20. nóvember - 27. nóvember - Tbl 47
KOSNINGARÉTTUR
Heiðrún E Jónsdóttir átti lokaoðið í blaðinu s.l. fimmmtudag
Við vanmetum oft það sem þykir sjálfsagt!
Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar.
Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma.
Hvorki konur, kýr, kettir né kindur voru með kosningarétt
Krafan um kosningarétt kvenna var fyrst orðuð opinberlega árið 1885 á þingmálafundi Suður-Þingeyinga. Marga þingmenn óaði við því að auka kosningaréttinn til fólks sem hefði ekki náð jafn miklum þroska og þeir sem kosningarétt höfðu þá þegar. Jón Jónsson á Hvanná, framsýnn og réttsýnn þingmaður varaði beinlínis við því að konur fengju kosningarétt: „En að sleppa þessum réttindum við þær strax og allt í einu yrði bylting í svip.“ Blessuð sé minning þessa sómamanns.
Árið 1914 fengu konur og vinnumenn 40 ára og eldri, kosningarétt til Alþingis
Augljóslega var þroski 25 ára karla meiri en 40 ára kvenna. Árið 1920 fengu allir 25 ára og eldri kosningarétt, óháð kyni og atvinnu. Þá voru konur og vinnumenn orðin jafnrétthá „karlmönnum“.
Alþingiskosningar 2024
Nú stefnir í eina athyglisverðustu kosningar til Alþingis í langan tíma. Á framboðslistum eru margir góðkunningjar en einnig margir sem hafa ekki verið á þessum vígvelli áður. Það hefur valdið áhyggjum að ungt fólk skilar sér illa á kjörstað. Það var því ánægjulegt í forsetakosningunum síðustu hversu mikil kosningaþátttaka ungs fólks var. Ég vona að sú verði raunin einnig nú. Ég hef alltaf hvatt ungt fólk til að kjósa, í það minnsta mæta á kjörstað. Í versta falli að skila auðu, það eru líka ákveðin skilaboð í því.
Ég get vel skilið að fólk viti stundum ekki alveg hvað það eigi að kjósa
Ekki gera samt eins og einn ættingi minn, sem dæsti þegar ég spurði hvað hann hafði kosið í forsetakosningum. Jú, þann sem var efstur á kjörseðli. Með atkvæði okkar erum við að setja okkar mark, þótt atkvæði okkar virðist ekki vigta mikið, á hvernig landinu okkar verður stjórnað. Ég mæli ekki með því að kjósa eftir staðsetningu á kjörseðli. Ekki heldur að kjósa það sama og foreldrar eða vinir. Svo má líka skipta um skoðun, það þarf ekki að kjósa það sama og síðast. Vissulega tekur það tíma að setja sig inn í málefni flokka, áherslur sem og fyrir hvað frambjóðendur standa.
Berum virðingu fyrir baráttu formæðra og -feðra okkar í að afla kosningaréttarins. Örkum á kjörstað í spariklæðnaði og nýtum kosningaréttinn með bros á vör.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
