afar lærdómsríkt námskeið. Í því fengum við að upplifa hvernig það er í raun og veru að framkvæma okkar eigið rannsóknarverkefni og hvaða áskoranir fylgja því. Við þurftum að sýna frumkvæði í framkvæmd og leggja sjálf mat á markmið og framvindu verkefnisins sem var vissulega ekki alltaf auðvelt. Það var hins vegar hvetjandi að kennari var til staðar á hliðarlínunni sem sýndi bæði rannsóknarviðfangsefninu áhuga og veitti reglulega góða og uppbyggjandi endurgjöf sem átti einungis eftir að styrkja sjálft verkefnið. Áfanginn er góður grunnur fyrir B.S. verkefnið okkar sem og fyrir annað framhaldsnám,“ segir Sara Atladóttir, stúdent á 3. ári í heilbrigðislíftækni.
Rætur lúpínu voru skoðaðar og borið kennsl á rótarhnúða sem að öllum líkindum innihalda vaxtarhvetjandi örverur
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
