Lambadagatalið fyrir 2025 að koma út í ellefta sinn
Hið vinsæla lambadagatal Ragnars Þorsteinssonar, sauðfjárbónda og ljósmyndara í Sýrnesi Aðaldal, er nú orðið ellefu vetra og ekkert lát á eftirspurn.Ragnar tekur að venju allar myndirnar í dagatalið á sauðfjárbúi fjölskyldunnar í Sýrnesi.
Í Lambadagatalinu 2025 eru allar myndir teknar á sauðburði 2024 og þær endurspegla einnig veðurfarið frá þeim árstíma. Uppsetning og hönnun dagatalsins er einnig í höndum Ragnars, ásamt fjármögnun þess og sala. Dagatalið hefur verið fjármagnað á Karolina fund síðastliðin níu ár og hefur það verkefni alltaf gengið upp „og fjármögnunin núna varð sú mesta sem við höfum náð,“ segir Ragnar. „Þetta átti nú bara að vera til gamans svona einu sinni, prufa að gefa út dagatal með ljósmyndum af ómörkuðum unglömbum og forvitnast um hvort einhverjir hefðu áhuga á því og þetta er eiginlega búið að vera ævintýri síðan.“
Fær lof fyrir góðar ljósmyndir
Ragnar stofnaði Facebook-síðuna Lamba Lamb undir veffanginu facebook.com/lambidmitt og þar seldist fyrsta upplagið upp á örfáum dögum. Fylgjendur síðunnar eru nú orðnir rúmlega 1.600 og hún er mikið heimsótt. „Maður bæði hittir og á í samskiptum við fólk um allt land sem er bara skemmtilegt og svona markaðssetning væri ekki möguleg ef ekki væri fyrir netið og samfélagsmiðla. Móttökur við þessar hugmynd hafa verið frábærar og ég fengið mikið lof fyrir fallegar ljósmyndir og útlit dagatalsins. Salan fer eingöngu fram, „beint frá býli,” segir Ragnar en sölu til verslana var hætt vegna hárrar álagningarkröfu.
Breiðir út fegurð og fjölbreytileika
Megintilgangur útgáfunnar er fyrst og fremst að breiða út fegurð og fjölbreytileika íslensku sauðkindarinnar sem hefur séð þjóðinni fyrir mat og hita frá landnámstíð „og án hennar værum við tæplega til sem þjóð í dag.“ Allir hefðbundnir helgi- og frídagar eru merktir á dagatalið, einnig fánadagar, koma jólasveinanna, gömlu mánaðarheitin, tunglgangur og ýmsir dagar er tengjast sögu lands og þjóðar
Nýjast
-
Lambadagatalið fyrir 2025 að koma út í ellefta sinn
Hið vinsæla lambadagatal Ragnars Þorsteinssonar, sauðfjárbónda og ljósmyndara í Sýrnesi Aðaldal, er nú orðið ellefu vetra og ekkert lát á eftirspurn.Ragnar tekur að venju allar myndirnar í dagatalið á sauðfjárbúi fjölskyldunnar í Sýrnesi. -
Flestir kusu Samfylkinguna i Norðausturkjördæmi
Samfylking, Miðflokkur, Sjálfstæðisflokkur og Framsókn náðu öll tveimur þingmönnum, Viðreisn og Flokkur fólksins einu þingmanni hvor flokkur. Önnur framboð náðu ekki inn að þessu sinni. -
Hafa efasemdir um staðsetningu jöfnunarstoppistöðvar á Akureyri
Fulltrúar minnihlutans í umhverfis- og mannvirkjaráði Akureyrarbæjar lýsa yfir efasemdum um staðsetningu jöfnunarstoppistöðvar á bökkum Glerár, á móts við Glerártorgi. Jöfnunarstöð Strætisvagna Akureyrar var rædd á fundi ráðsins sem og endurskoðun á leiðakerfi SVA vegna færslunnar og lagðar fram tvær leiðir til að koma til móts við þá breytingu. -
Nýtt stjórnsýsluhús Þingeyjarsveitar heitir..... Þingey
Hátt í 60 tillögur að nýju nafni á stjórnsýsluhús Þingeyjarsveitar bárust í nafnasamkeppni sem efnt var til. Niðurstaða nefndar sem skipuð var til að fara yfir innsendar tillögur . Í lokin stóð valið á milli tveggja nafna sem sveitarstjóri endanlega ákvörðun um. Nafnið sem varð fyrir valin er Þingey og bárust allt sjö tillögur að því nafni og fengu allir blómvönd frá sveitarfélaginu í þakklætisskyni. -
Húsavík - Bæta umferðaröryggi barna við Borgarhólsskóla
Unnið hefur verið að því að undanförnu að bæta öryggi barna við skólalóð Borgarhólsskóla á Húsavík og hefur bílaumferð almennra ökutækja nú þegar verið stöðvuð inn á skólalóðina. -
Talsverður mótvindur og sýnilega ekki mikill samningsvilji
„Við tökum þessa ákvörðun sameiginlega eftir langa bið eftir svörum, við erum orðin þreytt á biðinn,“ segir Teitur Guðmundsson framkvæmdastjóri Heilsuverndar, en frá og með 1. desember hættir Heilsugæslan Urðarhvarfi starfsemi á Akureyri, en tveir læknar hafa starfað á hennar vegum á Akureyri. -
Náttúruöflin leiða saman hesta sína
Skálmöld og Hymnodia með stórtónleika í Hofi -
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað.
