Lausa skrúfan er vitundarvakning um geðheilbrigði og geðrækt
„Verkefnið er fyrst og fremst vitundavakning um geðheilbrigði og geðrækt, sem og fjáröflun,“ segir Sonja Rún Sigríðardóttir verkefnastjóri Unghuga og kynningamála hjá Grófinni geðrækt, en nú um komandi helgi verður hópur þátttakenda úr Grófinni á Glerártorgi og kynna Lausu skrúfuna.
Febrúar er mánuður Lausu skrúfunnar og markar 15. febrúar næstkomandi upphaf söluátaks verkefnisins sem heldur áfram út febrúar. Hægt verður að kaupa skrúfuna á staðnum á Glerártorgi en einnig í Byko, Ferro Zink og Pennanum á Akureyri. Eins eru ýmsar styrktarleiðir sem finna má á vefsíðunni www.lausaskrufan.is þar sem hægt er að leggja málefninu lið.
Fyrst um sinn munu styrkir renna til Grófarinnar til að aðstoða við að standa undir auknum rekstrarkostnaði og halda starfseminni gangandi. Framtíðarsýnin er þó svo að hægt verði að leggja öðrum valdeflandi verkefnum lið sem upp kunna að koma síðar norðan heiða.
Mikilvægt málefni
Upphaflega var Lausa skrúfan kynnt á Alþjóðlega geðheilbrigðisdeginum, 10. október síðast liðinn, og var almennt tekið vel í verkefnið. „Fólk var forvitið og höfðu flestir sínar eigin sögur að segja tengdar eigin geðheilsu um tíðina. Ljóst er að þetta er mikilvægt málefni sem halda þarf á lofti allan ársins hring, en ákveðið var að febrúar yrði mánuður Lausu skrúfunnar, bæði vegna persónulegrar reynslu Sigurðar Gísla, hugmyndasmiðsins á bak við verkefnið, en ekki síður vegna þess að þetta er kaldur og dimmur mánuður þar sem nauðsynlegt er að huga að geðheilsunni,“ segir Sonja Rún.
Huga þarf vel að andlegri heilsu
Hún segir Lausu skrúfuna vera vitundarvakningu um mikilvægi þess að hugsa vel um andlegu heilsu og berjast gegn sínum innri fordómum ekki síður en ytri. Þá sé hún vegvísir fyrir fólk norðan heiða - jafnt fyrir þau sem eru að leita sér hjálpar við andlegri vanlíðan og þau sem vilja stunda geðrækt meðal jafningja. Auk þess að vera fjáröflun fyrir Grófina Geðrækt, sem er eina opna geðræktin á Norðurlandi.
Aðsókn að Grófinni hefur vaxið um árin en fólk sem tekur þátt kemur víða að, frá Akureyri, Eyjafjarðarsvæðinu öllu og héðan og þaðan af Norðurlandi en alls eru heimsóknir um 5500 á ári. Virkir þátttakendur eru á bilinu 80 til 140 manns, eftir árstíma. Grófin hefur verið starfandi frá árinu 2013. Mygla kom upp í húsakynnum Grófarinnar og var starfsemi flutt annað. Greiða þarf mun hærri leigu fyrir nýja húsnæði, eða 10 milljónum meira á ári en var í fyrra húsnæði. Það er því ljóst að róðurinn verður þungur fyrir Grófina næstu mánuði en unnið verður að því að komast í ódýrara húsnæði eftir eitt til tvö ár.
Áhugafólk um geðheilsu ætti að leggja leið sína á Glerártorg um helgina en þá verður verkefninu Lausu skrúfunni ýtt út vör. Grófarfélagar verða með opinn bás frá kl. 12 til 17 á laugardag og sunnudag
Nýjast
-
Er þeim drullusama um kennara??
Í síðustu viku 13. febrúar birtist yfirlýsing frá Akureyrarbæ á, heimasíðu bæjarins, þar sem Akureyrarbær firrir sig allri ábyrgð á kjarasamningum og kjarasamningsviðræðum við kennara. -
Velheppnað Fyrirtækjaþing Akureyrar
S.l. fimmtudag fór fram vel heppnað Fyrirtækjaþing Akureyrar í Menningarhúsinu Hofi, þar sem stjórnendur á fimmta tugs fyrirtækja og stofnana komu saman til að ræða framtíð atvinnulífsins á svæðinu. -
Sjúkraþjálfun Akureyrar flutti í fyrra í Sunnuhlíð og fagnar 10 ára afmæli í ár
Sjúkraþjálfun Akureyrar fagnar í ár 10 ára afmæli sínu, var stofnuð árið 2015 af þeim Eydísi Valgarðsdóttur, Þóru Guðnýju Baldursdóttur, Guðmundi Daða Kristjánssyni og Tinnu Stefánsdóttur. Stofan var þá staðsett að Tryggvabraut 22 og samnýtti að hluta til aðstöðu með Heilsuþjálfun Davíðs Kristinssonar sem einnig aðstoðaði við stofnun stofunnar. Þann 1.júlí á liðnu ári fékk Sjúkraþjálfun Akureyrar afhenta glænýja og glæsilega aðstöðu í kjallara Sunnuhlíðar í Glerárhverfi á Akureyri, þar sem Heilbrigðisstofnun Norðurlands er einnig til húsa. Húsnæðið sem er í eigu Heima (áður Reginn fasteignafélag) var teiknað af Fanneyju Hauksdóttur arkitekt með þarfir starfseminnar í huga og þar er nú rekin öflug sjúkraþjálfunarstöð. -
Leiguflug frá Sviss til Akureyrar hafin að nýju
Flugvél á vegum svissnesku ferðaskrifstofunnar Kontiki lenti á Akureyrarflugvelli um liðna helgi,en hún kom í beinu flugi frá Zurich í Sviss. Flogið verður vikulega á sunnudögum næstu sex vikurnar. Þetta er annað árið í röð sem boðið er upp á vetrarferðir til Akureyrar frá þessari stærstu borg Sviss. -
Öflugt samstarf manns og hunds
Sleðahundaklúbbur Íslands kynnir starfsemina á Húsavík á sunnudag -
Sveitarstjórn Þingeyjarsveitar - Miklar áhyggjur af ástandinu
Sveitarstjórn Þingeyjarsýslu samþykkti samhljóða á 55. fundi sínum ályktun um stöðu mála á Reykjavíkurflugvelli. -
Byggingaverktakar segja aðstæður óviðunandi í Móahverfi
Byggingaverktakar í Móahverfi hafa farið fram á að Akureyrarbær og Norðurorka veiti framlag til þeirra verktaka sem eru að byggja í Móahverfi á Akureyri til að koma til móts við aukakostnað sem á þá hefur fallið, m.a. vegna þess að rafmagn er ekki komið á verkstaði í hverfinu og veitur heldur ekki tilbúnar. Þetta hafi valdið ómældum kostnaði fyrir þá verktaka sem eru að byggja á svæðinu. -
Lausa skrúfan er vitundarvakning um geðheilbrigði og geðrækt
„Verkefnið er fyrst og fremst vitundavakning um geðheilbrigði og geðrækt, sem og fjáröflun,“ segir Sonja Rún Sigríðardóttir verkefnastjóri Unghuga og kynningamála hjá Grófinni geðrækt, en nú um komandi helgi verður hópur þátttakenda úr Grófinni á Glerártorgi og kynna Lausu skrúfuna. -
Þingeyjarsveit - Listsýning í Þingey
Leikskólinn Krílabær hefur sett upp litríka og skemmtilega listsýningu í Þingey, stjórnsýsluhúsi Þingeyjarsveitar, í tilefni af degi leikskólans þann 6. febrúar.
