Kveðja Samherja eftir samtals 119 ár
Þrír starfsmenn sem unnið hafa hjá Samherja eða tengdum félögum í samtals 119 ár láta af störfum um áramótin.
Þetta eru Reynir Gísli Hjaltason sem starfað hefur hjá Samherja eða tengdum félögum í 50 ár, Frosti L. Meldal sem hefur starfað hjá Samherja og Útgerðarfélagi Akureyringa í 49 ár og Teresita Perez lætur af störfum eftir 20 ár hjá Samherja og Útgerðarfélagi Akureyringa.
Í tilefni þessara tímamóta var efnt til kaffisamsætis þeim til heiðurs í matsal Útgerðarfélags Akureyringa.
Lítil starfsmannavelta, ánægja í starfi
Anna María Kristinsdóttir mannauðsstjóri Samherja og Gestur Geirsson framkvæmdastjóri landvinnslu þökkuðu þeim fyrir vel unnin störf og óskuðu þeim jafnframt velfarnaðar í nýjum hlutverkum.
„Góðu heilli er starfsmannaveltan hjá okkur lítil, sem undirstrikar með skýrum hætti að þetta er góður vinnustaður og af því getum við verið stolt,“ sagði Gestur Geirsson í ávarpi í kaffisamsætinu.
Þakkir frá Samherja
Samherji þakkar Reyni Gísla Hjaltasyni, Frosta L. Meldal og Teresitu Perez fyrir frábært samstarf og óskar þeim velfarnaðar í framtíðinni.
Heimasíða Samherja sagði fyrst frá
Hanna Dóra Hermannsdóttir og Frosti L. Meldal kveðjast eftir farsælt samstarf
Reynir Gísli Hjaltason og Kristján Vilhelmsson í kveðjuhófinu
Kveðjustund: Angeline Mae Orozco, Teresita Perez, Jennifer Perez Seno, Jingly Catalan Llanos
Borðin hreinlega svignuðu undan kræsingunum
Nýjast
-
SAk. 405 börn fæddust á nýliðnu ári
,,Það voru aðeins færri fæðingar á nýliðnu ári eða 397, en börnin urðu 405 því það fæddust 8 pör af tvíburum, sem eru fleiri en síðustu ár. Drengir voru 199 en stúlkur 206. Við bíðum enn eftir fyrsta barninu á þessu ári, en það styttist í það." Þetta kom fram í svari frá Ingibjörgu Hönnu Jónsdóttur deildarstjóra fæðingardeildar SAk þegar vefurinn bar upp þessa klassísku spurningu á tímamótum sem þessum. -
Skíðavertíðin er að hefjast
Loksins, loksins, loksins segja eflaust margir en nú er stefnt að þvi að skíðasvæðið í Hlíðarfjalli verið opnað n.k. laugardag og fólk komist á skíði. Það verður svæðið frá Strýtu og niður sem fólk fær að renna sér á. -
Verðlaunakrossgáta Vikublaðsins
Dregið hefur verið úr fjölmörgum innsendum lausnum á verðlaunakrossgátu Vikublaðsins, óhætt er að fullyrða að vinsældir krossgátunnar eru alls ekki að dragast saman heldur þvert á móti. -
Ný vélaskemma risin í Hlíðarfjalli
Í tilkynningu á heimasíðu Slippsins kemur fram að Súlur stálgrindarhús ehf., dótturfélag Slippsins Akureyri ehf., hefir lokað nýrri vélaskemmu sem byggð var fyrir Akureyrarbæ á skíðasvæðinu í Hlíðarfjalli. :ette ar 800 fermetra hús að grunnfleti en í þvi er einnig starfsmannaaðstaða á tveimur hæðum þannig að heildargólfflötur er um 1000 fermetrar. Í áðurnefndri tilkynningu segir ennfremur að ,,samhliða lokafrágangi utanhúss hefst vinna við innahússfrágang strax eftir áramót." -
Viðhorf bæjarbúa til Bíladaga misjafnt
Nýleg netkönnun, sem Rannsóknarmiðstöð Háskólans á Akureyri framkvæmdi fyrir Akureyrarbæ, sýnir skiptar skoðanir bæjarbúa á Bíladögum. -
„Hvað boðar nýárs blessuð sól“
Kæru íbúar – gleðilegt ár! Um áramót gefst tími til að líta baka yfir liðið ár, þau tækifæri og áskoranir sem það færði okkur bæði í leik og starfi, sem og til nýrra og spennandi viðfangsefna sem nýja árið á eftir að færa okkur. -
Byggiðn styrkti Velferðarsjóð Eyjafjarðarsvæðis
Heimir Kristinsson, varaformaður Byggiðnar, afhenti fulltrúum Velferðarsjóðs Eyjafjarðarsvæðis styrk frá félaginu skömmu fyrir jól. -
Nýársávarp bæjarstjórans á Akureyri
Á dimmasta tíma ársins, um jól og áramót, lýsum við Íslendingar upp umhverfi okkar og viljum eiga góðar stundir með okkar nánustu. Þannig spornum við gegn myrkrinu og lýsum upp skammdegið í fullvissu um að bráðum birti til með betri tíð og blóm í haga. -
Nýársávarp 1. janúar 2025 Katrín Sigurjónsdóttir
Enn er liðinn einn dagur Og brátt annar tekur við Sitjum hér, hlið við hlið Horfum veginn fram á við Þetta er kvöld til að þakka Fyrir það sem liðið er Allt það besta í þér Sem þú gefið hefur mér Gleðilegt ár.
