20. nóvember - 27. nóvember - Tbl 47
Leikfélag Hörgdæla frumsýnir Bróðir minn Ljónshjarta
Um 60 manns taka þátt í sýningunni með einum eða öðrum hætti, en leikarar eru 14 talsins. Myndir aðsendar
Leikfélag Hörgdæla frumsýnir í kvöld, fimmtudagskvöldið 7. mars verkið Bróðir minn Ljónshjarta eftir Astrid Lindgren. Sýnt er á Melum í Hörgársveit. Sýningar verða einnig um helgina, bæði laugardag og sunnudag kl. 16. Verkið verður sýnt áfram næstu helgar og um páskana.
Bróðir minn Ljónshjarta er hugljúf stríðssaga af þeim bræðrum Snúð og Jónatan. Yngri bróðirinn Snúður er dauðvona en Jónatan reynir að hughreysta Snúð með því að segja honum hvað gerist eftir dauðann. Eftir stutta jarðneska dvöl hittast bræðurnir aftur í Nangijala eins og þeir höfðu talað um. Þar er lífið himneskt eða ætti öllu heldur að vera það. En það er svikari í Kirsuberjadal sem aðstoðar það grimma í þeim heimi, Riddaranum Þengli og hans fólk ásamt eldspúandi drekanum Kötlu sem eiga sitt aðsetur í Þyrnirósadal.
Tími til að kynn söguna fyrir nýrri kynslóð
„Þetta er saga þar sem komið er inn á jafnviðkvæmt málefni og dauðinn er og eins er komið inn á hina sígildu baráttu milli góðs og ills sem alltaf á erindi við okkur,“ segir Kolbrún Lilja Guðnadóttir leikstjóri. Æfingar hafi gengið vel og allir í hópnum fullir tilhlökkunar að stíga á svið. „Það er nokkrir nýliðar með, bæði börn og fullorðnir, þannig að sumir eru að upplifa það í fyrst sinn að leika á sviði og stemmningin er mjög skemmtileg,“ segir hún.
Kolbrún segir að langt sé liðið frá því Bróðir minn ljónshjarta hafi síðast verið sett á svið, 10 ár séu frá því það var sýnt á Selfossi og Þjóðleikhúsið sýndi verkið árið 1998. „Það er komin tími til að kynna þetta verk fyrir nýrri kynslóð. Bíómyndin sem gerð var á sínum tíma er að falla í gleymskunnar dá og líkast til er bókin ekki lesin í sama mæli og var áður fyrr, þannig að það eru margir sem kannast ekki við ævintýrið,“ segir hún. Sagan höfði á mismunandi hátt til fólks m.a. eftir því á hvaða aldri það er, börn upplifi söguna á annan hátt en fullorðnir. „Börnum finnst þetta spennandi ævintýri á meðan fullorðnir sjá fyrir sér fallega en sorglega sögu.“
Ísabella Líf Baldvinsdóttir í hlutverki stríðnispúka að dást af Jónatani leikin af Eden B. Hróa
Alls eru 14 leikarar í sýningunni en þeir eru á aldrinum 9 ára til 55 ára. Um það bil 60 manns taka þátt í sýningunni með einum eða öðrum hætti. Með aðalhlutverkið Karl “Snúður” Ljónshjarta fer hún 12 ára gamla Katrín Birta Birkisdóttir með en Eden Blær Hróa fer með hlutverk eldri bróðirinn, Jónatan Ljónshjarta.
Leikstjóri sýningarinnar er Kolbrún Lilja Guðnadóttir sem leikstýrir nú í fyrsta sinn hjá Leikfélagi Hörgdæla en hún lék með félaginu í í Gauragangi árið 2019. Kolbrún leikstýrði Fólkinu í blokkinni árið 2023 í Freyvangsleikhúsinu og Tröll sem leikfélag VMA setti upp árið 2022. Svavar Knútur hannar hljóðheiminn í sýningunni.
Nýjast
-
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs.
