Lætur gamlan draum rætast
Árný Björnsdóttir, kennari við Borgarhólsskóla á Húsavík ætlar að láta gamlan draum rætast um helgina þegar hún tekur þátt í Reykjavíkurmaraþoni Íslandsbanka sem fram fer á laugardag. Árný mun hlaupa hálfmaraþon, eða 21,1 km. og hleypur til styrktar MS-félagi Íslands.
Aðspurð hvort hún hafi stundað hlaupaíþróttina um langt skeið segir Árný að svo sé ekki en að hana hafi lengi langað til að taka þátt í Reykjavíkurmaraþoninu.
Frestaðist vegna barneigna
„Ég er nú ekkert mikil hlaupakona en mig hefur alltaf langað til að taka þátt í þessu. Ég ætlaði að taka þátt í Reykjavíkurmaraþoninu fyrir 14 árum síðan og byrjaði æfa af fullum krafti en komst þá að því að ég væri ófrísk af mínu fjórða barni og hætti þá við. Svo hef ég alltaf ætlað mér að gera þetta á hverju ári síðan og nú er loksins komið að því að ég láti verða af því,“ segir Árný í samtali við Vikublaðið og bætir við að undirbúningur sé nú á loka metrunum.
Vinkonur létu slag standa
„Ég og vinkona mín, Berglind Júlíusdóttir ákváðum saman að láta verða af þessu síðasta haust, þannig að við erum búnar að vera hlaupa saman síðan,“ segir Árný og bætir við að hún sé klár í slaginn og full tilhlökkunar.
Það er enginn beygur í Árnýju þó hún sé ekki vön því að hlaupa þetta langar vegalengdir enda er hún vel undirbúin. „Ég hef aldrei hlaupið svona langt og hef verið að þjálfa mig smátt og smátt upp í þetta en ég hef hlaupið lengst 17 km. Það munar svo litlu upp í 21 km. að ég held að ég fari létt með þetta. Maður getur alveg hlaupið þetta, svo ég tali nú ekki um fyrir gott málefni,“ segir Árný glaðhlakkaleg en hún hleypur sem fyrr segir fyrir MS-félagið.
Málefnið stendur henni nærri
Adda er vel undirbúin fyrir átökin á laugardag. Hægra megin er hún nýkomin í mark ásamt vinkonu sinni, Hönnu Skúladóttur í Jökulsárhlaupinu fyrir skemmstu.
„Pabbi var með MS og sonur bróður míns var að greinast með sjúkdóminn í fyrra, svo eru bara margir með þennan sjúkdóm og full ástæða til að vekja athygli á starfsemi félagsins og styðja við það,“ segir Árný að lokum.
MS er einn algengasti taugasjúkdómurinn sem leggst á ungt fólk og greinast um 25 árlega á Íslandi, flestir á aldrinum 20-40 ára. MS-félagið veitir jafnt MS-greindum sem aðstandendum ráðgjöf, fræðslu og stuðning.
Berglind vinkona Árnýjar og hlaupafélagi hleypur einnig hálfmaraþon og gerir það til styrktar Krabbameinsfélaginu. „Fyrir mér verður mikill sigur að ná að hlaupa hálfmaraþon í ágúst. Enn þá meiri sigur yrði að ná að safna pening og geta borgað Krabbameinsfélaginu smá tilbaka fyrir þá þjónustu og stuðning sem við fjölskyldan fengum í kringum veikindi og fráfall elsku bestu mömmu,“ segir á styrktarsíðu Berglindar.
Vinukonurnar hafa hvor um sig safnað vel á annað hundrað þúsund þegar þetta er ritað (á mánudagskvöld) en hægt er að heita á þær í gegnum heimasíðu Reykjavíkurmaraþonsins.
Nýjast
-
Fréttatilkynning – Sniðgangan 14. september 2024
Sniðgangan 2024 verður gengin á höfuðborgarsvæðinu og Akureyri laugardaginn 14. september kl. 14:00. Sniðgangan 2024 verður farin til að vekja athygli á sniðgöngu fyrir Palestínu og mikilvægi þess að sniðganga Ísrael og ísraelskar vörur þar til stjórnvöld í Ísrael lúta alþjóðalögum og virða frelsi og réttindi Palestínumanna. Sniðganga er áhrifamikil og friðsamleg leið til að sýna palestínsku þjóðinni samstöðu og taka afstöðu gagnvart þeim sem hagnast á landráni, hernámi og stríðsglæpum ísraelskra stjórnvalda. -
Akureyrarvöllur - Vinna skal samkeppnislýsingu
Framtíðarnýting svæðisins sem í daglegu tali er nefnt Akureyrarvöllur var til umræðu á fundi skipulagsráðs í vikunni. -
Ævintýragarðurinn lokar eftir gott sumar
Ævintýragarðurinn við Oddeyrargötu 17 sem hefur verið opinn í allt sumar mun loka frá og með mánudeginum 16. september. -
Halló! Er einhver til í að hlusta?
Einstaklingum með heilabilunarsjúkdóma fer fjölgandi á Íslandi. Ástæðan er ekki sú að um faraldur sé að ræða heldur eru að eldast núna stórar kynslóðir eftirstríðsáranna og aldur er því miður einn af áhættuþáttum þess að þú fáir heilabilunarsjúkdóm. -
Svo læra börnin....
Það er ekki sjálfgefið að samfélagsumræða sem fram fer í kjölfar áfalla eða voðaverka leiði til farsællar niðurstöðu. Það getur verið erfitt að nálgast málefni af yfirvegun þegar hugurinn sveiflast milli sorgar, ótta og reiði. Og því miður sýnist mér að umræðan sem farin er af stað um vopnaburð barna eigi nokkuð í land með að verða þannig að líklegt sé að niðurstaða hennar verði farsæl. Mér sýnist kveða við kunnuglegan tón harðari viðurlaga, öflugra eftirlits og inngripa í friðhelgi einkalífs barna eða mokstur á nöfnum barna inn á biðlista heilbrigðiskerfisins þar sem þau bíða árum saman eftir þjónustu sem ekki er til. -
Göngum flýtt víða en sums staðar var það ekki hægt
„Þetta var ekki góð sending, að fá þessa öflugu haustlægð yfir okkur svo snemma hausts,“ segir Sigurgeir Hreinsson framkvæmdastjóri Búnaðarsambands Eyjafjarðar. Veður var afleitt í byrjun vikunnar og gular og appelsínugular viðvaranir í gildi. Bændur flýttu í einhverjum tilvikum göngum vegna veðursins. -
Þórssvæðið - knattspyrnuvöllur Nesbræður buðu lægst
Bæjarráð Akureyrar hefur samþykkt að taka lægsta tilboði í jarðframkvæmdir við gerð undirlags undir gervigras á knattspyrnuvöll á félagssvæði Þórs Akureyri. Fjögur tilboð bárust. Það lægsta var frá Nesbræðrum að upphæð tæplega 110 milljónir króna og hafði umhverfis- og mannvirkjaráð áður samþykkt að ganga til samninga við Nesbræður vegna verkefnisins. -
Hvað er að vera læs?
Fyrir áhugasöm þá munu Miðstöð skólaþróunar við Háskólann á Akureyri (MSHA) og Miðstöð menntunar og skólaþjónustu (MMS) standa fyrir læsisráðstefnu sem er gott innlegg inn í þann fjölda hugrenninga sem vakna þegar læsi ber á góma. -
Brostnir draumar og óbilandi von - Með kveðjum frá Gaza
Í kjölfar viðtals sem Vikublaðið tók við Kristínu S. Bjarnadóttur og birt var í blaðinu og á vef á dögunum hefur hefur nokkuð verið um það að okkur hafi borist skilaboð gegnum Facbook frá fólki í neyð á Gaza. Lýsingarnar eru sláandi og gefa mynd af stöðu sem mjög erfitt er fyrir okkur sem höfum áhyggjur af snjókomu í september að ímynda okkur hvernig sé. Ein af þeim sem hefur sent okkur skilaboð er May Ashqar gift kona og móðir. May Ashqar kýs að skrifa okkur að mestu í þriðju persónu og er það gott og vel.
Athugasemdir