27. nóvember - 4. desember - Tbl 48
Læknir sem ákærður er fyrir hrottalegt heimilisofbeldi, starfar á Húsavík
Tómas Halldór Padjek, læknirinn sem greint var frá í gær að hafi verið ákærður fyrir ofbeldi gegn konu sinni og börnum starfar hjá Heilbrigðisstofnun Norðurlands (HSN) á Húsavík. Ákæra á hendur honum var gefin út af lögreglustjóranum á Vestfjörðum og er manninum gefið að sök að hafa yfir sjö ára tímabil beitt eiginkonu sína ofbeldi og hótunum.
Í ákærunni segir og RÚV greinir frá, að hann hafi hótað konunni að binda enda á líf hennar með lyfjagjöf og skoða sjúkraskrár hennar. Aðalmeðferð málsins verður við héraðsdóm Vestfjarða síðar í þessum mánuði.
„Maðurinn er ákærður fyrir hegningarlagabrot og brot gegn barnaverndarlögum. Í ákærunni, sem fréttastofa RÚV hefur undir höndum, segir að ofbeldið hafi staðið yfir um áralangt skeið. Það hafi hafist þegar konan var barnshafandi og samkvæmt ákærunni réðst maðurinn þá á konuna og hótaði henni lífláti ef hún færi af heimilinu.
Hann er ákærður fyrir að hafa neitað henni um aðstoð þegar hún var fótbrotin og að hafa nokkrum sinnum hótað að drepa hana með því að gefa henni of mikið insúlín með fjarstýringu sem stýrir inngjöf, en hún er sykursjúk og að hafa læst hana inni þegar hún var lág í sykri þannig að hún óttaðist um líf sitt,“ segir í frétt RÚV.
Sagt upp með látum
Tómasi Halldóri var sagt upp störfum á Heilbrigðisstofnun Vestfjarða með látum árið 2013 en frá því var greint á Vísi.
Í yfirlýsingu frá Tómasi, sem birt var á vef Bæjarins besta, í kjölfar uppsagnarinnar segir að framkvæmdastjóri stofnunarinnar, Þröstur Óskarsson, og framkvæmdastjóri lækninga við stofnunina, Þorsteinn Jóhannesson, hafi bannað sér að mæta til vinnu frá og með 12. nóvember. „Þetta gerðu þeir án nokkurs rökstuðnings og án þess að nefna nokkra ástæðu, þrátt fyrir að ég hafi lýst yfir vilja til að vinna við stofnunina út árið, eins og ég er með samning upp á, og jafnvel lengur,“ sagði í yfirlýsingunni.
Gylfi Ólafsson forstjóri Heilbrigðisstofnunar Vesturlands segir í samtali við Vikublaðið að Tómas hafi ekki verið í föstu starfi við stofnunina síðan honum var sagt upp árið 2013 en tvívegis verið fenginn í afleysingar.
Aðspurður hvað átt sé við með því að lækninum hafi verið sagt upp með látum sagðir Gylfi að hann þekkti ekki nákvæmlega til þess enda ekki verið forstjóri stofnunarinnar á þeim tíma. „Ég var ekki byrjaður þá en það voru samskiptaerfiðleikar hér innanhúss en ekkert ofbeldi eða slíkt,“ segir Gylfi.
Ekki hefur náðst í Jón Helga Björnsson forstjóra HSN vegna málsins en hann sendi stutt skilaboð á blaðamanna þar sem hann sagði að ekki hafi verið vitað af ásökunum á hendur lækninum þegar hann var ráðinn til Húsavíkur.
Fréttin hefur verið uppfærð
Nýjast
-
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti.
