20. nóvember - 27. nóvember - Tbl 47
Kvöldstund í Freyvangi
Freyvangsleikhúsið í Eyjafjarðarsveit frumsýndi fyrir rúmri viku, leikverkið Smán eftir Sigríði Láru Sigurjónsdóttur í leikstjórn Sindra Swan. Myndir/aðsendar.
Svavar Alfreð Jónsson skrifar:
Blákaldur veruleikinn nægir fólki ekki. Þess vegna býr það sér til allskonar hliðarveruleika. Hliðarveruleikarnir eru eins og nafnið gefur til kynna eitthvað sem er til við hliðina á veruleikanum. Þar getur verið um upplifanir að ræða; fagurfræðilegar, trúarlegar, erótískar eða húmorískar. Hliðarveruleikarnir geta líka átt sér stað inni á ákveðnum rýmum sem eru hannaðir með það í huga að þeir geti orðið til: kirkjur og aðrir helgidómar, listasöfn, leikhús og barir, eru dæmi um híbýli hliðarveruleikanna.
Smán heitir nýtt íslenskt leikverk eftir Sigríði Láru Sigurjónsdóttur. Í leikskrá kemur fram að það hafi verið lengi í samningu. Verkið vann handritasamkeppni sem Freyvangsleikhúsið efndi til vorið 2019 og eftir að faraldurinn hafði tafið sviðsetningu þess er það nú loksins sýnilegt á fjölunum góðu frammi í firði.
Smán gerist að mestu á bar á Norðurlandi – líklega höfuðstað þess – og fer allt fram í hliðarveruleika barsins þar sem önnur lögmál gilda en úti í bláköldum raunveruleikanum. Samskipti fólks á börum eru með öðrum hætti en á öðrum stöðum. Þar gilda sérstök lögmál og þar getur ýmislegt komið fram sem er að öðrum kosti hulið. Barir eru oft afhjúpandi staðir. Þær verkanir nýtir höfundur leikritsins. Við fáum að vita ýmislegt um persónurnar sem við hefðum sennilega ekki fengið að vita ef Smán hefði gerst úti í veruleikanum.
Ekki var alltaf gott að átta sig á hvert nákvæmlega höfundur er að fara með því. Er Smán gleðileikur, harmsaga eða tragíkómedía? Stundum vissi maður ekki hvort ætti að hlæja – en þannig er það reyndar oft á börunum. Þar getur gleðskapurinn orðið hörmulegur og treginn hlægilegur.
Leikstjóranum, Sindra Swan, gömlum liðsmanni Freyvangsleikhússins, tekst vel upp. Framgangur verksins er góður og leikararnir standa sig með prýði. Umgjörðin öll er til fyrirmyndar og metnaðarfull. Freyvangsleikhúsið og önnur áhugaleikfélög eru dýrmætir og mikilvægir þættir í menningarlífinu. Ég hef lengi dáðst að leikstarfinu í Freyvangi og átt gefandi stundir í hliðarveruleikanum sem áhugafólk býr þar til handa áhorfendum með ómældri vinnu sinni og elju. Það framtak að setja upp nýtt íslenskt leikrit útheimtir áræði sem mér finnst lofsamlegt.
Ég óska Freyvangsleikhúsinu til hamingju með sýninguna.
Nýjast
-
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag.
